Romabii 13
13
Heshibaa hã maŋnɔyelɔi
1 #
Tit 3.1; Yoh 19.11; Abɛi 8.15 Mɔ fɛɛ mɔ aba ehe shi ahã hegbɛi ni yeɔ nɔ lɛ. Ejaakɛ hegbɛ ko bɛ ni jeee Nyɔŋmɔ ŋɔɔ ejɛ; hegbɛi ni yɔɔ lɛ, Nyɔŋmɔ to. 2No hewɔ lɛ, mɔ fɛɛ mɔ ni kuɔ hegbɛ lɛ naa lɛ, Nyɔŋmɔ gbɛjianɔtoo lɛ eteɔ shi eshiɔ lɛ; ni mɛi ni teɔ shi nakai lɛ aaana amɛkojomɔ. 3#1 Pet 2.13-14 Ejaakɛ lumɛi lɛ, amɛhe bɛ gbeyei hã mɔ ni feɔ ekpakpa, shi hã mɔ ni feɔ efɔŋ moŋ; shi kɛji otaooo akɛ nɔyelɔ lɛ he ahi gbeyei ahã bo lɛ, feemɔ ekpakpa, ni ooona yijiemɔ yɛ edɛŋ; 4#Lal 82.6 ejaakɛ Nyɔŋmɔ sɔ̃ɔlɔ ji lɛ yɛ ohewɔ, koni ahi ahã bo. Shi kɛji ofee efɔŋ lɛ, she gbeyei; ejaakɛ jeee yaka ehiɛ tsi lɛ; shi eji Nyɔŋmɔ sɔ̃ɔlɔ kɛ oweletɔlɔ ni hãa Nyɔŋmɔ mlifu baa mɔ ni tsuɔ nifɔɔjianii lɛ nɔ. 5No hewɔ lɛ, sa akɛ abaa he shi, jeee yɛ Nyɔŋmɔ mlifu lɛ kɛkɛ hewɔ, shi moŋ henilee hewɔ hu. 6Enɛ hewɔ ni nyɛtsuɔ onia hu lɛ; ejaakɛ Nyɔŋmɔ tsuji ji amɛ, ni nɛkɛ sɔ̃ɔmɔ nɛɛ nɔŋŋ he amɛyɔɔ. 7#Mat 22.21; Mar 12.17; Luk 20.25 Bɔ ni ji mɔ fɛɛ mɔ gbɛnaa lɛ, nyɛfea nyɛhãa lɛ. Mɔ nɔ ni ji onia lɛ, nyɛtsua onia; mɔ nɔ ni ji tóo lɛ, tóo; mɔ nɔ ni ji gbeyeishemɔ lɛ, gbeyeishemɔ; mɔ nɔ ni ji woo lɛ, woo.
Suɔmɔ ji Mla lɛ nɔyeli
8 #
Gal 5.14; 1 Tim 1.5 Nyɛkahiɛa mɔ ko mɔ ko nyɔmɔ, akɛ ja suɔmɔ ni nyɛkɛaasumɔsumɔ nyɛhe lɛ; ejaakɛ mɔ ni sumɔɔ enaanyo lɛ eye Mla lɛ nɔ kɛwula shi. 9#Ɛks 20.13-17; Lev 19.18 Ejaakɛ kɛji akɛɛ akɛ, “Kaafite gbãlã! Kaaju! Ohiɛ akakɔ̃ nɔ ko nɔ!” Ni kɛ kitã kroko hu yɛ lɛ, fɛɛ hɔ nɛkɛ wiemɔ nɛɛ ni ji “Suɔmɔ onaanyo tamɔ bɔ ni osumɔɔ bo diɛŋtsɛ ohe” lɛ mli. 10#1 Kor 13.4; Mat 22.40 Suɔmɔ efeee enaanyo efɔŋ ko, hewɔ lɛ suɔmɔ pɛ ji Mla lɛ fɛɛ nɔyeli.
Ŋmɛlɛtswaa lɛ ebɛŋkɛ
11 #
Efes 5.14; 1 Tes 5.6-7 Ni nyɛle enɛ hu, no ji be lɛ, akɛ ŋmɛlɛtswaa ni nyɛkɛaate shi kɛjɛ wɔ mli lɛ eshɛ; ejaakɛ wɔyiwalaheremɔ lɛ ebɛŋkɛ agbɛnɛ fe tsutsu be ni wɔhe wɔye lɛ. 12#1 Yoh 2.8; Efes 5.11 Nyɔɔŋ lɛ eho etã, ni jetsɛremɔ ebɛŋkɛ; no hewɔ lɛ, nyɛhãa wɔjiea duŋ mli nitsumɔi lɛ wɔshwiea, ni wɔwo la tawuunii lɛ. 13#Luk 21.34; Efes 5.18 Nyɛhãa wɔnyiɛa fɛɛfɛo bɔ ni sa shwane, jeee yɛ dãanumɔ mli basabasafeemɔ kɛ dãatɔɔ mli; jeee ajwamãŋbɔɔ kɛ nyɛnyɛŋtswibɔɔ mli, jeee bei kɛ awuŋayeli mli; 14#Gal 3.27 shi moŋ nyɛwoa Nuŋtsɔ Yesu Kristo tamɔ dama, ni nyɛkahãa heloo lɛ nɔ jwɛŋmɔ lɛ miitsɔ̃ heloo lɛ sɛɛdii.
Currently Selected:
Romabii 13: NEGAB
Highlight
Share
Compare
Copy
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.
