Abɛi 28
28
1Mɛi fɔ̃ji joɔ foi be mli ni mɔ ko enyiɛɛɛ amɛsɛɛ, shi jalɔi lɛ amɛfeɔ ekãa tamɔ jata.
2Nɔsha hãa shikpɔŋ ko nɔ lumɛi ayi faa; shi kɛ emli mɛi lɛ yɛ niiashishinumɔ kɛ jwɛŋmɔ lɛ, lumɔyeli maa shi shiŋŋ, ni esɛɛ tsɛɔ.
3Ohiafo ni waa enaanyo ohiafo yi lɛ, etamɔ nunɛmɔ ni loɔ nii kɛyaa, ni ehãaa niyenii aba.
4 #
Lal 49.14
Mɛi ni kwaa mla lɛ, amɛ jieɔ mɔ fɔŋ yi; shi mɛi ni yeɔ mla nɔ lɛ teɔ shi amɛwoɔ mɛi fɔ̃ji lɛ.
5Mɛi fɔ̃ji nuuu jalɛ shishi; shi mɛi ni jaa Yehowa lɛ, amɛnuɔ shishi jogbaŋŋ.
6 #
Abɛi 19.1
Ohiafo ni baa ejeŋ jogbaŋŋ lɛ, ehi fe niiatsɛ ni bɛ jeŋba.
7Mɔ ni yeɔ mla nɔ lɛ, bi nilelɔ ni; shi mɔ ni kɛ fulɔi bɔɔ naanyo lɛ, ewoɔ etsɛ hiɛgbele.
8 #
Abɛi 13.22
Mɔ ni kɛ hekpa ni fe nine kɛ wieyeli hãa enii faa lɛ, eebua naa ehã mɔ ni naa ohiafo mɔbɔ lɛ.
9 #
Abɛi 21.27
Mɔ ni booo mla toi ni eye nɔ lɛ, esɔlemɔ tete lɛ, nihiinii ni.
10Mɔ fɛɛ mɔ ni hãa jalɔ nane tɔ̃tɔ̃ɔ kɛyaa gbɛ fɔŋ nɔ lɛ, eeegbee lɛ diɛŋtsɛ ebu mli; shi mɛi ni shwamɔ ko bɛ amɛhe lɛ aaana gboshinii kpakpa.
11Niiatsɛ buɔ ehe nilelɔ; shi ohiafo ni yɔɔ niiashishinumɔ kpaa lɛ shi.
12Kɛ jalɔi ye kunim lɛ, eyɛ nyam naakpa; shi kɛ mɛi fɔ̃ji wo amɛhe nɔ lɛ, mɛi teeteɔ amɛhe.
13 #
1 Yoh 1.8, 9 Mɔ ni tsimɔɔ etɔ̃mɔi anɔ lɛ, eshwereŋ; shi mɔ ni jajeɔ, ni efɔ̃ɔ efɔŋfeemɔ lɛ, anaa lɛ mɔbɔ.
14Ajɔɔ mɔ ni sheɔ Yehowa gbeyei daa; shi mɔ ni wajeɔ etsui lɛ, egbeɔ haomɔ mli.
15Nɔyelɔ fɔŋ ni yeɔ maŋbii ni anii yɔɔ mɔbɔ nɔ lɛ, etamɔ jata ni huuɔ loo oshishibrishi ni hiɛ ewo la.
16Nɔyelɔ ni bɛ jwɛŋmɔ lɛ, yiwalɔ kpele ji lɛ; shi mɔ ni nyɛɔ hiɛjoomɔ lɛ, ehãa egbii asɛɛ tsɛɔ.
17 #
Jɛn 4.14
Kɛji mɔ ko eye mɔ ko lá yi sɔ̃ lɛ, etsɔ̃ kobɔfo kɛmiiya gbonyobu mli; mɔ ko akaye ebua lɛ.
18Mɔ ni baa ejeŋ jogbaŋŋ lɛ, aaahere eyiwala; shi mɔ ni bɛ jeŋba lɛ, eeegbee bu mli. 19#Abɛi 6.6-11; 10.4; 12.11 Mɔ ni hũɔ eshikpɔŋ lɛ, eeena nii eye etɔ; shi mɔ ni nyiɛɔ yakayaka nii asɛɛ lɛ eeeye ohia kadikadi.
20Nuu anɔkwafo aaana jɔɔmɔ babaoo; shi mɔ ni yeɔ oyai koni ena nii lɛ, eyeŋ ehe.
21Hiɛaŋkwɛmɔ ehiii, ejaakɛ aboloo atrɔma kome pɛ hewɔ lɛ, gbɔmɔ aaafee efɔŋ.
22 #
1 Tim 6.9
Kpɛkpɛɛlɔ yeɔ oya ni ena nii; shi eleee akɛ ohia miiba enɔ.
23Mɔ ni kãa mɔ lɛ, fee sɛɛ lɛ ehiɛ baa nyam fe mɔ ni kɛ ewiemɔ woɔ mɔ yiteŋ mlu.
24 #
Mat 15.5
Mɔ ni tswaa etsɛ loo enyɛ ojo ni ekɛɔ akɛ, “Enɛ jeee esha” lɛ, mɔ hiɛkpãtãlɔ naanyo ji lɛ.
25Hiɛjoolɔ lɛ, ewoɔ bei; shi mɔ ni kɛ ehiɛ fɔ̃ɔ Yehowa nɔ lɛ, enaa nii.
26 #
Abɛi 3.5
Mɔ ni kɛ ehiɛ fɔ̃ɔ lɛ diɛŋtsɛ ehe nɔ lɛ, kwashia ni; shi mɔ ni nyiɛɔ yɛ nilee mli lɛ, aaahere eyiwala.
27Mɔ ni hãa ohiafo nɔ lɛ, nɔ ko nɔ ko he ehiaŋ lɛ; shi mɔ ni tsɔ̃ɔ ehiɛ etoɔ afã lɛ, aaalomɔ lɛ babaoo.
28 #
Abɛi 29.2
Kɛji yiwalɔi te shi lɛ, mɛi teeteɔ amɛhe; shi be ni amɛhiɛ kpãtãa lɛ, belɛ jalɔi ayi miifa.
Bible in Ga Language © Bible Society of Ghana, 2020.