Abɛi 26
26
1Snoo enɛɛɛ yɛ latsa be mli, ni nu enɛɛɛ yɛ nikpamɔ beiaŋ, nakai hiɛnyam esaaa kwashia.
2Bɔ ni aflimata filikiɔ ni nyɔŋmɔbitɛte filikiɔ lɛ, nakai yaka loomɔ mɔɔɔ mɔ.
3 #
Lal 32.9; Abɛi 10.13 Kpelebi sa okpɔŋɔ, ni manyoflɛ sa teji, ni kpãa sa kwashia kotosɛɛ.
4Kaakwɛ kwashia sanebimɔ ni ohã lɛ nakai hetoo, no lɛ oootsɔ̃ tamɔ lɛ.
5Kwɛmɔ kwashia sanebimɔ ni oha lɛ hetoo, koni ekabu ehe nilelɔ.
6Mɔ ni kɛ shɛɛ tsuɔ kwashia lɛ, eetɔ̃tɔ̃ lɛ diɛŋtsɛ enane, ni eetao sane ehã ehe.
7Bɔ ni obubuafo naji tsotsoroɔ ehe ni hewalɛ bɛ mli lɛ, nakai nɔŋŋ kwashia daaŋ abɛ yɔɔ efolo.
8Mɔ ni woɔ kwashia hiɛ nyam lɛ, etamɔ mɔ ko ni ekɔ tɛ ewo akromia mli.
9Bɔ ni ŋmei tso yɔɔ yɛ dãatɔlɔ dɛŋ lɛ, nakai abɛ yɔɔ yɛ kwashia daaŋ.
10Mɔ ni bɔɔ kwashia loo dãatɔlɔ ni miiho apaa lɛ, etamɔ gãitsɛ̃lɔ ni miipila mɔ fɛɛ mɔ kɛkɛ.
11 #
2 Pet 2.22
Kwashia ni kuɔ esɛɛ eyafeɔ ebuuluianii ekoŋŋ lɛ, etamɔ gbee ni kuɔ esɛɛ kɛyaa eshwee he.
12Hiɛnɔkãmɔ yɛ ha kwashia fe gbɔmɔ ni buɔ ehe nilelɔ yɛ lɛ diɛŋtsɛ ehiɛ.
13Anihaolɔ ji mɔ ni kɛɔ akɛ, “Jata yɛ gbɛ lɛ nɔ; jata yɛ blohui lɛ amli.”
14Bɔ ni shinaa tsɔ̃mɔɔ yɛ esɛɛ sai anɔ pɛ lɛ, nakai anihaolɔ hetsɔ̃ɔmɔ yɔɔ yɛ esaa mli.
15Anihaolɔ kɛ enine woɔ kã mli, shi ewaa ehãa lɛ akɛ, ekɛ enine lɛ aaawo edaaŋ tete.
16Anihaolɔ buɔ ehe nilelɔ yɛ lɛ diɛŋtsɛ ehiɛ, fe nilelɔi kpawo ni hãa sane hetoo ni ja.
17Mɔ ni kɛ ehe woɔ bei ni kɔɔɔ ehe eko mli lɛ, etamɔ mɔ ko ni mɔɔ gbee gbɔ ni miiho toi mli.
18-19Mɔ ni shishiuɔ enaanyo, ni ekɛɔ lɛ akɛ, “Shwɛmɔ kɛkɛ mikɛ bo shwɛɔ” lɛ, etamɔ sɛkɛyelɔ ni kɛ latsei kɛ gãii kɛ gbele shwɛɔ.
20Kɛji lai tã lɛ, la gboɔ; ni kɛji ablɛbiwielɔ bɛ lɛ bei sɛɛ foɔ.
21Bɔ ni ŋai hãaa lasrɛmi agbo, ni lai hãaa la agbo lɛ, nakai nɔŋŋ beilɔ hãa bei mli waa.
22Ablɛbiwielɔ wiemɔ tamɔ dɔkɔdɔkɔnii ni ŋɔɔ jogbaŋŋ ni wɔsumɔɔ akɛ wɔye wɔwo wɔmusuŋ obɔ̃.
23Naa dɔkɔbii wiemɔ ni jɛɛɛ tsuijurɔ mli lɛ, etamɔ ŋɛsuko ni akɛ jwiɛtɛi ekpa he.
24Nyɛlɔ kɛ enaabu saa ewiemɔ he, shi etsuiŋ lɛ, eelaka mɔ. 25Kɛji eewie dɔkɔbii lɛ, kaahe lɛ oye, ejaakɛ yiŋtoi fɔ̃ji eyi etsui mli obɔ̃. 26Ekɛ emɔnyɛɛ teɔ nɛ, shi aaajie egbɔmɔ fɔŋ lɛ kpo atsɔ̃ɔ yɛ asafo hiɛ kɛ̃.
27 #
Lal 7.16; Jaj 10.8 Mɔ ni kɛ yiŋtoo fɔŋ tsaa bu lɛ, lɛ nɔŋŋ eeegbee mli; ni mɔ ni kɛ yiŋsha kokloɔ tɛ lɛ, lɛ nɔŋŋ enɔ tɛ lɛ aaaku sɛɛ agbee.
28Kɛji oonyɛ mɔ ko lɛ, no owieɔ omaleɔ ehe efɔŋ; ni mɔ yiteŋ mluwoo lɛ ekɛ shigbeemɔ baa.
Bible in Ga Language © Bible Society of Ghana, 2020.