Abɛi 22
22
1 #
Jaj 7.1
Gbɛi kpakpa hi fe ninamɔ babaoo, ni hiɛnyam hi fe jwiɛtɛi loo shika.
2Niiatsɛ kɛ ohiafo lɛ, Yehowa ji mɔ ni bɔ amɛ fɛɛ.
3 #
Abɛi 27.12
Hiɛtɛ̃lɔ naa osharã miiba ni eteɔ ehe; shi mɔ ni jwɛŋmɔ esako kɛ lɛ yakpeɔ, ni ehiɛ kpãtãa.
4Heshibaa kɛ Yehowa gbeyeishemɔ he sɛɛnamɔ ji ninamɔ kɛ hiɛnyam kɛ wala.
5Ŋmeii kɛ tsɔnei yɛ kutumpɔfo gbɛ nɔ; mɔ ni leɔ ehenɔkwɛmɔ lɛ ekɛ amɛteŋ aaajekɛ.
6 #
Abɛi 20.11
Tsɔsemɔ gbekɛ bɔ ni eba ejeŋ jogbaŋŋ ehã, ni edalɛ mli lɛ etsakeŋ.
7Niiatsɛ yeɔ ohiafo nɔ; ni mɔ ni yafaa nii tsɔ̃ɔ nyɔŋ ehãa mɔ ni fa lɛ nii lɛ.
8 #
Hiob 4.8
Mɔ ni yeɔ toikɔdɔmɔ sane lɛ, enaa amanehulu, ni eyitsoŋwalɛ lɛ sɛɛ foɔ.
9 #
Abɛi 19.17 Mɔ ni mli jɔ lɛ aaajɔɔ lɛ, ejaakɛ ekɛ eniyenii lɛ eko kumaa ohiafo.
10 #
Jɛn 21.9-10; Lal 101.6 Shwiemɔ hefɛoyelɔ, kɛkɛ lɛ blɔmɔ kɛ bei kɛ jɛmɔ sɛɛ aaafo.
11Mɔ ni tsui mli tse, ni ewiemɔ he tse lɛ, maŋtsɛ kɛ lɛ bɔɔ naanyo.
12Yehowa hiŋmɛii baa nilee yi; shi amalelɔi awiemɔi lɛ ebaaa yi.
13 #
Abɛi 26.13
Anihaolɔ kɛɔ akɛ, “Jata yɛ agbo lɛ naa; kɛji mije kpo kɛtee blohuŋ lɛ magbo.”
14Yoo ni bɛ jeŋba lɛ edaa tamɔ bu kwɔŋkwɔŋ, mɔ ni Yehowa mli efu lɛ lɛ eeegbee mli.
15 #
Abɛi 23.14; 29.17 Buulufeemɔ kpɛtɛ gbekɛ tsui he; shi tsɔsemɔ kpãa lɛ aaashwie buulufeemɔ lɛ kɛaaje ehe kɛya sɛɛ flooflo.
16Mɔ ni yeɔ ohiafo amim koni ekɛna nii, shi ekeɔ niiatsɛ nii lɛ, lɛ diɛŋtsɛ lɛ ohia kɛ̃ hiaa lɛ.
Nilee wiemɔi nyɔŋmai etɛ̃
17Ba otoi shi koni obo nilelɔi awiemɔi toi; ni okɛ ojwɛŋmɔ akase nii kɛjɛ minilee lɛ mli. 18Ejaakɛ kɛji okɛto ojwɛŋmɔ mli, ni onyɛ okai yɛ owiemɔi amli lɛ, eyɛ fɛo pam. 19Miihã bo tuuŋtu ole enɛɛmɛi ŋmɛnɛ, bɔ ni afee ni ona hiɛnɔkãmɔ yɛ Yehowa mli. 20Miŋma nilee wiemɔi kɛ ŋaawoi nyɔŋmai etɛ̃ miha bo. 21Wiemɔi ni baatsɔ̃ɔ bo nɔ ni ja kɛ nɔ ni ji anɔkwale; koni okɛ anɔkwa hetoo ayahã mɛi ni tsu bo lɛ.
- 1 -
22Kaatswa ohiafo ojo yɛ ohiafo ni eji lɛ hewɔ; asaŋ kaagba nɔnalɔ naa yɛ saneyelihe; 23ejaakɛ Yehowa yeɔ amɛsane ehãa amɛ; ni mɛi ni haoɔ amɛ lɛ amɛ hu Yehowa aaahao amɛ.
- 2 -
24Okɛ mlifutsɛ akabɔ naanyo, ni okɛ mlilatsɛ akanyiɛ; 25koni okɔ amɛjeŋba lɛ ni oyadu tsɔne.
- 3 -
26Kaafee ohe mɛi ni woɔ shi, loo mɛi ni damɔɔ nyɔmɔtsɛ sɛɛ lɛ eko; 27kɛji obɛ nɔ ko ni okɛaawo nyɔmɔ lɛ, aaashɔ̃ osaa tete yɛ odɛ̃ŋ.
- 4 -
28 #
Deut 27.17
Kaatsi blema shikpɔŋ husu kadimɔ nɔ ni otsɛmɛi lɛ eto efɔ̃ shi lɛ kɛtee sɛɛ.
- 5 -
29Nuu ni bɔɔ mɔdɛŋ, ni ele ŋaa jogbaŋŋ yɛ enitsumɔ mli lɛ, maŋtsɛmɛi ahiɛ tete eeedamɔ; edamɔŋ mɛi ni abuuu amɛ ahiɛ.
Bible in Ga Language © Bible Society of Ghana, 2020.