Numeri 7
7
Afɔlei ni maŋ onukpai lɛ ashã
1 #
Ɛks 40.9, 10 Gbi ni Mose gbe Yehowa Kpee Buu Krɔŋkrɔŋ lɛ shinaa lɛ naa lɛ efɔ Kpee Buu Krɔŋkrɔŋ lɛ kɛ ehe nibii lɛ fɛɛ mu ekɛtsuu amɛhe, ni asaŋ efɔ afɔleshãa latɛ lɛ kɛ ehe nibii lɛ hu mu nakai nɔŋŋ ekɛfee fɛɛ krɔŋkrɔŋ. 2Maŋbii lɛ ahiɛnyiɛlɔi ni ji Israelbii lɛ atsɛmɛi awei lɛ anɔ onukpai, ni ji akutsei lɛ atsɛmɛi, mɛi nɔŋŋ hu ni kwɛ maŋbii lɛ kanemɔ lɛ nɔ lɛ, 3hiɛ amɛdɛŋ nikeenii kɛba amɛkɛbahã Yehowa. Nibii nɛɛ ji shwiilii ekpaa ni awo amɛ nibii obɔ̃bɔ̃ kɛ tsinai nyɔŋma kɛ enyɔ; shwiilii lɛ, onukpai enyɔ anɔ ekome, ni tsinai lɛ mɔ kome nɔ ekome. Amɛkɛ nibii nɛɛ ba Kpee Buu Krɔŋkrɔŋ lɛ hiɛ. 4Kɛkɛ ni Yehowa kɛɛ Mose akɛ, 5“Hemɔ nibii ni amɛkɛba lɛ koni akɛtsu Kpee Buu lɛ he nii. Ojara ohã Levibii lɛ yɛ amɛteŋ mɔ fɛɛ mɔ nitsumɔ naa.” 6No hewɔ lɛ, Mose kɛ shwiilii kɛ nibii lɛ kɛ tsinai lɛ hã Levibii lɛ. 7Ehã Gershonbii lɛ shwiilii enyɔ kɛ tsinai hu ejwɛ, 8#Ɛks 38.21; Num 4.28, 33 ni ehã Meraribii lɛ shwiilii ejwɛ kɛ tsinai hu kpaanyɔ. Ekɛ nibii lɛ wo Osɔfo Aaron bi Itamar dɛŋ, ejaakɛ lɛ ji mɔ ni kwɛɔ kui nɛɛ anɔ yɛ amɛnitsumɔ lɛ mli. 9Shi Kohatbii lɛ shwiili jio, tsina jio, Mose hãaa amɛ eko ejaakɛ nibii krɔŋkrɔŋi ni amɛkwɛɔ nɔ lɛ, kɔ̃ŋ nɔ atereɔ yɛ.
10 #
2 Kron 7.9
Maŋ onukpai lɛ hiɛ nikeenii hu kɛba gbi ni afɔ afɔleshãa latɛ lɛ mu lɛ. Be ni maŋ onukpai lɛ kɛ amɛnikeenii lɛ ba lɛ amɛshã afɔle yɛ afɔleshãa latɛ lɛ hiɛ, 11Yehowa kɛɛ Mose akɛ, “Onukpai lɛ aba mɔ kome mɔ kome amɛkɛ amɛnikeenii lɛ abahã, mɔ fɛɛ mɔ yɛ gbi ni ato ahã lɛ lɛ nɔ koni akɛjɔɔ afɔleshãa latɛ lɛ nɔ kɛgbele naa.” 12Klɛŋklɛŋ gbi lɛ nɔ lɛ mɔ ni kɛ enikeenii lɛ bahã ji Nahashon ni eji Aminadab bi, ni lɛ ji Yuda akutso lɛ mli bii anukpa lɛ. 13Enikeenii lɛ fee jwiɛtɛi plɛte kome ni tsiimɔ ji shekeli oha kɛ nyɔŋmai etɛ̃, kɛ jwiɛtɛi okpolu hu kome ni tsiimɔ ji shekeli nyɔŋmai kpawo yɛ He Krɔŋkrɔŋ lɛ niŋmɛɛ tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛ ŋmãa mamu ni awo mli fɔ koni akɛshã niyenii afɔle. 14Nikeenii lɛ ekomɛi hu ji shika okpolu pɛmpɛoo ni tsiimɔ ji shekeli nyɔŋma ni eyi obɔ̃ kɛ tsofakɛŋma, 15tsina oblanyo kome kɛ ojwɛni kome kɛ too gwantɛŋ binuu kome ni eye afi ni akɛ amɛ baashã shãa afɔle, 16kɛ too kpakpo kome ni akɛ lɛ baashã esha he afɔle, 17kɛ kooloi nɛɛ hu ni akɛbaashã shidaa afɔle: tsinai enyɔ kɛ too ojwɛnii enumɔ kɛ too kpakpoi enumɔ kɛ too gwantɛŋi enumɔ ni eko fɛɛ eko eye afi. Nahashon, Aminadab bi lɛ nikeenii lɛ nɛ.
18Gbi ni ji enyɔ lɛ nɔ lɛ, Netanel ni ji Zuar bi, ni lɛ ji Isakar akutso lɛ mli bii anukpa lɛ kɛ enikeenii lɛ bahã. 19Nibii ni ekɛba lɛ nɛ: jwiɛtɛi plɛte kome ni tsiimɔ ji shekeli oha kɛ nyɔŋmai etɛ̃ kɛ jwiɛtɛi okpolu hu kome ni tsiimɔ ji shekeli nyɔŋmai kpawo yɛ He Krɔŋkrɔŋ lɛ niŋmɛɛ tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛ ŋmãa mamu ni awo mli fɔ ni akɛbaashã niyenii afɔle. 20Nikee nii lɛ ekomɛi hu ji shika okpolu pɛmpɛoo ni tsiimɔ ji shekeli nyɔŋma ni eyi obɔ̃ kɛ tsofakɛŋma, 21tsina oblanyo kome kɛ too ojwɛni kome kɛ too gwantɛŋ binuu kome ni eye afi ni akɛ amɛ baashã shãa afɔle, 22kɛ too kpakpo kome ni akɛ lɛ baashã esha he afɔle, 23kɛ kooloi nɛɛ hu ni akɛbaashã shidaa afɔle: tsinai enyɔ kɛ ojwɛnii enumɔ kɛ too kpakpoi enumɔ kɛ too gwantɛŋ bihii enumɔ ni eko fɛɛ eko eye afi. Netanel, Zuar bi lɛ, nikeenii lɛ nɛ.
24Gbi ni ji etɛ̃ lɛ nɔ lɛ, Eliab ni eji Helon bi ni lɛ nɔŋŋ ji Zebulon akutso lɛ mli bii anukpa lɛ kɛ enikeenii lɛ bahã. 25Nibii ni ekɛba lɛ nɛ: jwiɛtɛi plɛte kome ni etsiimɔ ji kilo kome kɛ fã, kɛ jwiɛtɛi okpolu hu kome ni tsiimɔ ji shekeli oha kɛ nyɔŋmai etɛ̃ yɛ He Krɔŋkrɔŋ lɛ niŋmɛɛ tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛ ŋmãa mamu ni awo mli fɔ ni akɛbaashã niyenii afɔle. 26Nikeenii lɛ ekomɛi hu ji shika okpolu pɛmpɛoo ni tsiimɔ ji shekeli nyɔŋma ni eyi obɔ̃ kɛ tsofakɛŋma, 27kɛ tsina oblanyo kome kɛ ojwɛni kome kɛ too gwantɛŋ binuu kome ni eye afi ni akɛ amɛ baashã shãa afɔle 28kɛ too kpakpo kome ni akɛ lɛ baashã esha he afɔle 29kɛ kooloi nɛɛ hu ni akɛbaashã shidaa afɔle: tsinai enyɔ kɛ ojwɛnii enumɔ kɛ too kpakpoi enumɔ kɛ too gwantɛŋi enumɔ ni eko fɛɛ eko eye afi. Eliab ni ji Helon bi lɛ nikeenii lɛ nɛ.
30Gbi ni ji ejwɛ lɛ nɔ lɛ, Elizur ni eji Shedeur shwie ni lɛ nɔŋŋ ji Ruben akutso lɛ mli bii anukpa lɛ kɛ enikeenii lɛ bahã. 31Nibii ni ekɛba lɛ nɛ: jwiɛtɛi plɛte kome ni tsiimɔ ji shekeli oha kɛ nyɔŋmai etɛ̃ kɛ jwiɛtɛi okpolu hu kome ni tsiimɔ ji shekeli nyɔŋmai kpawo yɛ He Krɔŋkrɔŋ lɛ niŋmɛɛ tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛ ŋmãa mamu ni awo mli fɔ ni akɛbaashã niyenii afɔle. 32Nikeenii lɛ ekomɛi hu ji shika okpolu pɛmpɛoo ni tsiimɔ ji shekeli nyɔŋma ni eyi obɔ̃ kɛ tsofakɛŋma 33kɛ tsina oblanyo kome kɛ ojwɛni kome kɛ too gwantɛŋ binuu kome ni eye afi ni akɛ amɛ baashã esha he afɔle 34kɛ too kpakpo kome ni akɛbaashã esha he afɔle 35kɛ kooloi nɛɛ hu ni akɛbaashã shidaa afɔle: tsinai enyɔ kɛ ojwɛnii enumɔ kɛ too kpakpoi enumɔ kɛ too gwantɛŋi enumɔ ni eko fɛɛ eko eye afi. Elizur ni ji Shedeur bi lɛ nikee nii lɛ nɛ.
36Gbi ni ji enumɔ lɛ nɔ lɛ, Shelumiel ni eji Zurishadai bi, ni lɛ nɔŋŋ ji Simeon akutso lɛ mli bii anukpa lɛ kɛ enikeenii lɛ baha. 37Nibii ni ekɛba lɛ nɛ; jwiɛtɛi plɛte kome ni tsiimɔ ji shekeli oha kɛ nyɔŋmai etɛ̃ kɛ jwiɛtɛi okpolu hu kome ni tsiimɔ ji shekeli nyɔŋmai kpawo yɛ He Krɔŋkrɔŋ lɛ niŋmɛɛ tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛŋmãa mamu ni awo mli fɔ ni akɛbaashã niyenii afɔle. 38Nikeenii lɛ ekomɛi hu ji shika okpolu pɛmpɛoo ni tsiimɔ ji shekeli nyɔŋma ni eyi obɔ̃ kɛ tsofakɛŋma, 39tsina oblanyo kome kɛ ojwɛni kome kɛ too gwantɛŋ binuu kome ni eye afi ni akɛ amɛ baashã shãa afɔle 40kɛ too kpakpo kome ni akɛ baashã esha he afɔle 41kɛ kooloi nɛɛ hu ni akɛbaashã shidaa afɔle: tsinai enyɔ kɛ ojwɛnii enumɔ kɛ too kpakpoi enumɔ kɛ too gwantɛŋi enumɔ ni eko fɛɛ eko eye afi. Shelumiel ni ji Zurishadai shwie lɛ nikeenii lɛ nɛ.
42Gbi ni ji ekpaa lɛ nɔ lɛ, Eliasaf ni eji Deuel shwie, ni lɛ nɔŋŋ ji Gad akutso lɛ mli bii anukpa lɛ kɛ enikee nii lɛ bahã. 43Nibii ni ekɛba lɛ nɛ: jwiɛtɛi plɛte kome ni tsiimɔ ji shekeli oha kɛ nyɔŋmai etɛ̃ kɛ jwiɛtɛi okpolu hu kome ni tsiimɔ ji shekeli nyɔŋmai kpawo yɛ He Krɔŋkrɔŋ lɛ niŋmɛɛ tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛŋmãa mamu ni awo mli fɔ ni akɛbaashã niyenii afɔle. 44Nikeenii lɛ ekomɛi hu ji shika okpolu pɛmpɛoo ni tsiimɔ ji shekeli nyɔŋma ni eyi obɔ̃ kɛ tsofakɛŋma, 45kɛ tsina oblanyo kome kɛ too ojwɛni kome kɛ too gwantɛŋ binuu kome ni eye afi ni akɛ amɛ baashã shãa afɔle 46kɛ too kpakpo kome ni akɛ baashã esha he afɔle 47kɛ kooloi nɛɛ hu ni akɛbaashã shidaa afɔle: tsinai enyɔ kɛ too ojwɛnii enumɔ kɛ too kpakpoi enumɔ kɛ too gwantɛŋi enumɔ ni eko fɛɛ eko eye afi. Eliasaf ni ji Deuel bi lɛ nikeenii lɛ nɛ.
48Gbi ni ji kpawo lɛ nɔ lɛ, Elishama ni eji Amihud bi ni lɛ ji Efraim akutso lɛ mli bii anukpa lɛ kɛ enikeenii lɛ bahã. 49Nibii ni ekɛba lɛ nɛ: jwiɛtɛi plɛte kome ni tsiimɔ ji shekeli oha kɛ nyɔŋmai etɛ̃ kɛ jwiɛtɛi okpolu hu kome ni tsiimɔ ji shekeli nyɔŋmai kpawo yɛ He Krɔŋkrɔŋ lɛ niŋmɛɛ tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛ ŋmãa mamu ni awo mli fɔ ni akɛbaashã niyenii afɔle. 50Nikeenii lɛ ekomɛi hu ji shika okpolu pɛmpɛoo ni tsiimɔ ji shekeli nyɔŋma ni eyi obɔ̃ kɛ tsofakɛŋma 51kɛ tsina oblanyo kome kɛ ojwɛni kome kɛ too gwantɛŋ binuu kome ni eye afi ni akɛ baashã shãa afɔle, 52kɛ too kpakpo kome ni akɛ lɛ baashã esha he afɔle 53kɛ kooloi nɛɛ hu ni akɛbaashã shidaa afɔle: tsinai enyɔ kɛ ojwɛnii enumɔ kɛ too kpakpoi enumɔ kɛ too gwantɛŋi enumɔ ni eko fɛɛ eko eye afi. Elishama ni ji Amihud bi lɛ nikee nii lɛ nɛ.
54Gbi ni ji kpaanyɔ lɛ nɔ lɛ, Gamaliel ni eji Pedazur bi ni lɛ nɔŋŋ ji Manase akutso lɛ mli bii anukpa lɛ kɛ enikeenii lɛ bahã. 55Nibii ni ekɛba lɛ nɛ: jwiɛtɛi plɛte kome ni tsiimɔ ji shekeli oha kɛ nyɔŋmai etɛ̃ kɛ jwiɛtɛi okpolu hu kome ni tsiimɔ ji shekeli nyɔŋmai kpawo yɛ He Krɔŋkrɔŋ lɛ nsɛni tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛŋmãa mamu ni awo mli fɔ ni akɛbaashã niyenii afɔle. 56Nikeenii lɛ ekomɛi hu ji shika okpolu pɛmpɛoo ni tsiimɔ ji shekeli nyɔŋma ni eyi obɔ̃ kɛ tsofakɛŋma 57kɛ tsina oblanyo kome kɛ ojwɛni kome kɛ too gwantɛŋ binuu kome ni eye afi ni akɛbaashã shãa afɔle, 58kɛ too kpakpo kome ni akɛbaashã esha he afɔle 59kɛ kooloi nɛɛ hu ni akɛbaashã shidaa afɔle: tsinai enyɔ kɛ ojwɛnii enumɔ kɛ too kpakpoi enumɔ kɛ too gwantɛŋ bii enumɔ, ni eko fɛɛ eko eye afi. Gamaliel ni ji Pedazur bi lɛ nikee nii lɛ nɛ.
60Gbi ni ji nɛɛhu lɛ nɔ lɛ, Abidan ni eji Gideoni bi, ni lɛ nɔŋŋ ji Benyamin akutso lɛ mli bii anukpa lɛ kɛ enikeenii lɛ bahã. 61Nibii ni ekɛba lɛ nɛ: jwiɛtɛi plɛte kome ni tsiimɔ ji shekeli oha kɛ nyɔŋmai etɛ̃, kɛ jwiɛtɛi okpolu hu kome ni tsiimɔ ji shekeli nyɔŋmai kpawo yɛ He Krɔŋkrɔŋ lɛ niŋmɛɛ tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛ ŋmãa mamu ni awo mli fɔ ni akɛbaashã niyenii afɔle. 62Nikeenii lɛ ekomɛi hu ji shika okpolu pɛmpɛoo kome ni tsiimɔ ji shekeli nyɔŋma ni eyi obɔ̃ kɛ tsofakɛŋma 63kɛ tsina oblanyo kome kɛ ojwɛni kome kɛ too gwantɛŋ binuu kome ni eye afi ni akɛbaashã shãa afɔle 64kɛ too kpakpo kome ni akɛ lɛ baashã esha he afɔle 65kɛ kooloi nɛɛ hu ni akɛbaashã shidaa afɔle: tsinai enyɔ kɛ ojwɛnii enumɔ kɛ too kpakpoi enumɔ kɛ too gwantɛŋi enumɔ ni eko fɛɛ eko eye afi. Abidan ni ji Gideoni bi lɛ nikeenii lɛ nɛ.
66Gbi ni ji nyɔŋma lɛ nɔ lɛ, Ahiezer ni eji Amishadai bi, ni lɛ nɔŋŋ ji Dan akutso lɛ mli bii anukpa lɛ kɛ enikeenii lɛ bahã. 67Nibii ni ekɛba lɛ nɛ: jwiɛtɛi plɛte kome ni tsiimɔ ji shekeli oha kɛ nyɔŋmai etɛ̃ kɛ jwiɛtɛi okpolu hu kome ni tsiimɔ ji shekeli nyɔŋmai kpawo yɛ He Krɔŋkrɔŋ lɛ niŋmɛɛ tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛ ŋmãa mamu ni awo mli fɔ ni akɛbaashã niyenii afɔle. 68Nikeenii lɛ ekomɛi hu ji shika okpolu pɛmpɛoo kome ni tsiimɔ ji shekeli nyɔŋma ni eyi kɛ tsofakɛŋma 69kɛ tsina oblanyo kome kɛ ojwɛni kome kɛ too gwantɛŋ binuu kome ni eye afi ni akɛbaashã shãa afɔle 70kɛ too kpakpo kome ni akɛ lɛ baashã esha he afɔle 71kɛ kooloi nɛɛ hu ni akɛbaashã shidaa afɔle: tsinai enyɔ kɛ ojwɛnii enumɔ kɛ too kpakpoi enumɔ kɛ too gwantɛŋ bihii enumɔ ni eko fɛɛ eko eye afi. Ahiezer ni ji Amishadai bi lɛ nikeenii lɛ nɛ.
72Gbi ni ji nyɔŋma kɛ ekome lɛ nɔ lɛ, Pagiel ni eji Okran bi, ni lɛ nɔŋŋ ji Asher akutso lɛ mli bii anukpa lɛ kɛ enikeenii lɛ bahã. 73Nibii ni ekɛba lɛ nɛ: jwiɛtɛi plɛte kome ni tsiimɔ ji shekeli oha kɛ nyɔŋmai etɛ̃ kɛ jwiɛtɛi okpolu kome ni tsiimɔ ji shekeli nyɔŋmai kpawo yɛ He Krɔŋkrɔŋ lɛ niŋmɛɛ tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛ ŋmãa mamu ni awo mli fɔ ni akɛbaashã niyenii afɔle. 74Nikeenii lɛ ekomɛi hu ji shika okpolu pɛmpɛoo kome ni tsiimɔ ji shekeli nyɔŋma ni eyi obɔ̃ kɛ tsofakɛŋma 75kɛ tsina oblanyo kome kɛ ojwɛni kome kɛ too gwantɛŋ binuu kome ni eye afi ni akɛ amɛ baashã shãa afɔle 76kɛ too kpakpo kome ni akɛbaashã esha he afɔle 77kɛ kooloi nɛɛ hu ni akɛbaashã shidaa afɔle: tsinai enyɔ kɛ ojwɛnii enumɔ kɛ too kpakpoi enumɔ kɛ too gwantɛŋ bihii enumɔ ni eko fɛɛ eko eye afi. Pagiel ni ji Okran bi lɛ nikeenii lɛ nɛ.
78Gbi ni ji nyɔŋma kɛ enyɔ lɛ nɔ lɛ, Ahira ni eji Enan bi lɛ, ni lɛ ji Naftali akutso lɛ mli bii anukpa lɛ kɛ enikeenii lɛ bahã. 79Nibii ni ekɛba lɛ nɛ: jwiɛtɛi plɛte kome ni tsiimɔ ji shekeli oha kɛ nyɔŋmai etɛ̃ kɛ jwiɛtɛi okpolu hu kome ni tsiimɔ ji shekeli nyɔŋmai kpawo yɛ He Krɔŋkrɔŋ lɛ niŋmɛɛ tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛ ŋmãa mamu ni awo mli fɔ ni akɛbaashã niyenii afɔle.
80Nikeenii lɛ ekomɛi hu ji shika okpolu pɛmpɛoo kome ni tsiimɔ ji shekeli nyɔŋma ni eyi obɔ̃ kɛ tsofakɛŋma 81kɛ tsina oblanyo kome kɛ ojwɛni kome kɛ too gwantɛŋ binuu kome ni eye afi ni akɛbaashã shãa afɔle; 82kɛ too kpakpo kome ni akɛbaashã esha he afɔle 83kɛ kooloi nɛɛ hu ni akɛbaashã shidaa afɔle: tsinai enyɔ kɛ ojwɛnii enumɔ kɛ too kpakpoi enumɔ kɛ too gwantɛŋ bihii enumɔ ni eko fɛɛ eko eye afi. Ahira, Enan bi lɛ nikeenii lɛ ji enɛ.
84Nibii fɛɛ ni Israel akutseiatsɛmɛi lɛ kɛbahã koni akɛshã afɔle kɛgbele afɔleshãa latɛ lɛ naa gbi nɔ ni afɔ afɔleshãa latɛ lɛ mu kɛjɔɔ nɔ lɛ nɛ: jwiɛtɛi plɛtei nyɔŋma kɛ enyɔ kɛ jwiɛtɛi okpolui hu nyɔŋma kɛ enyɔ kɛ shika tsɛnsii hu nyɔŋma kɛ enyɔ. 85Jwiɛtɛi plɛtei lɛ ateŋ eko fɛɛ eko tsiimɔ ji shekeli oha kɛ nyɔŋmai etɛ̃ kɛ okpolu fɛɛ okpolu ni tsiimɔ ji shekeli nyɔŋmai kpawo. Jwiɛtɛi nibii nɛɛ fɛɛ tsiimɔ ji shekeli akpei enyɔ kɛ ohai ejwɛ yɛ He Krɔŋkrɔŋ lɛ niŋmɛɛ tɛ naa. 86Shika okpolui nyɔŋma kɛ enyɔ kɛ amɛmli tsofakɛŋma obɔ̃bɔ̃ lɛ ateŋ eko fɛɛ eko tsiimɔ ji shekeli nyɔŋma, shika ŋmiiŋmi okpolui lɛ fɛɛ feɔ shekeli oha kɛ nyɔŋmai enyɔ. 87Tsinai ni akɛbahã koni akɛshã shãa afɔle lɛ ayibɔ ji nyɔŋma kɛ enyɔ. Abahã ojwɛnii hu nyɔŋma kɛ enyɔ kɛ too gwantɛŋ bihii ni eye afi nyɔŋma kɛ enyɔ kɛ amɛhe niyenii afɔle hu. Abahã too kpakpoi nyɔŋma kɛ enyɔ hu ni akɛbaashã esha he afɔle. 88Kooloi fɛɛ ni akɛbahã koni akɛshã shidaa afɔle lɛ ayibɔ ji tsinai nyɔŋmai enyɔ kɛ ejwɛ kɛ ojwɛnii nyɔŋmai ekpaa kɛ too kpakpoi nyɔŋmai ekpaa kɛ gwantɛŋ bihii ni eye afi nyɔŋmai ekpaa. Nibii nɛɛ akɛbahã koni akɛshã afɔle kɛgbele afɔleshãa latɛ lɛ naa be ni afɔ latɛ lɛ mu kɛtsuu he sɛɛ lɛ.
89 #
Ɛks 25.21, 22; 1 Sam 3.8-14 Be ni Mose bote Kpee Buu lɛ mli koni ekɛ Yehowa ayawie lɛ, enu Yehowa gbee ni ekɛ lɛ, Mose lɛ, miiwie kɛjɛ Kpãŋmɔ Adeka lɛ naanɔ lɛ nɔ gbɛ yɛ kerubim enyɔ lɛ ateŋ.
Bible in Ga Language © Bible Society of Ghana, 2020.