Mateo 5
5
Gɔŋ nɔ shiɛmɔ
(Luka 6.17-19)
1Shi be ni ena mɛi pii lɛ, ekwɔ kɛtee gɔŋ lɛ nɔ. Eho eta shi ni ekaselɔi lɛ ba eŋɔɔ. 2Ni egbele enaa etsɔ̃ɔ amɛ nii ekɛɛ,
3 #
Yes 57.15
“Ajɔɔ mumɔ lɛ mli ohiafoi lɛ; shi amɛnɔ ji ŋwɛi
maŋtsɛyeli lɛ.”
4 #
Lal 126.5; Yes 61.2; Kpoj 7.17 “Ajɔɔ mɛi ni yeɔ ŋkɔmɔ lɛ; shi aaashɛje amɛmii.”
5 #
Lal 37.11
“Ajɔɔ mɛi ni he jɔ lɛ; shi shikpɔŋ lɛ aaatsɔ̃ amɛnɔ.”
6 #
Yes 55.1
“Ajɔɔ mɛi ni jalɛ he hɔ̃mɔ kɛ kumai yeɔ amɛ lɛ; shi amɛaatɔrɔ.”
7 #
Yak 2.13
“Ajɔɔ mɛi ni naa mɔbɔ; shi aaana amɛ mɔbɔ.”
8 #
Lal 24.3-4
“Ajɔɔ mɛi ni tsuii amli tse lɛ; shi amɛaana Nyɔŋmɔ.”
9 #
Heb 12.14
“Ajɔɔ mɛi ni kpãtãa lɛ; shi aaatsɛ amɛNyɔŋmɔ bii.”
10 #
1 Pet 3.14
“Ajɔɔ mɛi ni jalɛ hewɔ ni awaa amɛ yi lɛ; shi amɛnɔ ji ŋwɛi maŋtsɛyeli lɛ.”
11 #
1 Pet 4.14
“Ajɔɔ nyɛ, kɛji ajɛ nyɛ ni awa nyɛ yi ni amale awie nyɛhe efɔŋ fɛɛ efɔŋ yɛ mihewɔ lɛ,
12 #
Yak 5.10; Heb 11.33-38; Bɔf 7.52 nyɛnyaa ni nyɛmli afilia nyɛ ejaakɛ nyɛnyɔmɔwo fa yɛ ŋwɛi; shi nakai amɛwa gbalɔi ni tsɔ̃ nyɛhiɛ lɛ ayi.”
Ŋoo kɛ la
(Marko 9.50; Luka 14.34-35)
13 #
Mar 9.50; Luk 14.34, 35 “Shikpɔŋ lɛ nɔ ŋoo ji nyɛ. Shi kɛji ŋoo naanu gbo lɛ, mɛni akɛaawo lɛ ŋoo dɔŋŋ? Ehiii hãaa nɔ ko dɔŋŋ, akɛ ja atsi ashwie, ni gbɔmɛi naanaa nɔ. 14#Yoh 8.12; 9.5 Nyɛ ji je lɛ mli la lɛ. Maŋ ni ma gɔŋ nɔ lɛ, anyɛŋ akɛtee. 15#Mar 4.21; Luk 8.16; 11.33 Asaŋ asuuu kane amaaa tsese shishi; shi moŋ akɛmaa kanetso nɔ, ni etsoɔ ehãa mɛi ni yɔɔ shĩa lɛ fɛɛ. 16#Efes 5.8, 9; 1 Pet 2.12 Nakai nyɛhãa nyɛla atsoa yɛ gbɔmɛi ahiɛ, koni amɛna nyɛnifeemɔnii kpakpai lɛ, ni amɛwo nyɛTsɛ ni yɔɔ ŋwɛi lɛ hiɛ nyam.”
Mla lɛ he nitsɔɔmɔ
17 #
Mat 3.15; Rom 3.31; 10.4 “Nyɛkasusua akɛ miba Mla lɛ loo gbalɔi lɛ aguu; mibaaa guu shi moŋ miba ni mabahã eye emuu. 18#Luk 16.17; 21.33 Anɔkwale mikɛɔ nyɛ akɛ, gbii abɔ ni ŋwɛi kɛ shikpɔŋ hoko nɛɛ, yota kome loo kuli kome ejeŋ Mla lɛ mli hoŋ, ja fɛɛ eba mli. 19No hewɔ lɛ, mɔ fɛɛ mɔ ni aaagoi kitãi bibii nɛɛ ateŋ ekome ni eeetsɔ̃ɔ mɛi nakai lɛ, aaatsɛ lɛ bibioo fe fɛɛ yɛ ŋwɛi maŋtsɛyeli lɛ mli; shi mɔ fɛɛ mɔ ni aaaye Mla lɛ nɔ ni eeetsɔ̃ɔ lɛ, lɛ lɛ aaatsɛ lɛ agbo yɛ ŋwɛi maŋtsɛyeli lɛ mli. 20Shi miikɛɛ nyɛ akɛ, kɛji nyɛjalɛ lɛ faaa kɛtekeee mlatsɔɔlɔi kɛ Farisifoi lɛ anɔ lɛ, nyɛboteŋ ŋwɛi maŋtsɛyeli lɛ mli kwraa.”
Mlifu he nitsɔɔmɔ
21 #
Ɛks 20.13; 21.12; Lev 24.17; Deut 17.8 “Nyɛnu akɛ akɛɛ blemabii lɛ akɛ, ‘Kaagbe gbɔmɔ! Shi mɔ fɛɛ mɔ ni aaagbe gbɔmɔ lɛ eeeye fɔ yɛ kojomɔ lɛ mli.’ 22#1 Yoh 3.15 Shi mi lɛ, miikɛɛ nyɛ akɛ, mɔ fɛɛ mɔ ni mli fuɔ enyɛmi lɛ, eeeye fɔ yɛ kojomɔ lɛ mli; ni mɔ fɛɛ mɔ ni aaakɛɛ enyɛmi akɛ, ‘Yaka gbɔmɔ’ lɛ eeeye gwabɔɔ lɛ hiɛ fɔ; ni mɔ fɛɛ mɔ ni aaakɛɛ akɛ, ‘Buulu’ lɛ eeeye abonsamiiaje la lɛ mliyaa fɔ. 23#Mar 11.25 No hewɔ lɛ, kɛji okɛ onɔkeenɔ lɛ baaŋmɛ afɔleshãa latɛ lɛ nɔ, ni okai yɛ jɛi akɛ onyɛmi kɛ bo yɛ sane ko lɛ, 24shi onɔkeenɔ lɛ yɛ jɛi yɛ afɔleshãa latɛ lɛ hiɛ, ni oya okɛ onyɛmi lɛ ayakpãtã dã, koni oba ni okɛ onɔkeenɔ lɛ abahã. 25#Mat 6.14, 15; 18.35; Luk 12.58, 59 Okɛ obelɔ lɛ atsa mra, be ni okɛ lɛ nyiɛ gbɛ lɛ, koni obelɔ lɛ kɛ bo akahã kojolɔ lɛ, ni kojolɔ lɛ kɛ bo hã tsuŋwolɔ lɛ, ni akɛ bo wo tsuŋ. 26Miikɛɛ bo anɔkwale mli akɛ ojeŋ jɛi ojeŋ kpo kɛyaashi beyinɔ ni ooowo naagbee pesewa lɛ.”
Gbãlãfitemɔ he nitsɔɔmɔ
27 #
Ɛks 20.14
“Nyɛnu akɛ akɛɛ blemabii lɛ akɛ, ‘Kaafite gbãlã!’ 28#Hiob 31.1; 2 Pet 2.14 Shi mi lɛ, miikɛɛ nyɛ akɛ, mɔ fɛɛ mɔ ni kwɛɔ yoo ni ehe feɔ lɛ akɔnɔ lɛ, ekɛ lɛ efite gbãlã momo yɛ etsui mli. 29#Mat 18.8, 9; Mar 9.43, 47; Kol 3.5 Shi kɛji oninejurɔ hiŋmɛi miitɔ̃tɔ̃ onane lɛ fãa ni oshɛ ofɔ; ejaakɛ ehi hã bo akɛ ohenii lɛ eko fiteɔ, koni akashɛ ogbɔmɔtso muu lɛ afɔ̃ abonsamiiaje. 30Ni kɛji oninejurɔ miitɔ̃tɔ̃ onane lɛ, foo ni oshɛ ofɔ̃; ejaakɛ ehi hã bo akɛ ohenii lɛ eko fiteɔ, koni ogbɔmɔtso muu lɛ akaya abonsamiiaje.”
Gbãlã mligbalamɔ he nitsɔɔmɔ
(Mateo 19.9; Marko 10.11-12; Luka 16.18)
31 #
Mat 19.3-9; Deut 24.1-4; Mar 10.4 “Asaŋ akɛɛ akɛ, ‘Mɔ fɛɛ mɔ ni aaashwie eŋa lɛ ehã lɛ shwiemɔ wolo.’ 32#Mat 19.9; Mar 10.11-12; Luk 16.18; 1 Kor 7.10, 11 Shi mi lɛ miikɛɛ nyɛ akɛ, mɔ fɛɛ mɔ ni shwieɔ eŋa ni jeee ajwamãŋbɔɔ sane hewɔŋ lɛ ehãa yoo lɛ fiteɔ gbãlã; ni mɔ fɛɛ mɔ ni ŋɔɔ mɔ ni ashwie lɛ lɛ, fiteɔ gbãlã.”
Kitãkãmɔ he nitsɔɔmɔ
33 #
Ɛks 20.7; Lev 19.12; Num 30.2 “Asaŋ nyɛnu akɛ akɛɛ blemabii lɛ akɛ, ‘Kaakã amale kitã, shi ye okitãi lɛ anɔ ohã Nuŋtsɔ lɛ.’ 34#Yes 66.1; Bɔf 7.49 Shi mi lɛ, miikɛɛ nyɛ akɛ, nyɛkakãa kitã kwraa! Kaakã ŋwɛi, shi Nyɔŋmɔ sɛi ni; 35#Lal 48.2 loo shikpɔŋ, shi enajiaŋshi maaŋoo ni; loo Yerusalɛm, shi Maŋtsɛ agbo lɛ maŋ ni. 36Ni okakã oyitso tete, ejaakɛ onyɛŋ ofee yitsɔi kome eyɛŋ loo ediŋ. 37#2 Kor 1.17; Yak 5.12 Shi nyɛhãa nyɛwiemɔ afea: ‘Hɛɛ, hɛɛ!’ ‘Dabi, dabi!’ Shi nɔ ni fe enɛɛmɛi lɛ ejɛ mɔ fɔŋ lɛ mli.”
Oweletɔɔ
(Luka 6.29-30)
38 #
Lev 24.19-20; Deut 19.21 “Nyɛnu akɛ akɛɛ akɛ, ‘Hiŋmɛi yɛ hiŋmɛi najiaŋ; nyanyɔŋ yɛ nyanyɔŋ najiaŋ.’ 39#Yoh 18.22-23; Lev 19.18 Shi mi lɛ, miikɛɛ nyɛ akɛ, nyɛkatsia mɔ fɔŋ lɛ gbɛ, shi moŋ mɔ fɛɛ mɔ ni aaagba oninejurɔ toiŋ lɛ, tsɔ̃ ekome lɛ hu ohã lɛ. 40#1 Kor 6.7 Ni kɛji mɔ ko tao akɛ ekɛ bo aye sane ni eshɔ̃ oflaka lɛ, hã eŋɔ ohebo lɛ hu. 41Ni kɛji mɔ ko aaanyɛ onɔ akɛ okɛ lɛ anyiɛ shitoo kome lɛ, okɛ lɛ aya enyɔ. 42Mɔ ni baa bo nɔ ko lɛ hã lɛ, ni mɔ ni taoɔ akɛ ofa lɛ nɔ ko lɛ, kaatsɔ̃ ohe oshi lɛ.”
Henyɛlɔi asuɔmɔ
(Luka 6.27-28, 32-36)
43 #
Ɛks 19.18
“Nyɛnu akɛ akɛɛ, ‘Suɔmɔ onaanyo, ni onyɛ ohenyɛlɔ.’ 44#Ɛks 23.4, 5; Rom 12.14, 20; Luk 23.34; Bɔf 7.60 Shi mi lɛ, miikɛɛ nyɛ akɛ, nyɛsumɔa nyɛhenyɛlɔi, ni nyɛsɔlea nyɛhãa mɛi ni waa nyɛ yi lɛ, 45#Efes 5.1 koni nyɛtsɔ̃mɔ nyɛTsɛ ni yɔɔ ŋwɛi lɛ bii, ejaakɛ ehãa ehulu teɔ shi yɛ mɛi fɔ̃ji kɛ mɛi kpakpai anɔ. Ni ehaa nyɔŋmɔ nɛɔ yɛ jalɔi kɛ mɛi ni ejaaa lɛ anɔ. 46Shi kɛji nyɛsumɔɔ mɛi ni sumɔɔ nyɛ lɛ, mɛɛ nyɔmɔwoo nyɛyɔɔ? Ani toohelɔi lɛ tete efeee nakai nɔŋŋ? 47Ni kɛji nyɛ ŋaa nyɛnyɛmimɛi kɛkɛ lɛ, mɛni nyɛfeɔ ni teke nɔ? Ani jeŋmajiaŋbii lɛ tete efeee nakai nɔŋŋ? 48#Lev 19.2; Deut 18.13 No hewɔ lɛ, nyɛhia kɛwulaa shi, tamɔ bɔ ni nyɛTsɛ ni yɔɔ ŋwɛi lɛ hi kɛwula shi lɛ.”
Bible in Ga Language © Bible Society of Ghana, 2020.