Mateo 27
27
Akɛ Yesu ba Pilato hiɛ
(Marko 15.1; Luka 23.1-2; Yohane 18.28-32)
1 #
Mar 15.1; Luk 22.66; Yoh 18.28 Be ni je tsɛre lɛ, osɔfonukpai lɛ kɛ maŋ onukpai lɛ fɛɛ tee Yesu yinɔ apam, koni amɛgbe lɛ. 2#Luk 23.1; Yoh 18.31 Ni amɛfi lɛ ni amɛkpala lɛ kɛtee amɛyahã Amralo Pontio Pilato.
Yuda Iskariot gbele
(Bɔfoi 1.18-19)
3 #
Mat 26.15; Bɔf 1.18-19 Agbɛnɛ be ni Yuda, mɔ ni tsɔ̃ɔ Yesu sɛɛgbɛ lɛ, na akɛ abu lɛ fɔ lɛ, eshwa ehe, ni ekpale jwiɛtɛi kukuji nyɔŋmai etɛ̃ lɛ eyahã osɔfonukpai lɛ kɛ onukpai lɛ, 4ni ekɛɛ, “Mifee esha akɛ mitsɔ̃ɔ lá ni efɔŋ ko bɛ ehe lɛ sɛɛgbɛ.” Shi amɛ lɛ amɛkɛɛ, “No jeee wɔhe sane ko; bo diɛŋtsɛ kwɛmɔ nɔ!” 5#2 Sam 17.23; Bɔf 1.18 Ni eyashɛrɛ jwiɛtɛi lɛ eshwie Sɔlemɔ we lɛ, ni eyiŋ etee eyawo esɛ̃ kpãa. 6#Mar 12.41 Shi osɔfonukpai lɛ yaloo jwiɛtɛi lɛ amɛkɛɛ, “Ejaaa akɛ akɛtoɔ (Sɔlemɔ we lɛ) nitoohe lɛ mli ejaakɛ lá yinii ni.” 7Ni amɛtee ajina, ni amɛkɛhe gbɛshɔ̃lɔ lɛ abɔɔ lɛ, koni afu gbɔi yɛ jɛi. 8#Bɔf 1.19 No hewɔ lɛ, atsɛɔ nakai abɔɔ lɛ ‘Lá Abɔɔ’ kɛ ŋmɛnɛ. 9#Zak 11.12, 13; Yer 32.6-9 No ni gbalɔ Yeremia wiemɔ lɛ ba mli akɛ, “Ni amɛŋɔ jwiɛtɛi kukuji nyɔŋmai etɛ̃ lɛ, ni ji mɔ ni aye enaa ni Israelbii lɛ ateŋ mɛi komɛi wo eyi jara lɛ yinii lɛ; 10ni amɛkɛhe gbɛshɔ̃lɔ lɛ abɔɔ lɛ, tamɔ bɔ ni Nuŋtsɔ lɛ fã mi lɛ.”
Pilato bi Yesu nii
(Marko 15.2-5; Luka 23.3-5; Yohane 18.33-38)
11Shi akɛ Yesu badamɔ Amralo lɛ hiɛ, ni Amralo lɛ bi lɛ akɛ, “Ani bo ji Yudafoi lɛ amaŋtsɛ lɛ?” Ni Yesu kɛɛ lɛ akɛ, “Okɛɛ.” 12#Mat 26.63; Yes 53.7 Shi be ni osɔfonukpai lɛ kɛ onukpai lɛ folɔɔ enaa lɛ, ejieee naa. 13Kɛkɛ ni Pilato bi lɛ akɛ, “Ani onuuu saji sɔŋŋ ni amɛkɛshwieɔ onɔ nɛɛ?” 14#Yoh 19.9 Shi Yesu efooo edaaŋ kwraa; ni Amralo lɛ naa kpɛ ehe diɛŋtsɛ.
Abu Yesu gbele fɔ
(Marko 15.6-15; Luka 23.13-25; Yohane 18.39—19.16)
15Shi daa kɛ shɛ gbijurɔ lɛ, Amralo lɛ ŋmɛɔ gboklɛfonyo kome ni asafo lɛ sumɔɔ he ehãa amɛ. 16No mli lɛ amɛyɛ gboklɛfonyo kpanaku ko ni atsɛɔ lɛ Baraba. 17No hewɔ lɛ, be ni amɛbabua amɛhe naa lɛ, Pilato bi amɛ akɛ, “Namɔ he nyɛsumɔɔ akɛ miŋmɛɛ mihã nyɛ, Baraba, aloo Yesu ni atsɛɔ lɛ Kristo lɛ?” 18#Yoh 11.47, 48 Ejaakɛ ele akɛ hetsɛ̃ naa amɛkɛ lɛ hã.
19Shi be ni eta kojomɔ sɛi lɛ nɔ lɛ, eŋa tsu aba eŋɔɔ abakɛɛ lɛ akɛ, “Okɛ jalɔ nɛɛ akaye sane ko; ejaakɛ ehewɔ lɛ mihe ejara mi babaoo yɛ wɔlamɔ mli ŋmɛnɛ.”
20Shi osɔfonukpai lɛ kɛ onukpai lɛ wo asafoi lɛ ayiŋ akɛ, amɛbi Baraba moŋ, koni agbe Yesu. 21Shi Amralo lɛ bi amɛ akɛ, “Amɛyi enyɔ lɛ, amɛteŋ namɔ he nyɛsumɔɔ akɛ miŋmɛɛ mihã nyɛ?” Ni amɛkɛɛ, “Baraba.” 22Pilato bi amɛ akɛ, “Belɛ mɛni mifee Yesu ni atsɛɔ lɛ Kristo lɛ he mɔ?” Amɛ fɛɛ amɛkɛɛ, “Hã ni asɛŋ lɛ!” 23Ni Amralo lɛ kɛɛ, “Mɛɛ efɔŋ efee?” Shi amɛbolɔ waa moŋ fe tsutsu lɛ amɛkɛɛ, “Hã ni asɛŋ lɛ!”
24 #
Deut 21.6
Be ni Pilato na akɛ enyɛɛɛ he nɔ ko efee; shi moŋ basabasa feemɔ miiba lɛ, ekɛ nu fɔ edɛ̃ yɛ asafo lɛ hiɛ, ni ekɛɛ, “Mi lɛ miyeee jalɔ nɛɛ lá yi sɔ̃; nyɛ, nyɛkwɛa nɔ!” 25#Bɔf 5.28 Ni maŋ lɛ fɛɛ here nɔ amɛkɛɛ, “Elá aba wɔ kɛ wɔbii anɔ!” 26Kɛkɛ ni eŋmɛɛ Baraba he ehã amɛ; shi Yesu lɛ, ekɛ kpelebii yi lɛ ni ekɛ lɛ hã ni ayasɛŋ lɛ.
Asraafoi lɛ ye Yesu he fɛo
(Marko 15.16-20; Yohane 19.2-3)
27Kɛkɛ ni Amralo lɛ asraafoi lɛ ŋɔ Yesu kɛtee kojomɔhe lɛ, ni amɛyabua asraafoi aku lɛ fɛɛ naa kɛbabɔle lɛ; 28ni amɛ jie ehe atadei lɛ, ni amɛkɛ atade tsuru yuu ko wo lɛ; 29ni amɛfee ŋmei akekre amɛkɛfi eyitso, ni amɛkɛ tso hã lɛ ehiɛ yɛ eninejurɔ, ni amɛkula shi yɛ ehiɛ amɛye ehe fɛo amɛkɛɛ, “Oshwiee, Yudafoi amaŋtsɛ!” 30#Yes 50.6 Ni amɛfɛ̃ lajɔ̃ amɛshwie ehe, ni amɛhe tso lɛ yɛ edɛ̃ ni amɛkɛtswia eyiteŋ. 31Ni be ni amɛye ehe fɛo lɛ, amɛ jie atade yuu lɛ yɛ ehe, ni amɛkɛ lɛ diɛŋtsɛ etadei lɛ wo lɛ, ni amɛkpala lɛ kɛtee koni amɛyasɛŋ lɛ.
Yesu sɛŋmɔ kɛ egbele
(Marko 15.21-41; Luka 23.26-49; Yohane 19.17-30)
32Be ni amɛyaa lɛ; amɛna nuu Kirenenyo ko ni atsɛɔ lɛ Simon, ni amɛnyɛ enɔ ni ewo Yesu sɛŋmɔtso lɛ. 33Ni be ni amɛshɛ he ni atsɛɔ jɛi Golgota ni eshishi ji “Yitsoŋoŋohe” lɛ, 34#Lal 69.21 amɛkɛ wain ni akɛ drɔ efutu mli hã Yesu ni enu; shi be ni esa enaa lɛ, esumɔɔɔ akɛ enuɔ. 35#Lal 22.18 Be ni amɛsɛŋ lɛ lɛ, amɛfɔ̃ oshiki amɛkɛja etadei lɛ. 36Ni amɛho amɛtara jɛi, ni amɛbu ehe. 37Ni amɛŋma sane ni akɛfɔ̃ enɔ lɛ amɛkpɛtɛ eyiteŋ akɛ, “Yesu, Yudafoi lɛ aMaŋtsɛ lɛ nɛ!” 38#Yes 53.12 No mli lɛ asɛŋ ojotswalɔi enyɔ afata ehe; mɔ kome yɛ eninejurɔ nɔ, ni mɔ kome hu yɛ ebɛku nɔ. 39#Lal 22.7 Shi mɛi ni hoɔ lɛ wie musubɔɔ wiemɔ amɛshi lɛ, ni amɛhoso amɛyitsei, 40#Mat 26.61; Yoh 2.19 ni amɛkɛɛ, “Bo ni okumɔɔ Sɔlemɔ we lɛ ni osaa omãa gbii etɛ̃ lɛ, heremɔ bo diɛŋtsɛ oyiwala! Kɛji Nyɔŋmɔ Bi ji bo lɛ, jee sɛŋmɔtso lɛ nɔ okpeleke shi koo!” 41Nakai nɔŋŋ osɔfonukpai lɛ hu kɛ mlatsɔɔlɔi lɛ kɛ onukpai lɛ ye ehe fɛo amɛkɛɛ, 42“Mɛi krokomɛi ayiwala ehere, shi lɛ diɛŋtsɛ enɔ lɛ enyɛɛɛ ehere. Israel maŋtsɛ lɛ ji lɛ! Eje sɛŋmɔtso lɛ nɔ agbɛnɛ ekpeleke shi, ni wɔɔhe lɛ wɔye. 43#Lal 22.8 Ekɛ ehe fɔ̃ Nyɔŋmɔ nɔ; ejie lɛ amrɔ nɛɛ koo, kɛji eyɛ ehe tsui lɛ; ejaakɛ ekɛɛ, ‘Nyɔŋmɔ Bi ji mi.’ ” 44Nakai nɔŋŋ ojotswalɔi lɛ ni asɛŋ afata ehe lɛ hu bɔ lɛ ahora.
45Shi kɛjɛ shwane ŋmɛlɛ nyɔŋma kɛ enyɔ kɛyashi ŋmɛji etɛ̃ lɛ duŋ wo yɛ shikpɔŋ lɛ nɔ fɛɛ. 46#Lal 22.1 Shi ŋmɛji etɛ̃ mli lɛ Yesu bo kɛ gbee ni wa ekɛɛ, “Eli, Eli, lama sabaktani?” Eshishi ji, “MiNyɔŋmɔ, miNyɔŋmɔ, mɛɛba okwa mi?” 47Shi be ni mɛi ni damɔ jɛi lɛ ateŋ mɛi komɛi nu lɛ, amɛkɛɛ, “Elia mɔ nɛ tsɛɔ nɛɛ.” 48#Lal 69.21 Ni amrɔ lɛ amɛteŋ mɔ kome sha foi eyakɔ ŋshɔŋ kotsa, ni ekɛtsɔ̃ ashiŋ mli, ni ekɛma tso naa ehã lɛ akɛ enu. 49Shi mɛi ni eshwɛ lɛ kɛɛ lɛ akɛ, “Ahi shi! Hã wɔkwɛ akɛ Elia aaaba abajie lɛ lo?” 50Shi Yesu bo ekoŋŋ kɛ gbee ni wa, ni ebu enaa.
51 #
Ɛks 26.31-33; Heb 10.19, 20 Ni naa, Sɔlemɔtsu lɛ mli muhɔɔ lɛ mli gba enyɔ kɛjɛ ŋwɛi kɛbayi shi, ni shikpɔŋ hoso, ni tɛsai gbala; 52ni gbohii abui anaa gbelegblei, ni krɔŋkrɔŋbii ni ewɔ lɛ agbɔmɔtsei pii te shi; 53#Bɔf 26.23 ni eshitee lɛ sɛɛ lɛ amɛje kpo kɛjɛ amɛbui lɛ amli, ni amɛtee maŋ krɔŋkrɔŋ lɛ mli amɛyajie amɛhe kpo amɛtsɔ̃ɔ mɛi pii. 54Shi be ni asraafoiohaatsɛ lɛ kɛ mɛi ni kɛ lɛ buɔ Yesu he lɛ na shikpɔŋ hosomɔ lɛ kɛ nii ni afee lɛ, amɛshe gbeyei tsɔ̃, ni amɛkɛɛ, “Lɛɛlɛŋ, Nyɔŋmɔ Bi nɛ!” 55#Luk 8.2, 3 Shi yei pii yɛ jɛi ni damɔ shɔŋŋ amɛmiikwɛ; amɛ ji mɛi ni nyiɛ Yesu sɛɛ kɛjɛ Galilea ni amɛsɔ̃mɔɔ lɛ lɛ; 56amɛteŋ mɛi komɛi ji Maria Magdalena kɛ Maria ni ji Yakobo kɛ Yose nyɛ lɛ, kɛ Zebedeo bii lɛ anyɛ lɛ.
Yesu fuu
(Marko 15.42-47; Luka 23.50-56; Yohane 19.36-42)
57 #
Ɛks 34.25
Shi be ni shɛ gbɛkɛ lɛ, niiatsɛ ko ni jɛ Arimatia ni atsɛɔ lɛ Yosef lɛ ba; lɛ hu Yesu kaselɔ ji lɛ. 58Lɛ etee Pilato ŋɔɔ eyatutɔ lɛ ni ekɛ Yesu gbonyo lɛ ahã lɛ. Kɛkɛ ni Pilato fã akɛ akɛ Yesu gbonyo lɛ ahã lɛ. 59Ni Yosef ŋɔ gbonyo lɛ, ni ekɛ klala farefare bla lɛ, 60#Yes 53.9 ni ekɛ lɛ yaŋmɛ lɛ diɛŋtsɛ egbonyobu hee ni ekpɛ yɛ tɛsaa mli lɛ mli, ni ekoklo tɛ kpeteŋkple ekɛtsi gbonyobu lɛ naa, ni eyiŋ etee. 61Shi Maria Magdalena kɛ Maria mɔ kome lɛ yɛ jɛi, amɛtara gbonyobu lɛ hiɛgbɛ.
Ahã ayabu bu lɛ he
62Shi Hesaamɔ-kɛ-too-Gbi lɛ nɔ jetsɛremɔ lɛ, osɔfonukpai lɛ kɛ Farisifoi lɛ anaa bakpe shi yɛ Pilato ŋɔɔ, 63#Mat 27.40; 12.40; 16.21; 17.23; 20.19; Mar 8.31; 9.31; 10.34; Luk 9.22 amɛkɛɛ, “Nuŋtsɔ, wɔkai akɛ, be ni shishiulɔ nɛɛ hiɛ kã lɛ ekɛɛ, ‘Gbii etɛ̃ sɛɛ lɛ mate shi ekoŋŋ.’ 64No hewɔ lɛ, fã ni ayabu bu lɛ he jogbaŋŋ kɛyashi gbi ni ji etɛ̃ lɛ, koni ekaselɔi lɛ akabaju lɛ kɛtee, ni amɛyakɛɛ maŋ lɛ akɛ, ‘Ete shi kɛjɛ gbohii ateŋ’; ni sɛɛkpee shishiumɔ lɛ bafee efɔŋ fe klɛŋklɛŋ nɔ lɛ.” 65Pilato kɛɛ amɛ akɛ, “Naa, asraafoi nɛ, nyɛyaa ni nyɛyabua bɔ ni nyɛaanyɛ.” 66Kɛkɛ ni amɛyiŋ amɛtee; amɛsɔo tɛ lɛ amɛkpɛtɛ gbonyobu lɛ naa kpɛŋŋ, ni amɛhã asraafoi lɛ bu he.#Dan 6.17
Bible in Ga Language © Bible Society of Ghana, 2020.