Yesaia 7
7
Akɛ wiemɔ bahã Maŋtsɛ Ahaz
1 #
2 Maŋ 15.37; 16.5; 2 Kron 28.5-6 Be ni Ahaz ni ji Uzia bi Yotam bi lɛ ji Yuda maŋtsɛ lɛ, Siria maŋtsɛ Rezin kɛ Israel maŋtsɛ Peka ni ji Remalia bi lɛ fã ta kɛba, ni amɛbatua Yerusalɛm, shi amɛnyɛɛɛ maŋ lɛ amɛŋɔ.
2Be ni Yuda maŋtsɛ lɛ nu akɛ Aram kɛ Efraim efee ekome lɛ, Ahaz kɛ emaŋbii lɛ fɛɛ atsui fã, ni amɛkpokpo tamɔ kooŋ tsei ni ahum ebote amɛteŋ.
3Kɛkɛ ni Yehowa kɛɛ Yesaia akɛ, “Bo kɛ obi Shear-Yashub#7.3: Eshishi ji, ‘Mɛi fioo baaba’ nyɛyaa. Nyɛ kɛ Maŋtsɛ Ahaz baakpe yɛ yiteŋgbɛ kpaakpo lɛ naa, yɛ niiahefɔlɔi abɔɔ lɛ tɛmpɔŋ lɛ nɔ. 4Kɛɛmɔ lɛ akɛ, ‘Kwɛ ohe ni ahi, ni ofee dioo; kaashe gbeyei, ni otsui hu akafã yɛ grimɔ waa ni Maŋtsɛ Rezin kɛ Siriabii kɛ Remalia bi Maŋtsɛ Peka egri lɛ hewɔ, ejaakɛ amɛtamɔ tsei kukuji ni miije lasu kɛkɛ. 5Maŋtsɛ Rezin kɛ Siriabii lɛ kɛ Israel kɛ emaŋtsɛ, Remalia bi lɛ, etee oyinɔ ajina fɔŋ. Amɛkpãŋ akɛ 6amɛbaatua Yuda koni amɛwo ehe gbeyei ni amɛŋɔ eshikpɔŋ lɛ amɛhã amɛhe koni amɛto Tabeel binuu akɛ maŋtsɛ yɛ shikpɔŋ lɛ nɔ.”
7“Shi mi, Nuŋtsɔ Nyɔŋmɔ, miikɛɛ akɛ yiŋtoo nɛɛ baŋ mli kɔkɔɔkɔ, 8ejaakɛ Siria he waaa fe Damasko, ni Damasko he waaa fe Maŋtsɛ Rezin. Yɛ Israel gbɛfaŋ lɛ biɛ afii nyɔŋmai ekpaa kɛ enumɔ mli lɛ abaabutu lɛ, ni efeŋ maŋ dɔŋŋ. 9Israel he waaa fe Samaria, emaŋ wulu lɛ, ni Samaria he waaa fe Maŋtsɛ Peka, Remalia binuu lɛ. Kɛji nyɛheee nyɛyeee lɛ, no lɛ nyɛhiŋ shi akɛ maŋ.”
Imanuel he Okadi lɛ
10Yehowa saa ekɛ wiemɔ tsu yaha Maŋtsɛ Ahaz akɛ, 11“Bi Yehowa, oNyɔŋmɔ lɛ, dɛŋ okadi. Ooonyɛ oyabi yɛ gbohiiaje tɔ̃ɔ, loo yɛ ŋwɛi shɔŋŋ tete.”
12Shi Ahaz to he akɛ, “Mibiŋ ni ahã mi okadi ko, ni mikaŋ Yehowa mikwɛŋ.”
13Kɛkɛ ni Yesaia to he akɛ, “Nyɛboa toi koo, agbɛnɛ, nyɛ Maŋtsɛ David shwiei! Aso gbɔmɛi ni nyɛhao lɛ faaa hãaa nyɛ hewɔ ni nyɛtaoɔ akɛ nyɛhao miNyɔŋmɔ lɛ hu nɛɛ? 14#Mika 5.2; Mat 1.23; Yes 6.8, 10; 9.5 No hewɔ lɛ, Nuŋtsɔ lɛ diɛŋtsɛ baatsɔ̃ɔ nyɛ okadi. Naa, Oblayoo foro ko baana musu, ni ebaafɔ binuu, ni eeewo lɛ gbɛi Imanuel#7.14: No ji Nyɔŋmɔ kɛ wɔ yɛ. 15Be ni binuu nɛɛ hiɛ aaafã ni eeele nɔ ni ji ekpakpa kɛ efɔŋ lɛ, no mli lɛ shikpɔŋ lɛ nɔ ejɔ, ni aana fufɔ kɛ wo aye. 16Ejaakɛ be ni gbekɛ nɛɛ aaada ni ekwa nɔ fɔŋ ni ekɔ nɔ kpakpa lɛ, maŋtsɛmɛi enyɔ ni osheɔ amɛ gbeyei nɛɛ lɛ ashi amɛshikpɔŋ lɛ amaŋfɔ̃.
17“Yehowa baahã bo kɛ omaŋbii lɛ kɛ David shwiei fɛɛ atsɔ̃ gbii kɛ joomɔ komɛi amli ni eko bako dã kɛjɛ beyinɔ ni Israel tse ehe yɛ Yuda he nɛɛ, eeekpala Asiria maŋtsɛ lɛ kɛbanina nyɛ.
18“Nakai be lɛ Yehowa baakpã blɛ kɛtsɛ Ijiptbii, ni amɛaabu kɛba tamɔ adɔdɔji kɛjɛ Nilo Faa lɛ jɛɛhe kɛ̃. Ni ebaatsɛ Asiriabii, ni amɛaake tamɔ wobii kɛjɛ amɛshikpɔŋ lɛ nɔ kɛba. 19Ni amɛ fɛɛ amɛaaba amɛbasɔmɔ jɔi voovoi kɛ tɛsai amli fɔji lɛ amli kɛ ŋmei tsei fɛɛ anɔ amɛbaatsĩ jwɛi fɛɛ jwɛi nɔ.
20“Nakai be lɛ Nuŋtsɔ lɛ aaabɔ Siria maŋtsɛ lɛ apaa kɛjɛ Eufrate Faa lɛ sɛɛ tamɔ asooyi, ni eeebashɛ nyɛyiteiaŋ tsɔi kɛ nyɛnaji ahe tsɔi kɛ nyɛtsɛŋi hu fɛɛ.
21“Nakai be lɛ mɔ ni aaalɛ tsina biyoo kome kɛ gwantɛŋi enyɔ lɛ, 22fufɔ ni eeena lɛ falɛ naa sɔŋŋ lɛ, eeena butru eye, ejaakɛ butru kɛ wo sɔŋŋ ji nɔ ni mɔ fɛɛ mɔ ni eshwɛ yɛ shikpɔŋ lɛ nɔ lɛ aaaye.
23“Nakai be lɛ, he fɛɛ he ni sá lɛ waintsei akpe ŋmɔ yɔɔ, nɔ ni ahɔ̃ɔ aheɔ jwiɛtɛi talentai akpe lɛ, jɛi baatsa kɛ kpitikpitii kɛ ŋmeii sɔŋŋ shikpɔŋ. 24Mɛi kɛ gãi kɛ gãimlibii aaaya ayagbɔbi yɛ jɛi, ejaakɛ shikpɔŋ tso muu lɛ fɛɛ etsɔ̃ kpitikpitii kɛ ŋmeii shikpɔŋ. 25Ni gɔji fɛɛ ni akɛ kɔi hu amɛnɔ sa lɛ, nyɛyaŋ amɛnɔ dɔŋŋ, ejaakɛ nyɛbaashe kpitikpiti kɛ ŋmei lɛ gbeyei. Jɛi baatsɔ̃ tsinai kɛ gwantɛŋi aniyelihe.”
Currently Selected:
Yesaia 7: NEGAB
Highlight
Share
Copy
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.
