Yesaia 2

Naanɔ Toiŋjɔlɛ

(Mika 4.1-3)

1Yuda kɛ Yerusalɛm he sane ni Amoz bi Yesaia na nɛ.

2 # Yer 3.17 Ebaaba mli akɛ naagbee mli lɛ,

gɔŋ lɛ ni Yehowa Sɔlemɔ we lɛ

ma nɔ lɛ

baatsɔ̃ gɔŋ ni kwɔ fe gɔji fɛɛ.

Abaawo enɔ fe gɔji lɛ fɛɛ,

ni aaajɛ jeŋjeŋ fɛɛ aba jɛi.

3 # Yoh 4.22 Ni mɛi babaoo baakɛɛkɛɛ amɛhe akɛ,

“Nyɛbaa, nyɛhãa wɔyaa Yehowa gɔŋ

lɛ nɔ,

ni wɔyaa Yakob Nyɔŋmɔ lɛ We lɛ,

koni etsɔ̃ɔ wɔ bɔ ni etaoɔ

akɛ wɔhi shi wɔhã,

koni wɔba wɔjeŋ nakai,

Ejaakɛ mla lɛ, Zion ebaajɛ,

ni Yehowa wiemɔ lɛ, Yerusalɛm

ebaajɛ.”

4 # Yoel 3.10 Ni ebaakojo majimaji lɛ ateŋ,

ni ebaakã mɛi babaoo ahiɛ,

ni ebaabu atɛŋ ehã mɛi babaoo.

Amɛbaatswia amɛklantei lɛ

amɛkɛsɔ̃ kɔii

ni amɛkɛ amɛkpɔlɔi lɛ hu baasɔ̃ adidai.

Maŋ ko kɛ maŋ ko wuŋ ta,

ni amɛkaseŋ tawuu dɔŋŋ.

5Ao, nyɛ Yakob we, nyɛbaa agbɛnɛ

koni wɔnyiɛ Yehowa la lɛ mli.

Abaaba Henɔwolɔi ashi

6Ejaakɛ Yehowa ekwa ewebii ni ji Yakob shwiei lɛ, ejaakɛ bokãgbɛ shikpɔji klalɔi babaoo ebafutu amɛ, ni amɛtsɔ̃mɔ klalɔi tamɔ Filistibii lɛ, ni maŋsɛɛbii moŋ amɛkɛbɔɔ. 7#Deut 17.16; Mika 5.9 Amɛshikpɔŋ lɛ nɔ eyi obɔ̃ kɛ shika kɛ jwiɛtɛi ni anyɛɛɛ naa abu. Amɛshikpɔŋ lɛ nɔ eyi kɛ okpɔŋɔi, ni amɛtayaa shwiilii lɛ anyɛɛɛ naa akpa. 8Amɛshikpɔŋ lɛ nɔ eyi tɔ kɛ yakayaka amãgãi, ni amɛkotoɔ shi amɛjaa amɛninenaa nitsumɔnii, nii ni amɛkɛ amɛ diɛŋtsɛ amɛniji fee lɛ.

9No hewɔ lɛ, adesa diɛŋtsɛ ebɔ ehe ahora ni eba ehe shi kwraa. Nuŋtsɔ, kɛ enɛ akafa amɛ.

10 # Kpoj 6.15; 2 Tes 1.9 Botemɔ tɛsaa tɛkplo mli, ni yaatee ohe yɛ su mli ni ojo Yehowa he gbeyei lɛ kɛ egbojee anunyam lɛ naa foi. 11Gbi ko miiba, ni nakai gbi lɛ nɔ lɛ, aaaba gbɔmɔ adesa hewoo kɛ henɔwomɔ fɛɛ shi, ni gbi lɛ Yehowa koome pɛ hiɛ baaba nyam, ni aaawo enɔ. 12Ejaakɛ Yehowa, Taiatsɛ lɛ, yɛ gbi ko ni eto ni ekɛbaaba ntɛŋfeemɔ kɛ henɔwomɔ kɛ hetsɔ̃ɔmɔ fɛɛ shi. 13Gbi nɛɛ lɛ abaaba Lebanon tsenedrutsei gojogojoo lɛ fɛɛ kɛ Bashan tsei wuji lɛ fɛɛ, 14kɛ gɔji grɔŋŋi lɛ fɛɛ kɛ gɔŋkpɔi ni kwɔlɔ lɛ fɛɛ, 15kɛ mɔji gojogojoo lɛ fɛɛ kɛ gbogboi ni awaje lɛ fɛɛ ashi, 16ni abaashwie Tarshish lɛji lɛ kɛ amɛmli ŋaa nibii fɛɛfɛji lɛ fɛɛ. 17Gbi lɛ abaaba gbɔmɔ adesa hetsɔ̃ɔmɔ kɛ ntɛŋfeemɔ fɛɛ shi, ni Yehowa koometoo pɛ nɔ abaawo gojoo, 18ni yakayaka amãgãi lɛ baaho aya kwraa.

19 # Luk 23.30 Gbi nɔ ni Yehowa aaaba ebahoso shikpɔŋ lɛ, gbɔmɛi baabote tɛsaa tɛkploi kɛ shikpɔŋ bui amli koni amɛtee amɛhe yɛ Yehowa he gbeyei kɛ egbojee anunyam lɛ hewɔ. 20Nakai gbi lɛ gbɔmɛi baasherɛ amɛshika amãgãi kɛ jwiɛtɛi amãgãi ni amɛfee amɛhã amɛhe ni amɛjaa lɛ amɛshwie amɛhã obishii kɛ aputupatai. 21#2 Tes 1.9 Amɛbaaya amɛyabote tɛkploi kɛ tɛsaa amli fɔji amli bɔ ni afee ni amɛnyɛ amɛjo foi yɛ Yehowa he gbeyei kɛ egbojee anunyam lɛ naa be ni Yehowa aaate shi ebahoso shikpɔŋ lɛ. 22#Jɛn 2.7 Nyɛwia nyɛhe kɛjea gbɔmɔ ni wala mumɔ yɔɔ emli nɛɛ he, ejaakɛ lɛ diɛŋtsɛ lɛ, ebɛ nɔ ko mli.

Currently Selected:

Yesaia 2: NEGAB

Highlight

Copy