Yesaia 11

Toiŋjɔlɛ Maŋtsɛyeli

1 # Kpoj 5.5; 22.16 Tso fɔ aaakwɛ̃ kɛaajɛ Ishai tso kuku lɛ mli, ni tso nine ko aaahere kɛaajɛ eshishi fã lɛ mli awo yibii.

2Ni Yehowa Mumɔ lɛ baahi enɔ,

ni ebaaduro lɛ nilee

kɛ sanesɛɛkɔmɔ mumɔ

kɛ ŋaawoo kɛ hewalɛ mumɔ

kɛ Yehowa he nilee

kɛ lɛ gbeyeishemɔ mumɔ.

3Eeena Yehowa gbeyeishemɔ

he miishɛɛ.

Bɔ ni ehiŋmɛii naa lɛ,

jeee nakai ebaakojo;

bɔ ni etoi nuɔ lɛ,

jeee nakai ebaakojo.

4 # Lal 72.4, 12-14; 2 Tes 2.8 Shi moŋ eeekojo ohiafoi lɛ

yɛ jalɛ naa;

ni eeebu shikpɔŋ lɛ nɔ humii

lɛ atɛŋ yɛ jalɛ naa.

Ekɛ edaaŋ wiemɔ aaaplene

shikpɔŋ lɛ nɔ bii,

ni ekɛ emumɔ lɛ aaagbe mɔ fɔŋ lɛ.

5 # Efes 6.14 Ni eeeye emaŋ

lɛ nɔ kɛ jalɛ kɛ

anɔkwayeli.

6 # Yes 65.25 Klaŋ kɛ gwantɛŋbi baahi shi,

ni kootsɛ kɛ abotiabi baabumɔ shi,

ni tsinabi kɛ jatabi baahi he kome,

ni gbekɛ bibioo baakpala amɛ.

7Tsinayoo kɛ oshishibrishi

baaye nii yɛ he kome,

ni amɛbii hu baabumɔ shi

yɛ he kome,

ni jata baakpe jwɛi tamɔ tsina nɔŋŋ.

8Gbekɛ fufɔoo baashwɛ

yɛ shikpãa bu naa,

ni bi ni atse lɛ fufɔ

kɛ enine baawo onufu bu mli,

ni efeŋ lɛ nɔ ko.

9 # Hab 2.14 Afeŋ efɔŋ, ni afiteŋ nii

yɛ Nyɔŋmɔ Gɔŋ Krɔŋkrɔŋ, Zion,

nɔ dɔŋŋ,

ejaakɛ Yehowa he nilee baayi

shikpɔŋ lɛ nɔ obɔ

tamɔ bɔ ni ŋshɔ eyi obɔ kɛ nu lɛ.

Nomii baaku amɛsɛɛ amɛba

10 # Rom 15.12 Be miiba be ni maŋtsɛ ni aaajɛ Ishai mli lɛ baatsɔ̃ tamɔ aflaŋaa ni ashi ahã majimaji lɛ. Lɛ esɛɛgbɛ maji lɛ fɛɛ aaatao, ni eshihilɛhe lɛ hiɛ baaba nyam. 11Nakai be mli lɛ Nuŋtsɔ lɛ kɛ hewalɛ baakpɔ̃ ewebii ni eshwɛ lolo lɛ, nɔ ni ji shii enyɔ nɔ, kɛjɛ Asiria kɛ Ijipt kɛ Patros kɛ Kush#11.11: Kush: Kush ji blema Etiopia lɛ kɛ Elam kɛ Babilon kɛ Hamat, asaŋ kɛ ŋshɔnaa shikpɔji lɛ anɔ kɛaaba. 12Yehowa aaashi aflaŋaa etsɔ̃ɔ maji lɛ kɛto okadi akɛ eebua Israelbii ni ashɛrɛ amɛ ashwie lɛ kɛ Yudabii ni agbɛ amɛ ashwã lɛ anaa kɛjɛ jeŋ koji ejwɛ lɛ nɔ kɛbakpe. 13#Eze 37.22 Ni Israel yeŋ Yuda he awuŋã dɔŋŋ, ni Yuda hu efeŋ Israel henyɛlɔ dɔŋŋ. 14Shi amɛbaafee ekome amɛyatua Filistibii yɛ anaigbɛ, ni amɛbaafee ekome amɛyaha bokãgbɛbii lɛ anibii. Amɛbaaye Edom kɛ Moab nɔ kunim, ni Amonbii baabo amɛtoi. 15#Kpoj 16.12 Yehowa baafite he ni Ijipt Faa lɛ kɛ enaa woɔ ŋshɔŋ yɛ lɛ, ni ekɛ ehewalɛ baahã kɔɔyɔɔ ni mli edɔ atswa yɛ Eufrate Faa lɛ nɔ, ni ebaaŋala Faa lɛ niji kpawo lɛ, ni mɛi aaanyiɛ shikpɔŋ gbiŋ nɔ kɛfo. 16#Ɛks 14.20 Ni eeetsɔ̃ tɛmpɔŋ ehã emaŋ lɛ mli mɛi ni eshwɛ lɛ, mɛi ni eshwɛ ni aaajɛ Asiria aba lɛ, tamɔ bɔ ni jɛi tsɔ̃ gbɛ ha Israel be ni amɛje Ijipt lɛ.

Currently Selected:

Yesaia 11: NEGAB

Highlight

Copy