रोम सहरतोर 9
9
यहुदिर किर्स्तुन पास्कताह्कु, पोलु नारज आस्तोग़
1-3 (देवुळता गूनमताहि माक बेवे एग़िह कीया पग़वोङ इतेके,) नावा इस्रयेलतोर यहुदि जाततोर बाराह्क एग़तोर? ओरेनाह्कु नना पका आल्सुळते मह्नन, उंद दिया तपवा, नावा जीवा नोस्ता. येसुन विस्वस केवाह्कु, ओरिह्क दोर्कनद सिक्सा नाक दोर्कि! ओरा बद्लातुह्क, देवुळि नाके सरप ईसि, किर्स्तुनग्डाह एग़िह कीतेक तेला बेसे!#पेसमुळि 32:32 मति ओर पिसिर इनजोर, ओरेनाह्क अचोन नना आलिह कीय्ह्नन.#2 कुरिंततोर 12:15 किर्स्तुना मुनेह किरिया, इद निटमे, नना जोल वळ्ह्कोन,#2 कुरिंततोर 11:10; गलातितोर 1:20; 1 तिमोति 2:7देवुळता जीवा वने इद पोल्लोता साक्सि मन्ह्ता. 4ओरिन देवुळि तनाङ पिलाङ-पेकोर आयलाह आचता,#पेसमुळि 4:22 ओरिह्के तना सोबा ओसो डीसा दिसिह कीता.#पेसमुळि 40:34; 1 राजा 8:11 ओरा संगे करल कीसि,#पुटमुळि 17:2; व्यवस्थाविवरण 29:14; लूकाल 1:72; बळयिर 3:25; इपिसुसतोर 2:12 तनाङ अडोना सास्त्रम ईता.#व्यवस्थाविवरण 4:13-14; देवुळताङ पाटाङ 147:19 तन्क बेद्रम माळना इनजोर, ओरिने वेहच मता.#इब्रितोर 9:1 ओसो ओरिह्क वेल्लाङे बेसताङ पोल्लोन विळ्सिस मता.#बळयिर 2:39; 13:32; रोम सहरतोर 2:17; 3:2; गलातितोर 3:16; इपिसुसतोर 2:12 5देवुळ आचतोर अब्रहम, इसक, याकुब इनवालोर मावा पेदामुय्तोरग्डाहिये,#बळयिर 3:13; रोम सहरतोर 11:28 मावा इस्रयेल लोकुर पुट वातोर.#9:5 याकुबना दुस्रा पेदिर “इस्रयेल” मता (पुटमुळि 32:28). ओनाय कूळतोर इस्रयेल देसेमतोर आतोर. ओराय कूळते, देवुळ लोहतोग़ पिसिह केवाल किर्स्तु, मन्कल मारियिस पुट वातोग़.#मत्याल 1:1-16; रोम सहरतोर 1:3-4 ओग़ किर्स्तु कतमतोरा देवुळ आंदोग़,#कुलुसितोर 1:16-19 ओन्क अमेसा-अमेसातुह्क जोहर आयि.#इब्रितोर 7:24आमेन.
6 (मीवा जालपिलतुह्क नना बर्कत ईकन इनजोर, देवुळि इस्रयेल लोकुरा तादोर-बाबोरिन किरिया कीस मता. मति इंजेके किर्स्तुनु इस्रयेलतोर पास्किह्तोर इतेके,) देवुळि ओरा संगे कीतद किरियातुन देहता इनजोर, नना इनोन.#गिनती 23:19 मति इस्रयेल देसेमते पुटटोर सबेटोरे, देवुळता लोकुर आयोर, इचोने इह्नन.#2:28-29 7-9अद बह इतेके, अब्रहम मुय्तोना जालपिलतोर सबेटोर देवुळताङ पिलाङ-पेकोर आयोर.#योहन 8:39; गलातितोर 4:23 देवुळि अब्रहमिह्क इद्रम पोल्लो विळ्सिस मता: “पेग़ेंडु इदे वेलाते ओसोवने नना नियगा मल्स वायकन, अस्के नीवा मुते साराह्कु, ओर्वोग़ पेकाल पुटिस मनदनोग़,” #पुटमुळि 18:10,14 इनजोर इता. (ताना पोल्लो विळ्सतपे, इसकपुटटोग़.) अब्रहमिह्क ओसो दुस्रोर पेकोर मन्जाय, देवुळि ओनु, “नीवा जालपिलतुन इसकनग्डाहे लेकनुर” #पुटमुळि 21:12; इब्रितोर 11:17-18 इनजोर इता. इव पोल्लोङ बाताल तेळियिह कीस्ताङ इतेके, अब्रहमनगा पुटटोर सबेटोरे, देवुळताङ पिलाङ-पेकोर आयोर; मति देवुळताङ मग़्क-मयास्क, तना पोल्लो विळ्सतप पुटटोग़ पेकाना कूळताहिये, पुट वायनुर#4:13,16-17; गलातितोर 4:28; इब्रितोर 11:11.#9:7-9अब्रहमना मुते साराह्कु मग़ पुटनोग़ इनजोर, देवुळि मुनेन किरिया कीस मता. मति वेल्लाङे दियाङ आतापया वने, अद नेलाङ हव्कवा मता. अदिनेनाह्क अब्रहम, तनमुतेना ओर्युलतदिन ततस्के, तान्क पुटवाल पेकाना पेदिर इस्मालि इनजोर तासतोग़. ओग़ इस्मालना जालपिल मन्कना रीतते पुटटोर आंदुर इनजोर, पोलु वेहता बोटटोग़.
10अचोने आयो मति, इद पोल्लो वने मन्ह्ता. मावा तादो इसक मुय्तोग़, ओना मुते रिबका सेळो, वेरिह्क एमोह पेकोर पुटटोर.#पुटमुळि 25:21 11-12केंजाट, वेर पेकोर पुटनामुनेन, ओसो ओरु बेदाय नेह्ना-लाग्वा कीयनामुनेन, देवुळि तलिन बाताल वेहच मता, तान सीता कीम्ह्टु: मुने पुटवाल पेकाल, पया पुटवाना सेवा कीयनोग़, #पुटमुळि 25:23 इनजोर इता. देवुळि मन्कनाङ कबस्कना इसबते आयो, मति तनाय विचर मतप, मन्कलोरिन आचिह्ता इनजोर तोहतलाहि, ओर एमोह पेकोरग्डाहि, मुनेन ओर्विन बार आचता, ओर्विन बार आचो. 13ताना सास्त्रमतगा इहे मन्ह्ता: देवुळि इन्ह्ता, “नना उड्लोग़ याकुबिन एरे कीतन, मति तमदादाल एसान बार जेक कीतन,” #मलाकी 1:2-3 इनजोर रासतद मन्ह्ता.
देवुळतुह्क तनाय विचरते कीयलाह अदिकर मन्ह्ता
14 (ओर एमोह पेकोर बातालाय नेह्ना-लाग्वा कीयनामुनेने, देवुळि ओर्विन बार आचता, ओर्विन बार जेक कीता इनजोर,) माटु देवुळतगा बाताले सेतेम इले इनदा पग़यकला?#2 इतिहास 19:7; रोम सहरतोर 2:11 आयो! अद्रम मुर्तिय इनदा पग़वल! 15मोसान देवुळि बाताल इता, मीक सीता मन्ह्ताया: “बोना पोग़ोन दया कीयना, बोना पोग़ोन जीवा लोपना, अद नावाय विचरते कीय्ह्नन,” #पेसमुळि 33:19 इनजोर इता. 16इद्रमलेह्का बोग़ाय मन्कना पोग़ोन देवुळि दया कीस्ता इतेके, ओग़ मन्कना विचरतुन ऊळिस केवो, ओनाङ कबस्किन ऊळिस केवो, मति तनाय विचरते कीस्ता. 17ताना सास्त्रमते रासतपु, मोसाना कालमते, देवुळि पिरोन राजान इद्रम इता: “नीवा पोग़ोन वायनव पीळाना मेटे, नावा डीसातुन तोहतकन. अस्के पूरा बूममेंड नावा पेदिर दायग़ा, इद पोल्लोतेनाह्के, नीक राजाल इनजोर निल्पिह कीतन” #पेसमुळि 9:16 इनजोर रासतद मन्ह्ता. 18इद पोल्लोताहि बाताल तेळियनाह आस्ता? देवुळि बोन दया कीयलाह विचर कीस्ता, ओन दया कीस्ता; बोनु (पिरोनना लेह्का), कैंगम आनाह विचर कीस्ता, ओन कैंगम आनाह कीस्ता.#पेसमुळि 4:21; 7:3; 9:12; 10:20,27; 11:10; 14:4,17; व्यवस्थाविवरण 2:30; यहोशू 11:20; योहन 12:40; रोम सहरतोर 11:7,25
19इंजेके मीट नाक ताल्ह्केरिर, “(मयगा बोरा-बोरा कैंगम बुदि मनदना इनजोर, देवुळता विचर मता इतेके,) देवुळि मावा पोग़ोन बाराह्क कसुर वाटिह्ता?#3:7 ताना विचरतुन बोग़ रोमिह कीया पग़यह्तोग़?#2 इतिहास 20:6; अय्यूब 9:12; दानिय्येल 4:35 ” इनजोर इनेरिर. 20मति इद्रमलेह्का देवुळतुन मर्लाबडनद ओप्पिह्ताया? माट इतेक वेट मन्कलोरले आंदल, इदिन सीता कीयिङ. कुमाल पंडटद अळ्का, “चेह! नाक इद्रम बाराह्क पंडटिन डा?” इनजोर ओन इन्ह्ताया?#यशायाह 29:16; 45:9; 64:8; यिर्मयाह 18:6 21कुमाल तना विचर वातप अळ्का पंडेग़; उंदिय तोळ्यो गोमाताहि, रेंड तुक्ळेङ कीसि, उंदतुन बार बेस सोबाता अळ्का, उंदतुन बार केनकेनेता अळ्का इद्रम पंडलाह, ओन्क अदिकर मन्ह्ताया, इले?#2 तिमोति 2:20
22अद्रमलेह्काने देवुळतुह्क वने, तना विचर मतप कीयलाह अदिकर मन्ह्ता. तमा पापमते बूळेम आयना लायक मनवालोरा पोग़ोन, देवुळि ओङ आस्ता.#बुदताङ पोल्लोङ 16:4; 1 पत्रु 2:8 मति ओरिन अस्केडस्केन सिक्सा कीसि, तना लावतुन तोहो. ओरा लाग्वातनमतुन आपसोर, वेल्लाजोम केपसोर मन्ह्ता.#2:4 23बाराह्क इद्रम केपसोर मन्ह्ता इतेके, बोर लोकुरिन तना संगे, तना मान-डीसाता जागाते तासना इन्जि, सुरुमुनेन आचता,#8:29-30 ओरा पोग़ोन इंजेके दया कीसि, नना बेचोटा बेरा देवुळतन इनजोर, सबेटोर लोकुरिह्क तोहतलाह आता; अदिनेनाह्के केपिह्ता. 24अद आचतोर मन्कलोरल माटे आंदल रा! मावा मुडगा मनदलाहि, सिरप माट यहुदिरिने आचो, मति यहुदि आयवोरिन वने आचता.#3:29; 8:28 25यहुदि आयवोरा लोप्पा देवुळि तना कबुरतोग़ होसेना संगे इह वेहता:
“बोर मुने नावा मन्कलोर आयोर आस मतोर,
ओरिन इंजेके नावा मन्कलोरिर इनदकन;
बोर मुने नावा गूनमतुन पुनोर आस मतोर,
ओरिह्क नावा गूनम तोहतकन. #
होशे 2:23; 1 पत्रु 2:10
26 ओसो, बेद जागाते मीट नावा लोकुरिर आयविर इनजोर वेहतद मन्ह्ता,
अदे जागाते ओरिन वेर जीवात मनदनद देवुळताङ मग़्क-मयास्कु इनजोर इनदनुर,” #
होशे 1:10; रोम सहरतोर 8:14
देवुळ वेहतव इव पोल्लोन होसे रासतोग़.
27-28अद्रमे देवुळता कबुरतोग़ यसयाल वेल्लाय मुनेन, इस्रयेलतोरा लोप्पा इद्रम वेहतोग़:
देवुळि तना मुनेन वेहच मतप लेह्कान
इद बूमतोर सबेटोरा अदु चट्पिटे नेयम कीयग़ा, पूराय नेयम कीयग़ा,
इस्रयेल मन्कलोर सम्दुरता उस्कोता लेह्का, लेक पग़वप मन्ह्तोर,
तेला मति ओरग्डाहि उच्वुरे, देवुळता सिक्साताहि पिसनुर. #
पुटमुळि 22:17; यशायाह 10:22-23; होशे 1:10; रोम सहरतोर 11:5
इनजोर इतोग़. 29ओसो यसयाल इद्रम वने वेहच मतोग़:
बेरा डीसाता देवुळि मावा जालपिलतोरग्डाहि, उच्वुरिनाय पिसिह केवेके,
माट वने सोदोम-गोमोरा नाह्कनोर मन्कलोरा लेह्कान, पूरा बूळेम आवेलल, #
व्यवस्थाविवरण 29:23; यशायाह 1:9; 13:19; यिर्मयाह 49:18; 50:40; आमोस 4:11; 2 पत्रु 2:6
इनजोर वेहतोग़.
यहुदिर तमाङ कबस्कना पोग़ोन विस्वस कीतोर
30इंजेके बाताल इनदकल? यहुदि आयवोर देवुळता सेतेमतुन पर्ह्कोर. तेला मति उच्वुर किर्स्तुन विस्वस कीताह्कु, देवुळि ओरिन सेतेमतोर कीता.#1:17; 3:21-23; 10:6-8; गलातितोर 3:24; इब्रितोर 11:7 31मति इस्रयेल लोकुर बह आंदुर, मोसानाङ अडोङ केंजिसि, इवे अडोन कर्तुळते माळतेके, माट सेतेमतोरोम आयकोम इंदुर. मति अद्रम ओर ताना मुनेह, सेतेमतोर आया पग़वोर.#3:27; 10:2-4; 11:7; गलातितोर 5:4 32बाराह्क आया पग़वोर इतेके, ओर इस्रयेल लोकुर किर्स्तुन विस्वस केवा, मावाङे बेसताङ कबस्कने सेतेमतोरल आयकल इनजोर ऊळिंदुर. इद्रमतोरेनाह्कु किर्स्तु कोदुर ईस अर्हतनद बंडालेह्का मन्ह्तोग़.#9:32किर्स्तु वाताह्कु, यहुदिर बेस-नेह्ना गिर्दा आयना मता; मति ओर अडोङ वेहतप पिसलाहि विचर कीताह्कु, किर्स्तु वातस्के ओन सीता केवोर. ओग़ हव्कनागुटातगा डोलतद वने, ओरिह्क उगस उगस मंदु. अदिनेनाह्क किर्स्तु ओरिह्क कोदुर ईयलाह कीतद बंडाता लेह्कान आतोग़. 33किर्स्तुना लोप्पा मुनेने देवुळि वेहतदु सास्त्रमतगा इद्रम रासतद मन्ह्ता:
इद ऊळाट! नना येरुसलेम सहरते बंडालेह्काडोन ओर्विन तासिह्नन,
ओनगा वेल्लाटोर कोदुर ईस मुटनुर #
गलातितोर 5:12
मति ओना पोग़ोन बोर आसा तासनुर, ओर बेस्केने मेसेह्ने आयोर आयनुर. #
यशायाह 8:14; 28:16; रोम सहरतोर 5:5; 10:11; 1 पत्रु 2:6,8
इनजोर रासतद मन्ह्ता.
Currently Selected:
रोम सहरतोर 9: माडियाबाय्बल
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
