रोम सहरतोर 8

देवुळता जीवा ईयनद पिसमुळ

1-2 (मुने नाक पापम ताकिह कीसि, अमेसाता हामुरतेके ओसींदु.) मति इंजेके नना येसु किर्स्तुन विस्वस कीताह्‌कु, नयगा मनदनद देवुळता जीवा पापमता, हामुरता कयदग्डाहि नाक विळ्सिह कीता.#योहन 8:32,36; रोम सहरतोर 6:17-18,21-22; 7:4; 1 कुरिंततोर 15:45; याकुब 1:25 अदे जीवा इंजेके नाक ताकिह कीस्ता. (अदिनेनाह्‌क देवुळि कसुरतोरिर इन्जि, मावा नेयम कीयग़ा इनजोर, माक बातय रेय इले.)#5:16; 8:34 येसु किर्स्तुन विस्वस केवालोरिह्‌क, [मन्कना बुदते ताकवा, देवुळता जीवा वेहतप ताकवालोरिह्‌क,#8:1-2 मन्कना बुदते ताकवा, देवुळता जीवा वेहतप ताकवालोरिह्‌क इद पोल्‍लो सबे मोदुल काग्देह्‌कनगा दोर्को.] देवुळि बेस्केन सिक्सा एवो. 3माट मन्कना बुदते ताकसोर मताह्‌कु, मोसानाङ अडोङ केंज पग़वा मतल. अद इसबते, अडोङ माक पापमता लावताहि विळ्सिह कीया पग़वोङ.#बळयिर 13:39; रोम सहरतोर 7:17-20; इब्रितोर 7:18-19; 10:1-4 मति अडोङ कीया पग़वदिन, देवुळिये कीता. बेद्रम इतेके, तना वग़ोग़ मग़िन लोहचीता. ताना मग़ि, माट पापि मन्कलोरा लेह्‌का मन्कल मारियिस, इद बूमतगा वास मतोग़.#गलातितोर 4:4 अदे मेंदुलते, ओग़ मावा पापमता सिक्सातुन, तना पोग़ोन एतोग़.#2 कुरिंततोर 5:21; पिलिपितोर 2:7; 1 तिमोति 1:15; इब्रितोर 2:14-15,17; 4:15; 10:8 4देवुळि बाराह्‌क इद्रम कीता? इंजेके माट मन्कना बुदते ताकवालेवा, देवुळता जीवा वेहतप ताक पग़यह्‌नल.#गलातितोर 5:16,25 इद्रम ताकसोरे, उंद पूना रीतते अडोङ वेहतप कीयलाह आतल.#2:26; 3:31

5मन्कना बुदते ताकवालोर बार, मन्कनाङे पोल्‍लोनगा सीता कीसोर मन्ह्‌तोर.#गलातितोर 5:19-21 मति देवुळता जीवा वेहतप ताकवालोर बार, देवुळताङ पोल्‍लोनगा सीता कीसोर मन्ह्‌तोर.#गलातितोर 5:22-25 6मन्कना बुदि मीवाङ विचर्किन ताकिह कीतेके, मीक देवुळ ईयनद पिसमुळ दोर्को आयग़ा.#6:21-22 मति देवुळता जीवा मीवाङ विचर्किन ताकिह कीतेक बार, मीट देवुळता संगे पिसकिर, ओसो सुकमते मनदकिर. 7बह इतेके मन्कना बुदते विचर केवालोर देवुळताङ अडोन केंजोर, केंज पग़वोर वने. अदिनेनाह्‌क अद्रम विचर केवालोर, देवुळता विरुद मन्ह्‌तोर.#कुलुसितोर 2:18; याकुब 4:4 8मन्कना बुदते ताकवालोर, देवुळतुह्‌क विचर वातप, मुर्तिय ताक पग़वोर.#7:5; गलातितोर 5:17

9मीवा जीवातगा मात्रम, देवुळता जीवा जागा आताह्‌कु,#योहन 14:23; 1 कुरिंततोर 3:16; 6:18-20; 2 कुरिंततोर 6:16; गलातितोर 4:6; 2 तिमोति 1:14; 1 योहन 3:24; 4:13 मीट मन्कना बुद मतप लेह्‌का पिसविर, मति पवित्र जीवा वेहतप लेह्‌का पिसिह्‌निर. (बोरगा किर्स्तुना जीवा इले, ओर ओना मन्कलोर आयोर,#योहन 14:17 इदिन सीता कीम्ह्‌टु.) 10किर्स्तु मीवाङ जीवानगा मतेक अचोन, मीवाङ मेंदुस्क पापमतुह्‌क डोलतेक तेला, देवुळि मीक सेतेमतोर कीताह्‌कु, ताना जीवा मीक अमेसाता पिसमुळ ईस्ता.#गलातितोर 2:20; इपिसुसतोर 3:17; कुलुसितोर 1:25-27 11बेद देवुळि येसुन हामुरतग्डाहि तेग़्किह कीता,#बळयिर 2:24 अदे देवुळता जीवा, मीवा जीवातगा जागा आता.#1 कुरिंततोर 6:17; पिलिपितोर 2:1-2 अदे जीवाता लावते, मीट डोलतापया वने, देवुळि येसु किर्स्तुन कीतप लेह्‌का, मीवाङ मेंदुस्किह्‌क वने उंद दिया जीवा ईयग़ा.#योहन 5:21; गलातितोर 6:8

12अदिनेनाह्‌क मावोरिर! देवुळता जीवा वेहतपु, माक ताक पोयह्‌ता. मन्कना बुद मतप ताकनदायो.#6:14 13मन्कना बुदते माट ताकतेक अचोन, अद अमेसाता हामुरतेकेन ओसीस्ता.#6:21-22 मति देवुळता जीवाता तोळते, मावाङ मेंदुस्क विचर कीयनव कबस्किन विळ्सतेके,#कुलुसितोर 3:5 माट देवुळता संगे पिसकल.#1 कुरिंततोर 9:27 14बाराह्‌क इतेके, बोर मन्कलोरिन देवुळता जीवा ताकिह कीस्ता,#गलातितोर 5:18 ओरे देवुळताङ मग़्क-मयास्‍क मन्ह्‌तोर.#होशे 1:10; मत्याल 5:9; योहन 1:12; रोम सहरतोर 9:26; 2 कुरिंततोर 4:5; 6:18; 1 योहन 3:24; तोहचीतव पोल्‍लोङ 21:7 15बहु साकुर केवाल तना माल्काह्‌क रेयिस मनदना लेह्‌का, माकु देवुळताहि रेय वसनद जीवा दोर्कताया?#गलातितोर 5:1 आयो!#गलातितोर 2:4; 2 तिमोति 1:7; इब्रितोर 2:14-15 मावा जीवातगा मनदनद पवित्र जीवा, माकु देवुळताङ मग़्क-मयास्‍क आनाह कीता.#1 कुरिंततोर 2:12; 2 कुरिंततोर 11:4; इपिसुसतोर 1:5; 1 योहन 4:17-18 अदिनेनाह्‌क देवुळतुनु, ए नावा बाबानिन इनजोर, केय पग़यह्‌नल.#गलातितोर 4:5-6; 1 पत्रु 1:17 16इंगो, देवुळता जीवा मावा जीवातुन, मीट निटमे देवुळताङ मग़्क-मयस्कनिर इनजोर,#8:26 साक्सि ईयलाह आता.#2 कुरिंततोर 1:22; गलातितोर 4:6; 1 योहन 3:1,24; 5:10 17इद्रमि किर्स्तुना लेह्‌का, माट वने देवुळताङ मग़्क-मयास्कनल आंदल, अहे ओना लेह्‌का माक वने देवुळबाबाल तनाङ मग़्क-मयास्किह्‌क तासतद बर्कत दोर्कग़ा.#बळयिर 20:32; गलातितोर 3:29; 4:7; इपिसुसतोर 3:5-6; तीतुस 3:7; इब्रितोर 1:2,14 माट इद बूमते किर्स्तुना संगे तिपल आय्ह्‌नल इतेके, पया देवुळदीपते ओना संगे, देवुळताहि मान वने दोर्किह कीकल.#2 कुरिंततोर 1:5,7; पिलिपितोर 3:10-11; कुलुसितोर 1:24; 1 पत्रु 4:12-13

वायनद कालमते विस्वसिरिह्‌क दोर्कनद गिर्दा

18किर्स्तुनेनाह्‌क विस्वसिरिह्‌क इंजेक तिपल वास्ताये. मति वायनद कालमते, देवुळि तना डीसा तोहचि, बेचोन माक मान ईयग़ा,#कुलुसितोर 3:4; तीतुस 2:13 ताना सीता कीतेके, मावा इंजेटा तिपल ओसोय अल्को मन्ह्‌ता#2 कुरिंततोर 4:17; 1 पत्रु 4:12-13; 5:1 इन्जि, नना पुह्‌नन. 19-21(आदम-अवाल बेस्के पापम कीतोर अस्के,) देवुळि ओरिन सरप ईता, ओसो पूरा बूमतगा पीळा अर्हता.#पुटमुळि 3:16-19(मन्कलोरिह्‌क इतेके, ओरा कसुरतेनाह्‌क सरप दल्गता, मति) देवुळ पुटिह कीतव सबेटविस्किह्‌क बार, कसुर केवाये पीळा दोर्कता. मति अविस्किह्‌क वने आसा मन्ह्‌ता. उंद दिया देवुळि तनाङ मग़्क-मयास्किन, अद सरपताहि विळ्सिह कीसि, ओरिह्‌क मान ईयग़ा, अद मान पोळ्क्ने दिसग़ा.#कुलुसितोर 3:4; 1 पत्रु 1:7,13; 1 योहन 3:2 अदे दिया, देवुळि तना पुटिह कीतव सबेटविन वने, अविस्कना पीळाताहि विळ्सिह कीयग़ा.#बळयिर 3:21; 1 कुरिंततोर 15:42; कुलुसितोर 1:20; 2 पत्रु 3:13; तोहचीतव पोल्‍लोङ 21:1 अद दियातुन अवु अग़ ऊळसोरेन मन्ह्‌ताङ. 22आंचाळि रिकम आयह्‌पा, नोयनद तेदतस्के बेद्रम ऊल्गिह्‌ता, अद्रमे अव सबेटव इंजेक एवनाह, ऊल्गतप आंदुङ#यिर्मयाह 12:4,11 इनजोर पुतल. 23अविस्कना संगे माट वने ऊल्गलाह आतले. ओसो पया दोर्कनद बर्कत बेद्रम मनदग़ा इनजोर तोहतलाहि, देवुळि इंजेकेन माक तना जीवातुन ईता. अद जीवा वेहतपु, उंद दिया मयगा देवुळताङ मग़्क-मयास्‍क आयनद, पूरा अदिकर दिसग़ा.#2 कुरिंततोर 1:22; 5:5 अस्के मावाङ मेंदुस्किन तिपल्कनाहि विळ्सिह कीसि, पूनाङ मेंदुस्क माक ईयग़ा. अद दियातेनाह्‌क, माट पका ऊल्गसोर केपलाह आतल.#2 कुरिंततोर 5:2,4; गलातितोर 5:5 24देवुळि माक पिसिह कीतस्के, माक इद आसा दोर्कता.#1 तिसलुनितोर 5:8; तीतुस 3:7 मति बातालतुनाय कोंडाने ऊळतेके, ताना पोग़ोन बोग़ाय बाराह्‌क आसा तासेग़?#4:18-19; 2 कुरिंततोर 5:7; इब्रितोर 11:1; 1 योहन 3:2 25माट इसि कोंडाने ऊळवद बर्कततुन आसा कीय्ह्‌नल. अदिह्‌क अद बर्कत माक दोर्कनाह्‌जोम, माट आरेम आयवा, केपसोर मह्‌नल.#1 तिसलुनितोर 1:2-3

26अचोने आयो मति, माक तेळियवाह्‌कु, देवुळता जीवा माक तोळ मन्ह्‌ता. पार्तना कीयनस्के, देवुळतुन माट बाताल ताल्ह्‌कना, बेद्रम ताल्ह्‌कना इन्जि पुनवल. मावा तोडटाहि, माट देवुळतुन पोल्‍लोङ वळ्ह्‌क पुनवल, मति ताना जीवा मावा लोप्पाडाहि ऊल्गसोर केयिह्‌ता. केयिसि, मावा पार्तनातुन देवुळतगा बराबर एव्सिह कीसीस्ता.#योहन 14:16; इपिसुसतोर 6:18 27देवुळता विचर मतपे, पवित्र जीवा देवुळता लोकुरेनाह्‌क अर्ज कीस्ता.#लूकाल 22:32; इब्रितोर 7:25 अदिनेनाह्‌क मावाङ पोटालोप्पाडाङ पोल्‍लोन पुनदनद देवुळि,#देवुळताङ पाटाङ 139:1-2; लूकाल 16:15; बळयिर 1:24-25; 1 तिसलुनितोर 2:4 तना जीवाताङ विचर्किन पुन्ह्‌ता.

28देवुळि मुनेन विचर कीस तासतपु,#इपिसुसतोर 1:9 बोन-बोन केयता,#9:24; 11:29; 1 कुरिंततोर 1:9; गलातितोर 1:6,15-16; 5:8; इपिसुसतोर 1:11; 1 तिसलुनितोर 2:11-12; 2 तिसलुनितोर 2:14; 1 पत्रु 2:9 ओरे तान जीवा कीस्तोर. ओरिह्‌क बेवे आयिङ, देवुळि अव सबेटविना मेटे, ओरेनाह्‌क बेसताङे पोल्‍लोन पुटिह कीसीस्ता इनजोर,#2 कुरिंततोर 4:15 माट पुतल. 29बाराह्‌क इतेके, बोर बोर नयगा विस्वस तासनुर इनजोर, देवुळि मुनेन पुन्ज मता.#11:2 नावा मग़ि येसु ओर सबेटोरा दादाल आयेग़ इनजोर,#कुलुसितोर 1:18; इब्रितोर 1:6 देवुळि ओरिन येसुना लेह्‌काडोर आयलाह,#1 कुरिंततोर 15:49; पिलिपितोर 3:21; कुलुसितोर 3:10 मुनेन आचता.#9:23; 1 कुरिंततोर 2:7; 2 कुरिंततोर 3:18; इपिसुसतोर 1:5,11; 1 पत्रु 1:2; 1 योहन 3:2 30बोर-बोरिन आचता, ओरिन तना अग़दे ताकलाह, केयता वने. बोर-बोरिन केयता, ओरिन सेतेमतोर कीता वने.#3:24 बोर-बोरिन सेतेमतोर कीता, ओरिह्‌क पका मान ईयग़ा वने.#योहन 17:22-23; रोम सहरतोर 9:23

देवुळता गूनमताहि माक बेदे एग़िह कीया पग़वो

31इचानाह वेहचोर वातन, अव सबे पोल्‍लोन ऊळिसि, इंजेके उंदिय पोल्‍लो पेसिह्‌ता: देवुळि मावा तोळ मतेके, मावा विरुदतोर बेच्वुर मतेकाय, माक बाताले आयो!#देवुळताङ पाटाङ 118:6; 1 योहन 4:4 32देवुळि किर्स्तुन मयेनाह्‌क डोललाह वने विळ्सिसीता, वेग़ नावा वग़ोग़े मग़ि इनजोर, विचर वने केवो, अचोन ताना गूनमि!#योहन 3:16; रोम सहरतोर 4:24-25 इतेके तना करल कीस मतपु, इव सबेटविन चिव्टम आयवा, माक निटमे ईयग़ा.#2 कुरिंततोर 6:10 33देवुळिये माक आचिसि सेतेमतोरिर इन्ह्‌ता. इतेके मन्कलोर मावा पोग़ोन कसुर वाटटेकाय, बाताल आयो.#यशायाह 50:8-9; लूकाल 18:7 34पया देवुळि माक सिक्सा ईया पग़यह्‌ताया? आयो, अद्रम बेस्केन केवो!#8:1-2 येसु किर्स्तुये मयेनाह्‌क डोलिस मतोग़. अचोने आयो मति, देवुळि ओन जीवा अर्हचि, तना तिनळ बाजे ओन उदिह कीता.#मार्कल 16:19 ओग़ मावा तोळ मन्जि, अगा मयेनाह्‌क देवुळतुन वळ्ह्‌किह्‌तोग़.#5:10

35-36मुनेन दाविद राजाल सास्त्रमतगा इद्रम रासतोग़:

ए देवुळि! माट नीवा मन्कलोरोम इनजोर, लोकुर माक जर्मिने हव्कलाह ऊळिह्‌तोर.

एर्रेन अस्कलाह ओतप लेह्‌का, माक ओयलाह ऊळिह्‌तोर. # देवुळताङ पाटाङ 44:22; बळयिर 20:24; 1 कुरिंततोर 4:9; 15:30-31; 2 कुरिंततोर 1:9; 4:10; 6:9; 11:23

इनजोर रासतोग़. माक तिपल वावालि,#2 कुरिंततोर 4:8 लोकुरा विरुद वावालि, दुकळ आवालि, गेंदेङ दोर्कोङ आवेस्कु, दोकाता जागातगा मनेलल, लोकुर माक कसेह्‌क-मग़्स्कने हव्केर. इद्रमताङ तिपल्क वातेके, किर्स्तु माक जीवा केवोग़ इनजोर इनदकला? (आयो! ओग़ माक जीवा कीसोरेन मन्ह्‌तोग़.)#2 कुरिंततोर 12:10; इपिसुसतोर 3:18-19

37इव तिपल्क माक वातेक तेला, माक जीवा कीतोग़ु किर्स्तु मावा तोळ मनाह्‌कु,#गलातितोर 2:20; इपिसुसतोर 5:2; तोहचीतव पोल्‍लोङ 1:4-5 माक आरे कीया पग़वोङ, माटे पूरा गेल्सिह्‌नल.#योहन 16:33; 1 कुरिंततोर 15:57 38-39मावा सामि येसु किर्स्तुन मयेनाह्‌क डोललाह लोहचि, माक इचोन जीवा कीता इनजोर, देवुळि तोहता.#5:8 हामुर आयि, पिसमुळ आयि, पोग़ोटाङ देवतुल्क आयिङ, देयह्‌क-बूतह्‌क आयिङ, नेटा रेयि आयि, नाळता आल्सुळ आयि, पेन्क-हानास्क आयिङ, पोग़ोटा बूमतगा ओसो इळ्ता बूमतगा देवुळि पुटिह कीतव बेवे आयिङ, मयगा मनदनद देवुळता गूनमताहि, माक बेवे एग़िह कीया पग़वोङ इनजोर,#इपिसुसतोर 3:18-19; 1 पत्रु 3:22 नना बेस-नेह्‌ना पुतन.

Currently Selected:

रोम सहरतोर 8: माडियाबाय्बल

Highlight

Copy