1 तिसलुनितोर 1

जोहरता पोल्‍लो

1नना पोलुनन, सीलास#1:1 सीलासिन सिलवानुस वने इंदुर. ओसो ओना लोप्पा बळयिरा पुस्तकते 15:22—18:5 इव अद्‍यय्कने अर्वलाह दोर्किह्‌ता. ओसो तिमोति#बळयिर 16:1 , माटु इद सीटटुन मीक तिसलुनि सहरते मनवालोर विस्वसिरा मुडुह्‌क#बळयिर 17:1-4 रासलाह आतोम. मीट देवुळबाबाना संगे, ओसो येसुसामि किर्स्तुना संगे जोळेम आतोरिर, मीक देवुळताहि सुकमि, देय्वा दोर्कि.#रोम सहरतोर 1:6-7

तिसलुनितोर विस्वसिरा ताकमुळि

2-3मीट येसु किर्स्तुन विस्वस कीताह्‌कु, बाताल बाताल कबळ कीतिर, ओसो दुस्रोर विस्वसिरिन जीवा कीताह्‌कु,#गलातितोर 5:6; 1 तिसलुनितोर 3:6; 1 तिमोति 1:13-14; इब्रितोर 6:10 ओरा संगे बह कह्‌टेम कीतिर, अहे ओसो मावा येसुसामि किर्स्तुना पोग़ोन बह मेग़्किस आसा तासतिर इनजोर,#रोम सहरतोर 8:25; 15:4 मावा देवुळबाबाना मुनेह सीता कीसोर मह्‌नोम. ओसो मियेनाह्‌क पार्तना कीयह्‌पा, मीट सबेटोरेनाह्‌क अमेसा देवुळतुन जोहर कीय्ह्‌नोम.#रोम सहरतोर 1:8-9 4-5देवुळि जीवा कीतोर मावोर विस्वसिरिर! येसु किर्स्तुना बेसता कबुरतुन मियगा पोकुर कीतोम अस्के, अद सिरप तोडटा पोल्‍लोय आयो. मति अद कबुरता मेटे, देवुळता जीवा तना लाव तोहता.#रोम सहरतोर 15:13; 1 कुरिंततोर 4:20; 2 कुरिंततोर 6:6 अह आसि, अद कबुर देवुळताहे वाता इन्जि, मीवा पूरा बर्वस मता.#कुलुसितोर 2:1-3 इदिन ऊळिसि, अद मीक तना मन्कलोर आयना इन्जि आचता इनजोर,#2 पत्रु 1:10 माट पुतोम. अदिनेनाह्‌क वने जोहर कीय्ह्‌नोम.

मीट विस्वस कीसि बेद्रमतोरिर आतिर इन्जि, माट ऊळतोम. अद्रमे माट मियगा मनदह्‌पा बेद्रमलेह्‌का ताकतोम, अदिन मीट वने पुतिर;#2:10 मीवा पाय्दातेनाह्‌क माट अद्रम ताकतोम. 6मीट वने येसुन विस्वस कीताह्‌कु, पकाय तिपलते अरतिर. तेला मति देवुळता जीवा, मीक ईतद गिर्दाते, बेसता कबुरतुन नमतिर.#बळयिर 13:52; 2 कुरिंततोर 6:10; गलातितोर 5:22-23 अचोन तिपलते वने, बेसता कबुरतुन नमताह्‌कु, मावा लेह्‌का ओसो सामिना लेह्‌का ताकलाह आतिर.#बळयिर 17:5-10; 1 कुरिंततोर 4:16 7अदिनेनाह्‌क इंजेके मीवा मकिदुनिया पटटोर सबेटोर विस्वसिर, ओसो अकाया पटटोर सबेटोर विस्वसिर, मीक ऊळिस ताकना लेह्‌कान आतिर.#4:10; 1 पत्रु 5:3 8बह इतेके, सामिना पोल्‍लो मियग्डाहिये, ईनाह-आनाह मन्कलोरगा पोकुर आसोर एवता. ओसो मीट देवुळतुन बेद्रम विस्वस कीतिर, अद पोल्‍लो वने पोकुर आता. सिरप मकिदुनिया पटटे ओसो अकाया पटटेन आयो, मति सबे जागाने पोकुर आता.#रोम सहरतोर 1:8; 16:19; 2 तिमोति 2:9 अदिनेनाह्‌क इंजेके, मीवा विस्वसता लोप्पा माक बाताले वेहतलाह गर्ज इले. 9माट मियगा वातोम अस्के, मीट बह माक बेस-नेह्‌ना ऊळतिर,#2:1 ओसो बह पेन-बोमान मोळ्कना विळ्सिसि, जीवात मनदनद निटम देवुळतुन माळलाह, तानेके मिळ्न्दतिर;#बळयिर 14:15; 1 कुरिंततोर 12:2; 1 योहन 5:21 10बह मीट देवुळता मग़ि, तना जागाताहि ओसो वायनद दियातुन, अग़ ऊळसोर मह्‌निर,#मत्याल 16:27; 1 कुरिंततोर 1:5-7; 1 तिसलुनितोर 4:16 इव सबे पोल्‍लोन लोकुर वेहतलाह आतोर. देवुळ जीवा अर्हतोग़ ताना मग़ि येसुये,#बळयिर 2:24 देवुळ ईयनद आक्रिता सिक्साताहि माक पिसिह कीस्तोग़.#रोम सहरतोर 5:9; 1 तिसलुनितोर 2:16; 5:9

Currently Selected:

1 तिसलुनितोर 1: माडियाबाय्बल

Highlight

Copy