कुलुसितोर 4

1माल्कालोरिर! मीक वने देवुळदीपतगा ओर्वोग़ माल्काल मन्ह्‌तोग़ इनजोर, सीता कीम्ह्‌टु. अदिनेनाह्‌क मीवा ओर्युलतोरा संगे सेतेमते ताकाट, मुर्तिय सेट्बेट केवा बेस ऊळाट.#इपिसुसतोर 6:9

पार्तना बह कीयना, साक्सि बह वेहतना

2मीट अमेसा रोमवालेवा पार्तना कीसोर मन्ह्‌टु. बेस बुदते मन्जि, देवुळता बेरा दयातुन सीता कीसोर पार्तना कीम्ह्‌टु.#बळयिर 1:14; इपिसुसतोर 6:18 3अद्रमे ओसो मयेनाह्‌क वने पार्तना कीम्ह्‌टु. किर्स्तुना लोप्पा मन्कलोर मुने पुनवा मंदुर, अद पोल्‍लोतुन पोकुर कीताह्‌कु,#कुलुसितोर 1:25-27; 2:1-3 नना जेलते मह्‌नन.#रोम सहरतोर 16:25 अदे पोल्‍लोतुन सबेटोरिह्‌क माट पोकुर कीयलाहि, देवुळि अग़ तेग़यि इनजोर,#बळयिर 14:27; 2 तिमोति 4:2 पार्तना कीम्ह्‌टु. 4तान पोकुर कीयनद नावा कबळ आंदु, नना तान बेस तेळियनाह, पङ्ने पोकुर कीयना इनजोर, पार्तना कीम्ह्‌टु.#इपिसुसतोर 6:19-20

5किर्स्तुन पुनवोरा संगे मनदह्‌पा, बेस बुदते मन्ह्‌टु.#1 तिसलुनितोर 4:12 ओरिन किर्स्तुना लोप्पा साक्सि वेहतलाह, मीक मोका दोर्कतेके, तान विळ्समाट.#इपिसुसतोर 5:15-16 6मीवा तोडटाङ पोल्‍लोङ अमेसा गूनमताङ, लोकुरिह्‌क विचर वायनव मनिङ. अस्के मीक रीतरीतिनाङ पोल्‍लोङ ताल्ह्‌कवालोरिन, बराबर पोल्‍लोङ मल्हता पग़यकिर.#इपिसुसतोर 4:29; 1 पत्रु 3:15

आक्रिताङ पोल्‍लोङ

7-8तुकिकुस इनवाल#बळयिर 20:4 नयग्डा सबे कबुरतुन मीक वेहतनोग़, ओसो मीवा जीवातुह्‌क दीरा ईयनोग़. अदे कबळतेनाह्‌क ओन मियगा लोहतन.#2:1-3 ओग़ सामिना सेवाते मावा ऐंगेटोग़ ओसो बेस गोततोग़ आंदोग़, अहे बर्वसलायकतोग़ आंदोग़. 9ओना संगे मियग्डोग़ उनेसिमुसिन वने, मियगा लोहतलाह आतन. ओग़ नावा संगे मन्जि, इंजेके बेस बर्वसलायकतोग़ विस्वसि आतोग़, नावा गोततोग़ वने आतोग़.#पिलेमोन 10-16 ओग़ तुकिकुस बार मियगा वासि, इग्डाङ सबे पोल्‍लोन मीक वेहतनुर. 10अरिस्तरकुस#बळयिर 19:29 नावा संगे जेलते मन्ह्‌तोग़. ओग़ मीक जय येसु इन्ह्‌तोग़. बार्नबसना कुटुमतोग़ मार्कल वने,#बळयिर 12:12; 2 तिमोति 4:9-11 मीक जय येसु इन्ह्‌तोग़. (नना मीक मुनेन वेहतप लेह्‌का, मार्कल मियगाह्‌क वातेके, ओन बेस ऊळाटु.) 11युसतुस येसु इनवाल वने, मीक जय येसु इन्ह्‌तोग़. देवुळता राजेमता कबुरतुन पोकुर कीयनद कबळते, वेर मुवुरे यहुदि विस्वसिर नावा संगे सेवा कीस्तोर. वेर नावा संगे मनाह्‌कु, नावा जीवातुह्‌क पका दीरा वास्ता. 12मियग्डोग़ इपपरास, येसु किर्स्तुना सेवक आंदोग़, इंजेके नावा संगे मन्ह्‌तोग़.#1:6-8; पिलेमोन 23 ओग़ वने मीक जय येसु इन्ह्‌तोग़. मीट विस्वसते मेग़्किस मनदना, देवुळि मियेनाह्‌क तासिस मतव पोल्‍लोन मीट बेस-नेह्‌ना पुनदना, देवुळताङ विचर्किन पूरा पुन्जि, अद्रमलेह्‌का ताकना इनजोर,#1:28 अमेसा आरेम आयवा मियेनाह्‌क पार्तना कीस्तोग़.#रोम सहरतोर 15:30-31; याकुब 1:4 13मियेनाह्‌कु, ओसो लोदिकियातोर विस्वसिरेनाह्‌कु,#2:1-3 ओसो हियरापुलिसतोर विस्वसिरेनाह्‌कु, ओग़ पका कह्‌टेम कीयलाह आतोग़. इद पोल्‍लोता साक्सि नना मह्‌नन. 14नावा गोततोग़ डाक्‍टर लूकाल ओसो देमस#2 तिमोति 4:9-11; पिलेमोन 24 इगा मन्ह्‌तोर. ओर वने मीक जय येसु इन्ह्‌तोर.

15लोदिकियातोर विस्वसिरिन ओसो नुंपान, अहे ताना लोतगा जमा आयवालोर विस्वसिरा मुडुन,#रोम सहरतोर 16:5 नयेनाह जय येसु वेहाट. 16इह केंजाट. इद सीटटुन मीट अर्वतापया, तेन लोदिकिया सहरतोर विस्वसिरिह्‌क लोहचि, अगा वने अर्वलाह वेहाट.#1 तिसलुनितोर 5:27 मीट बार लोदिकियातोर विस्वसिरा मुडुह्‌क,#2:1-3 नना लोहतद सीटटुन ताल्ह्‌काटु. ताल्ह्‌किसि तान मीवा कुलुसितोर विस्वसिरगा अर्वलाह वेहच केंजाट. 17ओसो अरकिपुसिन#पिलेमोन 1-2 इद्रम वेहाटु: “सामि नीवा कयदे ईतद सेवातुन मारिह कीमु,”#2 तिमोति 4:5 इनजोर वेहाट. 18इंजेके नना पोलुनन, नावाय कयदे मीक जय येसु इनजोर#1 कुरिंततोर 16:21 रासलाह आतन.#4:18 इचानाह पोलु वेहतव पोल्‍लोनु, दुस्रोग़ रासिंदोग़. नना जेलते मह्‌नन इनजोर सीता कीसि, नयेनाह्‌क पार्तना कीम्ह्‌टु.#इब्रितोर 13:3 देवुळि मीक देय्वा ईयि.#1 तिमोति 6:21; तीतुस 3:15

Currently Selected:

कुलुसितोर 4: माडियाबाय्बल

Highlight

Copy