1 कुरिंततोर 9

किर्स्तुनाङ बळयिरा अदिकर

1किर्स्तु मीक कीतप लेह्‌का, नाक वने उगसताङ अडोनाहि विळ्सिह केवोग़ा? नना किर्स्तुना बळयिनन आयोना?#बळयिर 14:3; रोम सहरतोर 1:1; 2 कुरिंततोर 12:12; 1 तिसलुनितोर 2:6-7; 1 तिमोति 2:7; 2 तिमोति 1:11 #9:1 इद सीटटे कुरिंततोर विस्वसिर पोलुन ताल्ह्‌कतव पोल्‍लोनु, ओग़ मल्हतह्‌तोग़. पोलु तना काग़्हतनद कबळतेनाह्‌क, मयग्डाहि कोताङ एनोग़ इतेके, ओनगा बळयिना अदिकर इले बहे, इनजोर कुरिंततोर इंदुर. मावा येसुसामिन ऊळतोनन आयोना?#बळयिर 9:1-7,17; 22:14; 1 कुरिंततोर 15:8 सामि नावा मेटे कबळ कीताह्‌कु, मीट नयग्डाहि येसुना कबुर केंजिसि, विस्वसिर आतिर.#बळयिर 18:1-11; 1 कुरिंततोर 3:6 2(नना मियगा किर्स्तुना बळयि आस वाताह्‌के, मीट इंजेके सामिना संगे जोळेम आतिर.) अदिनेनाह्‌क मीट नावा कबळता सीनालेह्‌कान मह्‌निर. अदिह्‌क दुस्रोर नाक किर्स्तुना बळयि इनजोर इनवेकाय, मियेनाह्‌क तेला नना किर्स्तुना बळयिनने.#2 कुरिंततोर 3:2 3मति (किर्स्तुना बळयिना लेह्‌का केवोन इनजोर,) नाक उच्वुर पर्ह्‌किस ऊळलाह आस्तोर. ओरिन नना इद्रम पोल्‍लो मल्हतह्‌नन, बेस केंजाट: 4माट मीवा नडुम सेवा कीताह्‌कु, मावा पिसना-पिसवग़ता जबब्दर मियगा इलेया?#1 तिसलुनितोर 2:9; 2 तिसलुनितोर 3:7-9 5अद्रमे किर्स्तुनाङ दुस्रोर बळयिर, सामिनाङ तमोर,#मत्याल 12:46 पत्रु, वेर बेक अतेकाय तमाङ मुतेस्किन, ऐंगे ओयना लेह्‌कान, विस्वसि मुतेन पोस वेलियलाहि, माक वने अदिकर मन्ह्‌ता.#7:7-8 6कबळ केवालेवा मियगा उदिस तिनदलाह नना, बार्नबस, सिरप माक इर्वुरिह्‌के अदिकर इलेया? (मीक बेसता कबुरतुन पोकुर कीयलाहि, मावाङे कोताङ बाराह्‌क कर्सा केवेरोम?) 7सीपय कबळ केवाल मन्कल, तनाङे कोताङ कर्सा कीसि, अद कबळ कीस्तोग़ा? लका ओग़्सतोग़ु, अग्डाङ पंडिङ तिनवा मनदनोग़ा?#व्यवस्थाविवरण 20:6; बुदताङ पोल्‍लोङ 27:18 कोंदाङ-एर्रेङ अय केवाल, अविस्कना पाल उनवा मनदनोग़ा? 8नना सिरप मन्कलोरा विचरतेन वेहोन;#गलातितोर 1:11 9मोसानाङ अडोनगा वने इदे पोल्‍लो रासतद मन्ह्‌ता: विसनद कोंदा कळातगा विसिह्‌पा तिनि,#व्यवस्थाविवरण 25:4; 1 तिमोति 5:18 इनजोर रासतद मन्ह्‌ता. सिरप कोंदानेनाह्‌क देवुळि इद पोल्‍लो वेहो. 10मयेनाह्‌क वने इद पोल्‍लो वेहतह्‌ता.#रोम सहरतोर 4:23-25 वीतवालोर मन्कलोर ओसो विसवालोर मन्कलोर, अनम तिनदकन इनजोरेने, आसा कीसोर तमा कह्‌टेम कीस्तोर.#2 तिमोति 2:6 अद्रम किर्स्तुना कबळ केवालोर वने, बोर मन्कलोरगा सेवा कीस्तोर, ओरा कयदे तिनदनद आसातेने कबळ कीस्तोर.

11 (बूमतगा वंजिङ वीतना लेह्‌कान,) मीवा जीवातगा विस्वसताङ पोल्‍लोन वीततोम. इतेके ताना बद्ला, मीट माक पंटा इनजोर कोताङ ईस तोळ ईकिर इनजोर ऊळतोम.#रोम सहरतोर 15:27; गलातितोर 6:6 इद बह मीक मोतालेह्‌का मन्ह्‌ताया? 12किर्स्तुनाङ दुस्रोर सेवकिर मीवाङ कोतान तिनदलाह, मावा अदिकर मन्ह्‌ता इन्ह्‌तोर. ओर अद्रम आस्तोर इतेक, ओरिह्‌काय वीळिसि माक पकाय अदिकर मन्ह्‌ता. तेला मति मीवाङ कोताना अग़ ऊळिस मनोम.#बळयिर 18:3; 20:33-35; 2 कुरिंततोर 12:13; पिलिपितोर 4:17 किर्स्तुना बेसता कबुरतुन नमलाह एग़्कुळ आयनदायो इनजोर, माट सबे तिपल्किन आपिसि, केमेन मह्‌नोम.#2 कुरिंततोर 6:3; 11:12

13इह केंजाट, यहुदिरा मंदिरता सेवा केवालोर बूमयालोरिह्‌क ओसो वडेरिह्‌क, मोक ईतद ओसो कोड वाटटद मादग्डाहिये, तमा पिसवग़तुह्‌क दोर्किह्‌ताङ इनजोर पुतिरे!#लैव्यव्यवस्था 6:16,26; 7:6,31-35; गिनती 5:9-10; 18:8-19,31; व्यवस्थाविवरण 18:1 14अद्रमलेह्‌काने किर्स्तुना बेसता कबुरतुन पोकुर केवालोरिह्‌क, अद कबुरतुन केंजिसि विस्वस केवालोर तीहतना इनजोर, सामिना उकुम मन्ह्‌ता.#मत्याल 10:10; लूकाल 10:7 15(नाक तीहाट इनजोर मीक वेहतलाह,) नाक अदिकर मन्ह्‌ता. मति नना इचानाह बोने अद्रम इनोन. इंजेक मन्कलोर नाक तीहिर इनजोर वने, इव पोल्‍लोङ रासोन.#बळयिर 18:3; 20:33-35(कोताङ एनवालेवा सामिना कबळ कीतन इनजोर,) नना निटम पोग़यसोर तिरियलाह आतन. बोग़ाय नना पोग़यनद पोल्‍लोतुन मायिह कीयना बद्ला, नना डोलतेक तेला बेसु.#2 कुरिंततोर 11:10

16किर्स्तुना बेसता कबुरतुन पोकुर कीयलाह आतन इनजोर, नना पोग़यसोर तिरिय पग़वोन. अद कबळतुन देवुळि नावा पोग़ोन वाटटा, नाक तान कीयाय पोयह्‌ता.#बळयिर 9:15; रोम सहरतोर 1:14 केवेक अचोन देवुळि नाक पकाय सिक्सा ईयग़ा. 17नना नावा विचरते बेसता कबुरतुन वेहतना इतेके, नाक बूत दोर्कालि.#3:8 मति इद कबळतुन देवुळि नावा कयदे कीसीता.#4:1; गलातितोर 2:7; इपिसुसतोर 3:2; कुलुसितोर 1:25 अदिनेनाह्‌क नाक विचर वावेक वने, इद कबळतुन कीयाय पोयह्‌ता. 18पया नावा बूत बातालि? नावा अदिकरतुन पोहचि, किर्स्तुना बेसता कबुरतुन पुनेमते पोकुर कीय्ह्‌नन इन्जि, नाक पोग़यलाह दोर्किह्‌ता. अदे नावा बूति.#बळयिर 18:3; 20:33-35; 2 कुरिंततोर 11:7; 12:13

बेसता कबुरतासाटि पोलु बेद्रम पिसिह्‌तोग़?

19नना कोताङ एनवाह्‌कु, बोनाये ओर्युलतोनन आयोन. तेला मति वेल्‍लाटोर मन्कलोरिन किर्स्तुनगा ततनेनाह्‌क, सबेटोर मन्कलोरेनाह्‌क ओर्युलतोना लेह्‌कान आतन.#10:28-30; 2 कुरिंततोर 4:5; गलातितोर 5:13 20नावा ऐंगेटोर यहुदिरा संगे मनदह्‌पा, ओर कीयना लेह्‌कान कीय्ह्‌नन. मोसानाङ अडोने ताकवालोरा संगे मनदह्‌पा, नना वने अव अडोना लेह्‌कान कीय्ह्‌नन. नाक इतेक अडोन नोमवेक वन बार आयो,#गलातितोर 2:19 मति ओरिन किर्स्तुनगा ततनेनाह्‌क, नना वने ओरा लेह्‌कान कीय्ह्‌नन. 21मोसानाङ अडोन नोमवोरु#रोम सहरतोर 2:12-15 यहुदि आयवोरा संगे मनदह्‌पा, नना वने ओरिन किर्स्तुनगा ततनेनाह्‌क, मोसानाङ अडोन पुनवप लेह्‌कान मह्‌नन. देवुळताङ अडोन पास्कोन, मति निटम किर्स्तुनाङ अडोन माळिह्‌नन.#गलातितोर 6:2 22पोहचीतप मनवालोर मन्कलोरिन किर्स्तुनगा ततलाहि, नना ओरा लेह्‌कान आतन. बह आयि, उच्वुर तेला पिसिर इन्जि, बोर बह मन्ह्‌तोर, अहलेह्‌काने नना वन आतन.#रोम सहरतोर 11:14; 15:2; 2 कुरिंततोर 11:29; गलातितोर 4:12; 2 तिमोति 2:10 23बेसता कबुर मतपु नावा ताकमुळ आयि इनजोर, बेसता कबुरतासाटि सबे कीय्ह्‌नन.

24कग़्सनगा वेल्‍लाटोर मन्कलोर कग़्सलाहि दास्तोर, मति गेल्सवाह्‌के इनम दोर्किह्‌ता इनजोर पुतिर. मीट वने देवुळताहि इनम एतना लेह्‌कान पिसाट.#पिलिपितोर 3:14; 2 तिमोति 4:7; इब्रितोर 12:1 25कग़्सनगा गेल्सवालोरिह्‌कु, आकिने पंडटद सोबाता गीळि केग़्‍पिह कीस्तोर. अद वतनव आकिने पंडटद आंदु. तान दोर्किह कीयलाहि, ओर तमाङ मेंदुस्किन आव्रे कीस ताकिह्‌तोर.#2 तिमोति 2:5 माट बारा बेस्केन वाग़वद गीळता इनम दोर्किह कीय्ह्‌नल.#2 तिमोति 4:8; याकुब 1:12; 1 पत्रु 5:4; तोहचीतव पोल्‍लोङ 2:10; 3:11 26अदिनेनाह्‌क नना सीनातगा एवयकन इन्जि, जिदते वितिह्‌नन.#2 तिमोति 4:7; इब्रितोर 12:1 निसान लेवगा एसवाना लेह्‌का आयोन.#9:26 निसान लेवगा एसवाना लेह्‌का आयोन “नना चुकिस मुट्काङ एवोन,” इद्रम मोदुल कागिदते रासतद मन्ह्‌ता. #1 तिमोति 6:12 27मति दुस्रोरिह्‌क पोकुर केवानन नाके देवुळि इनम एवा मनमाकि इनजोर, नना कुदतुन आव्रे कीसि, बेसता कबुरतुन पोकुर कीयनद सेवा बेस आयना इन्जि, नावा मेंदुलतुन कय इळ्न तासिह्‌नन.#रोम सहरतोर 8:13

Currently Selected:

1 कुरिंततोर 9: माडियाबाय्बल

Highlight

Copy