2 Timotius Tentang kitab ini
Tentang kitab ini
Sapa yang tulis surat ini: Paulus yang tulis surat ini. Ini juga, Paulus pu surat paling trakir yang de tulis seblum de mati. Surat ini de tulis waktu de dalam penjara di Roma trus dong su kas tetap untuk mo hukum de mati (4:6-7). Waktu tulis surat ini Raja Besar Nero ada brusaha kas hilang ajaran Kristen di Roma trus de siksa orang sunggu-sunggu punya.
Surat ini untuk sapa: Ini surat kedua untuk Timotius. Di surat ini Paulus anggap Timotius sperti de pu anak (1:2) deng sperti de pu teman kerja yang setia (Roma 16:21). Dong dua pu hubungan dekat memang, trus Paulus de juga percaya Timotius. Itu yang, de ada minta Timotius untuk pi liat de di Roma nanti (4:9, 21). Waktu Timotius trima surat ni de masi ada di Efesus. (1:18 4:19).
Knapa Paulus tulis surat ini: Karna Paulus tau kalo Timotius ni de biasa malu-malu trus ada kena susa deng masala. Itu yang, Paulus de kas smangat deng kas ingat Timotius tentang sayang deng de pu doa-doa (1:1-18). Paulus kas ingat Timotius untuk jaga liat supaya jang sampe ajaran Kristus tacampur deng ajaran dari guru-guru palsu yang su masuk dalam jemaat (2:17-18). Trus karna de tau kalo orang-orang Kristen biasa dapa tekan deng dapa siksa dari orang-orang yang tra percaya, jadi de kas ingat Timotius untuk harus siap tanggung susa deng sengsara waktu kerja tugas-tugas yang Tuhan kasi de kerja (2:1-13).
Currently Selected:
2 Timotius Tentang kitab ini: MPapua
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.