Waroma 9
9
Kilaga cha Israeli hakinagwile
1Kristo kavimanya nolonga ihoko wala silonga utungulu; avo moyo wangu uvitanga vinilonga, onisindila muna Iloho Ingʼalile. 2Ninago manyululuko bwando, masungu haganyamala mmoyo. 3Kwa kilumbo cha ndugu zangu wanileligwe nao, nghala nimpula Mulungu niduwilwe, nisegezigwe kumwake Kristo.
4Viyemela wawo Waisraeli, iwo wana wagolelwe iyenzi na lagano, Inzuma na nhambiko senhambo igambile ya ihoko, na kibetelo. 5Walawile uhenga kwa akina tata, mumo yaleligwe Kristo kwa kimunhu, Heyo yabanzile magweka gose iyo Mulungu Mwene kutambikilwa digunge na digunge, Amina.
6Dinilonga ijo dino, Kilaga cha Mulungu hakigwile; kwa mzoko si lukolo lose lwa Israeli iwo wasaguligwe. 7Hebu si wose mlelo wa Abrahamu iwo wana wayeka, komu yandikigwa, Kulawa Isaka wokemigwa mlelo wako. 8Si wana wa lukuli wagambile wana wa Mulungu, bali waja wana wa kija ikilaga wopetigwa kamba uwo mlelo! 9Kwa mzoko longa da ikilaga ijo dijo, Kikomo kikino mwaka okwiza vondanize, baho Sara hondayawe na kinghele cha kimbigalo.
10Si gago gayeka, bali na Rebeka viyamalile kusola inda kwa mkasano imonga, na heyo yuyo Isaka tata wetu; 11kalongelwa vivo aho, iwana tanhu hawanaleligwa, hawanasanghana ganogile hebu gehile, giladi divikizwe dayasagule Mulungu; si kilumbo cha sanghano, bali kilumbo cha lukemo lwa Mulungu, 12Rebeka kalongelwa, Yuja imkulu komsanghanila mdodo wake. 13Kamba viyandikigwe, Nimnogela Yakobo, bali Esau mwihila.
Hala ja muumvi; viya vya lusango na vya bazi
14Avo kabili tulongeze? Mulungu kana uponela? Aka sivivo! 15Kwa mzoko kamulongela Mose, Nommotela heyo yonda motele, nomonela bazi heyo yonda mbonele bazi. 16Kamba ihawa hivo, kulonda kwa munhu siko, na yuja yokiyoha siyo, bali Mulungu mwene bazi iyo yosanghana.
17Kwa mzoko Jandiko dimulongela Farao, Nikwika gweye giladi nilavilize mhiko zangu kumwako, na twaga jangu dibwililiswe muisi yose. 18Avo Mulungu komonela bazi iyogesa, kabili komtenda mgaga iyogesa. 19Mmanye koniuza, Vilihi Mulungu viyotunanga, kilumbo kuduhu munhu yodaha kugomesa goyolonda? 20Gomiyangu, uli gani nagweye, ulonda kwiibamilila na Mulungu? Che, kuna kiya kidahile kumulongela muumvi wake, mbona kunisanghana vino? 21Che, muumvi hadaha kuumba ulongo kamba viyolonda; tonge dihawa dimwe, hadaha kuumba lwenza luno kuno kiya kinogile, na lwenza luyagwe kihile? 22Vilize, ihawa Mulungu kolonda kulaviliza lusango lwake, kuno yolagila mhiko zake, avo kwa nyazaganyo bwando kuwazaganya waja wagambile viya vya lusango, visanghanizwe vyangamile. 23Giladi yaibwililise iyenzi yake ili bwando kumwawo wagambile viya vya bazi jake, kaweka wayone iyenzi yake.
24Katukema na tweye hivo si Waisraeli wayeka, komu wanhu wose. 25Kamba viyalongile mmulomo wa Mlaguzi Hosea,
Nowakema waja wakalile si lukolo lwangu wagalamke wanhu wangu,
kabili waja wakalile siwanogele, kwiza niwalongele, Nimnogelani.
26Kabili aho hawalongelwe, Mweye si walukolo lwangu, bahaja wokemigwa Wanage Mulungu Yali na Upile.
27Na heyo Yesaya kawalonga Waisraeli, kuno yowakalalila,
Viyemela Waisraeli wawe bwando kamba misenga mhwani, awaja wonda wahone hondawawe bwando;
28Kilumbo Mulungu kokiyoha kwiduganya mpeto wa isi zose, yadivikize Longa jake.
29Vivija Yesaya viyalongile umwaka,
Magana Mwene madale kamba hatusigazile lukolo ludodo,
tuhagambile na Sodoma, tuhagalamka kamba Gomora.
30Avo tulongeze? tulonge vino, Wanhu waja hawazahila kupetwa mwihoko, wenghigwa ihoko kwa kumtamanila Mulungu. 31Komu Waisraeli viyemela wawinzile ihoko mwinzuma, hawaiwene. 32Kiwemile choni? Walonda kupetwa muli ihoko si kwa nhamanilo, bali kwa nzila ya misanghano yawo, waikwala muna idibwe ja kwikwalila. 33Kamba viyandikigwe,
Lola nodika himo Sayuni dibwe da kwibwengeza, na tumbawe ja kwikwalila;
munhu yonda yaditogole, honda yagwe kinyala.
Currently Selected:
Waroma 9: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
Waroma 9
9
Kilaga cha Israeli hakinagwile
1Kristo kavimanya nolonga ihoko wala silonga utungulu; avo moyo wangu uvitanga vinilonga, onisindila muna Iloho Ingʼalile. 2Ninago manyululuko bwando, masungu haganyamala mmoyo. 3Kwa kilumbo cha ndugu zangu wanileligwe nao, nghala nimpula Mulungu niduwilwe, nisegezigwe kumwake Kristo.
4Viyemela wawo Waisraeli, iwo wana wagolelwe iyenzi na lagano, Inzuma na nhambiko senhambo igambile ya ihoko, na kibetelo. 5Walawile uhenga kwa akina tata, mumo yaleligwe Kristo kwa kimunhu, Heyo yabanzile magweka gose iyo Mulungu Mwene kutambikilwa digunge na digunge, Amina.
6Dinilonga ijo dino, Kilaga cha Mulungu hakigwile; kwa mzoko si lukolo lose lwa Israeli iwo wasaguligwe. 7Hebu si wose mlelo wa Abrahamu iwo wana wayeka, komu yandikigwa, Kulawa Isaka wokemigwa mlelo wako. 8Si wana wa lukuli wagambile wana wa Mulungu, bali waja wana wa kija ikilaga wopetigwa kamba uwo mlelo! 9Kwa mzoko longa da ikilaga ijo dijo, Kikomo kikino mwaka okwiza vondanize, baho Sara hondayawe na kinghele cha kimbigalo.
10Si gago gayeka, bali na Rebeka viyamalile kusola inda kwa mkasano imonga, na heyo yuyo Isaka tata wetu; 11kalongelwa vivo aho, iwana tanhu hawanaleligwa, hawanasanghana ganogile hebu gehile, giladi divikizwe dayasagule Mulungu; si kilumbo cha sanghano, bali kilumbo cha lukemo lwa Mulungu, 12Rebeka kalongelwa, Yuja imkulu komsanghanila mdodo wake. 13Kamba viyandikigwe, Nimnogela Yakobo, bali Esau mwihila.
Hala ja muumvi; viya vya lusango na vya bazi
14Avo kabili tulongeze? Mulungu kana uponela? Aka sivivo! 15Kwa mzoko kamulongela Mose, Nommotela heyo yonda motele, nomonela bazi heyo yonda mbonele bazi. 16Kamba ihawa hivo, kulonda kwa munhu siko, na yuja yokiyoha siyo, bali Mulungu mwene bazi iyo yosanghana.
17Kwa mzoko Jandiko dimulongela Farao, Nikwika gweye giladi nilavilize mhiko zangu kumwako, na twaga jangu dibwililiswe muisi yose. 18Avo Mulungu komonela bazi iyogesa, kabili komtenda mgaga iyogesa. 19Mmanye koniuza, Vilihi Mulungu viyotunanga, kilumbo kuduhu munhu yodaha kugomesa goyolonda? 20Gomiyangu, uli gani nagweye, ulonda kwiibamilila na Mulungu? Che, kuna kiya kidahile kumulongela muumvi wake, mbona kunisanghana vino? 21Che, muumvi hadaha kuumba ulongo kamba viyolonda; tonge dihawa dimwe, hadaha kuumba lwenza luno kuno kiya kinogile, na lwenza luyagwe kihile? 22Vilize, ihawa Mulungu kolonda kulaviliza lusango lwake, kuno yolagila mhiko zake, avo kwa nyazaganyo bwando kuwazaganya waja wagambile viya vya lusango, visanghanizwe vyangamile. 23Giladi yaibwililise iyenzi yake ili bwando kumwawo wagambile viya vya bazi jake, kaweka wayone iyenzi yake.
24Katukema na tweye hivo si Waisraeli wayeka, komu wanhu wose. 25Kamba viyalongile mmulomo wa Mlaguzi Hosea,
Nowakema waja wakalile si lukolo lwangu wagalamke wanhu wangu,
kabili waja wakalile siwanogele, kwiza niwalongele, Nimnogelani.
26Kabili aho hawalongelwe, Mweye si walukolo lwangu, bahaja wokemigwa Wanage Mulungu Yali na Upile.
27Na heyo Yesaya kawalonga Waisraeli, kuno yowakalalila,
Viyemela Waisraeli wawe bwando kamba misenga mhwani, awaja wonda wahone hondawawe bwando;
28Kilumbo Mulungu kokiyoha kwiduganya mpeto wa isi zose, yadivikize Longa jake.
29Vivija Yesaya viyalongile umwaka,
Magana Mwene madale kamba hatusigazile lukolo ludodo,
tuhagambile na Sodoma, tuhagalamka kamba Gomora.
30Avo tulongeze? tulonge vino, Wanhu waja hawazahila kupetwa mwihoko, wenghigwa ihoko kwa kumtamanila Mulungu. 31Komu Waisraeli viyemela wawinzile ihoko mwinzuma, hawaiwene. 32Kiwemile choni? Walonda kupetwa muli ihoko si kwa nhamanilo, bali kwa nzila ya misanghano yawo, waikwala muna idibwe ja kwikwalila. 33Kamba viyandikigwe,
Lola nodika himo Sayuni dibwe da kwibwengeza, na tumbawe ja kwikwalila;
munhu yonda yaditogole, honda yagwe kinyala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.