Waroma 8
8
Inzuma ya iloho vonda ihume mzinghuli zetu
1Avo haduhu kabili nhaguso ya wanhu wali hamonga na Kristo Yesu, walemaga kukoleleza ga kimunhu, wagogaga ga kiloho. 2Kilumbo nzuma ya kiloho iyo yene upile kumwake Kristo Yesu, inghombola niye muutumwa wa nzuma ya matozo ganghomile. 3Viyemela Inzuma ilemelwa kusanghana kilumbo cha kunyeka kwa nghuli za kimunhu, avo Mulungu kasanghana haja hayamgalile Mwanage mwenyecho; keza mwene lukuli lwa matozo kamba twetwe, kailava muhanga kilumbo cha matozo getu, kagaliha matozo mulukuli lwa kimunhu. 4Giladi malangulizo ga Inzuma gavikizwe kumwetu twetwe, vilema hatugendelela kimunhu, komu kiloho. 5Kilumbo wagambile kimunhu, wagesaga magweka ga kimunhu, awaja wagambile kiloho, wawalangaga ga kiloho. 6Kileka ngelegeza za kimunhu zigalaga kifo, bali ngelegeza za kiloho zigalaga upile na mulengemo. 7Kwa mzoko uja umuwalango wa kimunhu umwihilaga Mulungu, kabili haulonda kuidumba Inzuma ya Mulungu, kilumbo haudaha kuigoga. 8Waja wakoleleza lukuli hawadaha kumnogeza Mulungu.
9Bali mweye si wa kimunhu, komu wa kiloho, ihawa Loho ya Mulungu iwakalila mmiyoyo; ayuja yali bule Loho ya Kristo, hamgamba Kristo. 10Komu Kristo yahawakalila mmiyoyo, viyemela nghuli zenu zidanganike kilumbo cha matozo, bali loho zenu zina upile kwa kupetelwa ihoko. 11Ihawa Loho ya Yuja yamzusile Yesu kulawa kwa wafile, ihakala mmwenu, avo yuja yamzusile Kristo Yesu, kozihindula nghuli zenu zino zolaga, kozibweza muugima kwa mhiko za Loho yake imkalileni mmoyo.
Uhalali wa nghomboka, kuno topulilwa na iloho
12Avo mwandugu, twamduhu muna didenyi ja nghuli zetu za kimunhu, kukoleleza kimunhu. 13Kilumbo muhagendelela kimunhu, modanganika; bali muhagakoma masanghano ga nghuli zenu za kimunhu kwa mhiko za Loho, mogalamka wapile. 14Na waja wose wolongozwa na Loho ya Mulungu, wawo wanage Mulungu. 15Vilema hamwinghigwe kabili loho ya kinyakadala, mgogwe na bwembwe; bali mgwelelwa Loho ya kiwana, iyo itulangukiza kupula, Aba! (Go Tata wetu). 16Hiyo Loho yake iyo izisindila loho zetu kamba tweye wanage Mulungu. 17Komu tuhawa wana, avo tugalamka wahazi, ona twa wahazi wa Mulungu, wonda wenghigwe uhalali hamonga na Kristo; kamba tuhagaduswa hamonga na Heyo, kwiza totunilwa hamonga na Heyo.
18Kilumbo nogesa kamba kugazwa kuno kwa siku zino za sambi si kinhu, tuhagamba na ija iyenzi yonda tugubulilwe tweye. 19Kwa mzoko viumbigwe vyose vololela nghani, vosulukila kugubulilwa kwa wana wa Mulungu. 20Kilumbo viumbigwe vyose vikigwa vyole, si kwa manogelwa gawo wenyego, bali kwa giladi jake Heyo yavikile hivo, kavingha kibetelo. 21Kileka viumbigwe navo vokomboligwa kulawa muutumwa wa kuja ukola, giladi vingile mulungwana wa wanage Mulungu uli wa iyenzi.
22Kwa mzoko tuvitanga kamba viumbigwe vyose vabaha hamonga na tweye, vogugumka vokinyanyanha, vokona usungu na dilelo. 23Kabili sivivo viliyeka, bali na tweye wenyego tumalile kwinghigwa uja umulimbu wa Loho, togugumka mmiyoyo, kuno tobeta kugalulwa wana, kugamba iyo nghombolwa ya nghuli zetu; kilumbo tukomboligwa giladi tukibete chonda kize. 24Bali kija kibetigwa kihoneka, sicho ichalizilo; kilumbo hijo munhu diyokona, kodibetaze? 25Avo dituleka kujona tuhadibeta, todisungilila, kuno tufunya umoyo.
26Viyemela Iloho na Heyo kotutaza tweye tunyekile, kilumbo hamtangile kupula kamba vija vigambile; kileka Loho mwenyecho yotupulila, kamba tuhainyanyanha, haduhu kitulonga. 27Bali Mulungu yaitangile imiyoyo kagamanya gaja Loho goyolonda, kilumbo yopulila wangʼalile kwa Mulungu kugamba manogelwa gake.
Kihumo munzila ya nogelo da Yesu ditwimiliza
28Avo tuvitanga kamba kumwawo wene kumnogela Mulungu magweka gose gowataza kuwagolela ganogile; awo wayakemile, kawekila kulawa umwaka. 29Kawamanya umwaka hewo wayasagule umwaka, wagambe kihanga kimwe na Mwanage, giladi yawe Mwanamkulu muna uukwele wa ndugu zake bwando. 30Na waja wayasagule umwaka, iwo wawo wakemigwe; na waja wayakemile, iwo wawo wapetigwe mwihoko; na waja wayapetile mwihoko, iwo wawo watunizwe.
31Gano gose mduganye vilihi? Nogesa Mulungu yahawa umwambu wetu, yalihi yonda yatuhume? 32Hamonele bazi Mwanage mwenyecho, komu kamulava kwa kilumbo chetu tweye chose; avo honda yatugolele gose kumwake? 33Yalihi yonda yawadununze wasagulwe wa Mulungu? Mulungu mwenyecho kowapeta mwihoko. 34Yalihi yonda yawataguse? Kristo Yesu kabaho yafile, kabanzile higo kazuka, kakuko ukulume kwa Mulungu, yotupulila tweye. 35Yalihi yonda yatubagule na nogelo jake Kristo? Migaduko hebu mibabano, kuwingigwa hebu nzala hebu ukulunge, kuhonzigwa hebu kukomwa? 36Vivo viyandikigwe,
Kwa kilumbo chako gweye tokomigwa mazuwa gose,
topetigwa kamba nghondolo wogenda kusikwa.
37Bali muna gamagweka higo gose tobanza kuhuma kwa mhiko zake Heyo yatunogele. 38Kilumbo dino nidihuguza, haduhu chonda kitubagule na Kristo, vihawa kifo hebu upile, wahawa malaika hebu watawala, gahawa ga dilelo hebu gondageze ga mhiko, 39zihawa mbuli za uchana kuulanga hebu za hasi kuzimu, vihawa viumbigwe vose viyagwe, kuduhu chonda kidahe kutubagula tweye na unovu wa Mulungu, ulawile kwa Kristo Yesu Mndewa wetu.
Currently Selected:
Waroma 8: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
Waroma 8
8
Inzuma ya iloho vonda ihume mzinghuli zetu
1Avo haduhu kabili nhaguso ya wanhu wali hamonga na Kristo Yesu, walemaga kukoleleza ga kimunhu, wagogaga ga kiloho. 2Kilumbo nzuma ya kiloho iyo yene upile kumwake Kristo Yesu, inghombola niye muutumwa wa nzuma ya matozo ganghomile. 3Viyemela Inzuma ilemelwa kusanghana kilumbo cha kunyeka kwa nghuli za kimunhu, avo Mulungu kasanghana haja hayamgalile Mwanage mwenyecho; keza mwene lukuli lwa matozo kamba twetwe, kailava muhanga kilumbo cha matozo getu, kagaliha matozo mulukuli lwa kimunhu. 4Giladi malangulizo ga Inzuma gavikizwe kumwetu twetwe, vilema hatugendelela kimunhu, komu kiloho. 5Kilumbo wagambile kimunhu, wagesaga magweka ga kimunhu, awaja wagambile kiloho, wawalangaga ga kiloho. 6Kileka ngelegeza za kimunhu zigalaga kifo, bali ngelegeza za kiloho zigalaga upile na mulengemo. 7Kwa mzoko uja umuwalango wa kimunhu umwihilaga Mulungu, kabili haulonda kuidumba Inzuma ya Mulungu, kilumbo haudaha kuigoga. 8Waja wakoleleza lukuli hawadaha kumnogeza Mulungu.
9Bali mweye si wa kimunhu, komu wa kiloho, ihawa Loho ya Mulungu iwakalila mmiyoyo; ayuja yali bule Loho ya Kristo, hamgamba Kristo. 10Komu Kristo yahawakalila mmiyoyo, viyemela nghuli zenu zidanganike kilumbo cha matozo, bali loho zenu zina upile kwa kupetelwa ihoko. 11Ihawa Loho ya Yuja yamzusile Yesu kulawa kwa wafile, ihakala mmwenu, avo yuja yamzusile Kristo Yesu, kozihindula nghuli zenu zino zolaga, kozibweza muugima kwa mhiko za Loho yake imkalileni mmoyo.
Uhalali wa nghomboka, kuno topulilwa na iloho
12Avo mwandugu, twamduhu muna didenyi ja nghuli zetu za kimunhu, kukoleleza kimunhu. 13Kilumbo muhagendelela kimunhu, modanganika; bali muhagakoma masanghano ga nghuli zenu za kimunhu kwa mhiko za Loho, mogalamka wapile. 14Na waja wose wolongozwa na Loho ya Mulungu, wawo wanage Mulungu. 15Vilema hamwinghigwe kabili loho ya kinyakadala, mgogwe na bwembwe; bali mgwelelwa Loho ya kiwana, iyo itulangukiza kupula, Aba! (Go Tata wetu). 16Hiyo Loho yake iyo izisindila loho zetu kamba tweye wanage Mulungu. 17Komu tuhawa wana, avo tugalamka wahazi, ona twa wahazi wa Mulungu, wonda wenghigwe uhalali hamonga na Kristo; kamba tuhagaduswa hamonga na Heyo, kwiza totunilwa hamonga na Heyo.
18Kilumbo nogesa kamba kugazwa kuno kwa siku zino za sambi si kinhu, tuhagamba na ija iyenzi yonda tugubulilwe tweye. 19Kwa mzoko viumbigwe vyose vololela nghani, vosulukila kugubulilwa kwa wana wa Mulungu. 20Kilumbo viumbigwe vyose vikigwa vyole, si kwa manogelwa gawo wenyego, bali kwa giladi jake Heyo yavikile hivo, kavingha kibetelo. 21Kileka viumbigwe navo vokomboligwa kulawa muutumwa wa kuja ukola, giladi vingile mulungwana wa wanage Mulungu uli wa iyenzi.
22Kwa mzoko tuvitanga kamba viumbigwe vyose vabaha hamonga na tweye, vogugumka vokinyanyanha, vokona usungu na dilelo. 23Kabili sivivo viliyeka, bali na tweye wenyego tumalile kwinghigwa uja umulimbu wa Loho, togugumka mmiyoyo, kuno tobeta kugalulwa wana, kugamba iyo nghombolwa ya nghuli zetu; kilumbo tukomboligwa giladi tukibete chonda kize. 24Bali kija kibetigwa kihoneka, sicho ichalizilo; kilumbo hijo munhu diyokona, kodibetaze? 25Avo dituleka kujona tuhadibeta, todisungilila, kuno tufunya umoyo.
26Viyemela Iloho na Heyo kotutaza tweye tunyekile, kilumbo hamtangile kupula kamba vija vigambile; kileka Loho mwenyecho yotupulila, kamba tuhainyanyanha, haduhu kitulonga. 27Bali Mulungu yaitangile imiyoyo kagamanya gaja Loho goyolonda, kilumbo yopulila wangʼalile kwa Mulungu kugamba manogelwa gake.
Kihumo munzila ya nogelo da Yesu ditwimiliza
28Avo tuvitanga kamba kumwawo wene kumnogela Mulungu magweka gose gowataza kuwagolela ganogile; awo wayakemile, kawekila kulawa umwaka. 29Kawamanya umwaka hewo wayasagule umwaka, wagambe kihanga kimwe na Mwanage, giladi yawe Mwanamkulu muna uukwele wa ndugu zake bwando. 30Na waja wayasagule umwaka, iwo wawo wakemigwe; na waja wayakemile, iwo wawo wapetigwe mwihoko; na waja wayapetile mwihoko, iwo wawo watunizwe.
31Gano gose mduganye vilihi? Nogesa Mulungu yahawa umwambu wetu, yalihi yonda yatuhume? 32Hamonele bazi Mwanage mwenyecho, komu kamulava kwa kilumbo chetu tweye chose; avo honda yatugolele gose kumwake? 33Yalihi yonda yawadununze wasagulwe wa Mulungu? Mulungu mwenyecho kowapeta mwihoko. 34Yalihi yonda yawataguse? Kristo Yesu kabaho yafile, kabanzile higo kazuka, kakuko ukulume kwa Mulungu, yotupulila tweye. 35Yalihi yonda yatubagule na nogelo jake Kristo? Migaduko hebu mibabano, kuwingigwa hebu nzala hebu ukulunge, kuhonzigwa hebu kukomwa? 36Vivo viyandikigwe,
Kwa kilumbo chako gweye tokomigwa mazuwa gose,
topetigwa kamba nghondolo wogenda kusikwa.
37Bali muna gamagweka higo gose tobanza kuhuma kwa mhiko zake Heyo yatunogele. 38Kilumbo dino nidihuguza, haduhu chonda kitubagule na Kristo, vihawa kifo hebu upile, wahawa malaika hebu watawala, gahawa ga dilelo hebu gondageze ga mhiko, 39zihawa mbuli za uchana kuulanga hebu za hasi kuzimu, vihawa viumbigwe vose viyagwe, kuduhu chonda kidahe kutubagula tweye na unovu wa Mulungu, ulawile kwa Kristo Yesu Mndewa wetu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.