Waroma 12
12
Nhambiko ya isambi; hala ja lukuli na vilungo
1Mwandugu, nomzumani kwa kilumbo cha bazi kulu diyatwonele Mulungu, mulave nghuli zenu, ziwe nhosa zingʼalile za nhambiko zili na ugima, zonda zimnogeze Mulungu; ako kumsanghanila Mulungu kuwe na lutondo! 2Sukumkole mzoko wa ulumwengu uno, komu muhinduke, mwinghigwe ngelegeza za isambi, mgamanye Mulungu goyolonda ganogile, gomnogeza gaiduganye!
3Kwa mzoko viningwelelwe mhome ya utumigwa, nomzuma kila imonga yali kumwenu, sekeyaidundule mwenyecho kubanza vigambile kugesa; komu ibwezeni hasi, kamba Mulungu viyamlinganye kila munhu muli zinhamanilo zake. 4Kilumbo kamba vija mulukuli lumwe vimuli vilungo bwando, bali vilungo vyose havisanghana kinhu kimwe; 5avo vivo na tweye tuli bwando twa lukuli lumwe, kwa mzoko twa wanhu wa Kristo, twa vilungo kila munhu na miyage.
6Avija tweye twinghigwa magolelo bwando; kileka tusa-nghane navyo kila munhu kamba viyagwelelwe; uhawa ulonzi wa Mulungu, tuulave widuganye na nhamanilo yetu! 7Ihawa kusanghanila didale, tugangamale mumo; yahawa mulangukizi, yagoge malangulizo! 8Mwene kuzuma yagoge kuzuma; mwene kugola yagole na moyo ungʼalile; yahawa mwimilizi, nayagangamale kusanghana; mwene kutaza wayagwe nayaimozemoze!
Nogelo senhambo dihume kamba mingheya ya umoto
9Kwinogela kuwe bule uzenzeleganye; gehileni gaja gehile, gananahileni gaja ganogile! 10Mwinogele kindugu, kuno mwilongoza kwa kuitegeleza mwemwe kwa mwemwe! 11Mwiyohe kusanghana, muwe bule ukoka, mgangamale mloho zenu, kuno mtumikila Mndewa! 12Dengheleleni kibetelo chenu; mwazaganye migaduko; basilizeni kupula! 13Laveni msango muwataze waja wanahina wogaya; wobita nzila wabokeleni! 14Watambikileni womgazani; watambikileni goya, sukumuwadumilize! 15Limbwiteni hamonga na waja wolimbwita; lileni hamonga na waja wolila! 16Duganyeni ngelegeza zenu mwemwe kwa mwemwe; sukumwitopele, komu mvumile sanghano ndodo! 17Sukummulihe munhu gehile; teganyeni vonda muwanogeze wanhu wose! 18Vihadahika mweye kaleni tindiwalo hamonga na wanhu wose! 19Mweye mnogelwe, sukumwilihile gehile, bali mwinege na lusango lwa Mulungu, kwa mzoko yandikigwa, Magana kalonga, Lihizo ijo jangu, Niye nene yondaniwalihile.
20Komu mndumu wako yahawa na nzala, mwinghe mandiya; yahawa na nghilu, mwinghe mazi yangʼwe; uhatenda hivo, komuhalila mingheya ya moto mditwi jake. 21Sikuuhumwe na higo gehile, bali gehile ugahume kwa higo ganogile!
Currently Selected:
Waroma 12: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
Waroma 12
12
Nhambiko ya isambi; hala ja lukuli na vilungo
1Mwandugu, nomzumani kwa kilumbo cha bazi kulu diyatwonele Mulungu, mulave nghuli zenu, ziwe nhosa zingʼalile za nhambiko zili na ugima, zonda zimnogeze Mulungu; ako kumsanghanila Mulungu kuwe na lutondo! 2Sukumkole mzoko wa ulumwengu uno, komu muhinduke, mwinghigwe ngelegeza za isambi, mgamanye Mulungu goyolonda ganogile, gomnogeza gaiduganye!
3Kwa mzoko viningwelelwe mhome ya utumigwa, nomzuma kila imonga yali kumwenu, sekeyaidundule mwenyecho kubanza vigambile kugesa; komu ibwezeni hasi, kamba Mulungu viyamlinganye kila munhu muli zinhamanilo zake. 4Kilumbo kamba vija mulukuli lumwe vimuli vilungo bwando, bali vilungo vyose havisanghana kinhu kimwe; 5avo vivo na tweye tuli bwando twa lukuli lumwe, kwa mzoko twa wanhu wa Kristo, twa vilungo kila munhu na miyage.
6Avija tweye twinghigwa magolelo bwando; kileka tusa-nghane navyo kila munhu kamba viyagwelelwe; uhawa ulonzi wa Mulungu, tuulave widuganye na nhamanilo yetu! 7Ihawa kusanghanila didale, tugangamale mumo; yahawa mulangukizi, yagoge malangulizo! 8Mwene kuzuma yagoge kuzuma; mwene kugola yagole na moyo ungʼalile; yahawa mwimilizi, nayagangamale kusanghana; mwene kutaza wayagwe nayaimozemoze!
Nogelo senhambo dihume kamba mingheya ya umoto
9Kwinogela kuwe bule uzenzeleganye; gehileni gaja gehile, gananahileni gaja ganogile! 10Mwinogele kindugu, kuno mwilongoza kwa kuitegeleza mwemwe kwa mwemwe! 11Mwiyohe kusanghana, muwe bule ukoka, mgangamale mloho zenu, kuno mtumikila Mndewa! 12Dengheleleni kibetelo chenu; mwazaganye migaduko; basilizeni kupula! 13Laveni msango muwataze waja wanahina wogaya; wobita nzila wabokeleni! 14Watambikileni womgazani; watambikileni goya, sukumuwadumilize! 15Limbwiteni hamonga na waja wolimbwita; lileni hamonga na waja wolila! 16Duganyeni ngelegeza zenu mwemwe kwa mwemwe; sukumwitopele, komu mvumile sanghano ndodo! 17Sukummulihe munhu gehile; teganyeni vonda muwanogeze wanhu wose! 18Vihadahika mweye kaleni tindiwalo hamonga na wanhu wose! 19Mweye mnogelwe, sukumwilihile gehile, bali mwinege na lusango lwa Mulungu, kwa mzoko yandikigwa, Magana kalonga, Lihizo ijo jangu, Niye nene yondaniwalihile.
20Komu mndumu wako yahawa na nzala, mwinghe mandiya; yahawa na nghilu, mwinghe mazi yangʼwe; uhatenda hivo, komuhalila mingheya ya moto mditwi jake. 21Sikuuhumwe na higo gehile, bali gehile ugahume kwa higo ganogile!
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.