Waroma 11
11
Mulungu hanalema lukolo lwake
1Avo nouza, che, Mulungu kawalema waja wa lukolo lwake? Aka bule; kilumbo na niye na Muisraeli, waulelwa wa Abrahamu, wa kilagwa cha Benyamini. 2Mulungu hawalemile walukolo lwake luyatambule iho umwaka; vilihi hamgesa dija Jandiko diyolonga haja Eliya hayamlilile Mulungu kwa kilumbo cha Waisraeli? 3Kalonga,
Mndewa, walaguzi wako wawakoma,
wahatula hose haukukutambikila;
nisigale nene niliyeka, avino upile wangu wouzahila nawo, wausole.
4Komu Mulungu kamwidikaze?
Niwasigaza wanhu elfu Saba walemile kumfugamila Baali mavindi.
5Avo vivo na dilelo sigazo dabaho disaguligwe na uholo wa Mulungu. 6Komu wahagolelwa uja uholo, sicho kitumetume cha sanghano zawo; kamba sivivo, bazi hisambidiwe bazi.
7Avo vokuwaze? Gaja Waisraeli gawazahile, hawagapatile, komu wene kusaguligwa wagapata wayeka; waja wayagwe wageligwa ugaga mmiyoyo 8kamba viyandikigwe,
Mulungu kawengha loho ya utulo na meso hagalola,
na magutwi hagahulika na dilelo.
9Na heyo Daudi kalonga,
Uhondo wawo ugaluke matanzi na mitego wanamate,
giladi walihilwe matozo gawo.
10Meso gawo na gawe ziza sikuwalole,
na migongo yawo iveduke mazuwa gawo gose!
11Avino nouza, che, waikwala giladi wagwe fofofo? Aka bule; komu kugwa kwawo kuwagalila wamhazi uhonelo, na hewo wenyego wadinghulwe, wawonele migongo walilingwa. 12Avo kugwa kwawo kuhaugalila ulumwengu magolelo bwando, kabili kuhumwa kwawo kuhawagalila walilingwa magolelo bwando, che, aho vondawabwele wose, avo gaja gamagolelo honda gabwagale?
Hala ja matambi gabenigwe, walilingwa sekewetopele
13Nolonga namwe mweye walilingwa niye, vinili mtumigwa wa walilingwa, niutunize utumigwa wangu. 14Hivo nogesa kuwadinghula mmoyo ndugu zangu wa kimunhu, niwalongoze muuhonelo yumwe yumwe. 15Viyemela kwasigwa kwa Waisraeli kuko kuduganyika kwa ulumwengu na Mulungu, che, kubokelwa Waisraeli hondakuwe kuzuka kwa wafile? 16Ihawa mulimbu wa mgate ulavigwe nhosa, avo mgate wose wokuwa ungʼalile vivo; na Sina da biki dihawa hangʼalile, matambi nago gokuwa vivo.
17Komu kamba matambi gayagwe gabenigwe gasegezwa, imala gweye uli biki ja mdalanzi, uhanganywe hanhu hawo mdisima dija, ugolelwa ululu wa uja mzungwa. 18Sikuwitopele gaja gamatambi; komu uhaitopa, uvimanye kamba si gweye udingha disina zimhiko, bali sina dijo dikwingha mhiko gweye!
19Mmanye kolonga, Gamatambi gaja gabenelwa nene, na niye ningizwe! 20Wona, vinoga; gabeneke mumuja, kilumbo galema kumvumila Mulungu; agweye konanahila muja kwa mhiko za kumvumila Mulungu; avo sikuwitakame, bali udumbe! 21Kwa mzoko Mulungu kamba hawonele bazi waja Waisraeli, matambi ga umwaka, na gweye hondayakonele bazi. 22Avo himo ulole bazi na lusango lwa Mulungu; lusango lwakuko kwa waja wagwile, bali kumwako gweye dakuko bazi da Mulungu, uhabasiliza kudikalila; kamba sivivo, na gweye kokanhwa. 23Na waja wogeligwa kabili, kamba hawabasilize kulema nhamanilo, kilumbo Mulungu kodaha kuwagela mumuja kabili. 24Lola gweye kulawa muna umdalanzi, kukanhigwa himo, kugeligwa muna umzungwa, na muja si sina jako; avo waja walawile mumuja, kuna ugaga gani kuwengiza kabili muna umzungwa wawo wenyecho?
25Mowandugu, nolonda muutange goya mzungu uno, giladi sukumwigese wenyego kamba mkalagala; Waisraeli wayagwe wengila ugaga mmiyoyo, kikomo walilingwa wengile kuvikiliza mpeto wa Mulungu. 26Vivo Israeli lose vonda lukombolwe, kamba viyandikigwe,
Muja Sayuni kolawilila Muhonya wanhu;
iyo Yondayawagalule mlelo wa Yakobo waleke uponela.
27Najo lagano dinitenda nawo ijo dino, Nogasegeza matozo gawo.
28Avo vuwaulemile Usenga Unogile, wagalamka wandumu kwa kilumbo chenu; bali kwa vija vuwasagulwe umwaka, na dilelo wonogelwa kwa kilumbo cha tata zawo. 29Kwa mzoko Mulungu hahindula magolelo gake hebu lukemo lwake.
30Viyemela mweye walilingwa, mumlemile Mulungu, avino sambi monelwa bazi kilumbo cha waja Waisraeli walemile. 31Vivija hewo sambi wadilema, kilumbo mweye vumonelwe bazi; kwiza na hewo wokonelwa bazi vivija. 32Kwa mzoko Mulungu kawaduganya wose kamba wafungigwe mmatozo, giladi yawonele bazi wose.
Nghungwe za Mulungu zitogolwe hose hose
33Loleni fiyuko na nghungwe za Mulungu vizibwagale; vitala vyake havidahika kugelegezwa, na nzila zake hazinyalukilagwa. 34Kilumbo
yalihi yatambule viyagesaga Magana,
hebu yalihi yekile mzengwe na Heyo?
35Hebu yalihi yanduse kumwingha kinhu, yalihigwe viyagwe?
36Kilumbo gose galawa kumwake, gatendigwa na Heyo, kabili gobwela kumwake; Heyo yatunizwe digunge kwa digunge, Amina.
Currently Selected:
Waroma 11: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
Waroma 11
11
Mulungu hanalema lukolo lwake
1Avo nouza, che, Mulungu kawalema waja wa lukolo lwake? Aka bule; kilumbo na niye na Muisraeli, waulelwa wa Abrahamu, wa kilagwa cha Benyamini. 2Mulungu hawalemile walukolo lwake luyatambule iho umwaka; vilihi hamgesa dija Jandiko diyolonga haja Eliya hayamlilile Mulungu kwa kilumbo cha Waisraeli? 3Kalonga,
Mndewa, walaguzi wako wawakoma,
wahatula hose haukukutambikila;
nisigale nene niliyeka, avino upile wangu wouzahila nawo, wausole.
4Komu Mulungu kamwidikaze?
Niwasigaza wanhu elfu Saba walemile kumfugamila Baali mavindi.
5Avo vivo na dilelo sigazo dabaho disaguligwe na uholo wa Mulungu. 6Komu wahagolelwa uja uholo, sicho kitumetume cha sanghano zawo; kamba sivivo, bazi hisambidiwe bazi.
7Avo vokuwaze? Gaja Waisraeli gawazahile, hawagapatile, komu wene kusaguligwa wagapata wayeka; waja wayagwe wageligwa ugaga mmiyoyo 8kamba viyandikigwe,
Mulungu kawengha loho ya utulo na meso hagalola,
na magutwi hagahulika na dilelo.
9Na heyo Daudi kalonga,
Uhondo wawo ugaluke matanzi na mitego wanamate,
giladi walihilwe matozo gawo.
10Meso gawo na gawe ziza sikuwalole,
na migongo yawo iveduke mazuwa gawo gose!
11Avino nouza, che, waikwala giladi wagwe fofofo? Aka bule; komu kugwa kwawo kuwagalila wamhazi uhonelo, na hewo wenyego wadinghulwe, wawonele migongo walilingwa. 12Avo kugwa kwawo kuhaugalila ulumwengu magolelo bwando, kabili kuhumwa kwawo kuhawagalila walilingwa magolelo bwando, che, aho vondawabwele wose, avo gaja gamagolelo honda gabwagale?
Hala ja matambi gabenigwe, walilingwa sekewetopele
13Nolonga namwe mweye walilingwa niye, vinili mtumigwa wa walilingwa, niutunize utumigwa wangu. 14Hivo nogesa kuwadinghula mmoyo ndugu zangu wa kimunhu, niwalongoze muuhonelo yumwe yumwe. 15Viyemela kwasigwa kwa Waisraeli kuko kuduganyika kwa ulumwengu na Mulungu, che, kubokelwa Waisraeli hondakuwe kuzuka kwa wafile? 16Ihawa mulimbu wa mgate ulavigwe nhosa, avo mgate wose wokuwa ungʼalile vivo; na Sina da biki dihawa hangʼalile, matambi nago gokuwa vivo.
17Komu kamba matambi gayagwe gabenigwe gasegezwa, imala gweye uli biki ja mdalanzi, uhanganywe hanhu hawo mdisima dija, ugolelwa ululu wa uja mzungwa. 18Sikuwitopele gaja gamatambi; komu uhaitopa, uvimanye kamba si gweye udingha disina zimhiko, bali sina dijo dikwingha mhiko gweye!
19Mmanye kolonga, Gamatambi gaja gabenelwa nene, na niye ningizwe! 20Wona, vinoga; gabeneke mumuja, kilumbo galema kumvumila Mulungu; agweye konanahila muja kwa mhiko za kumvumila Mulungu; avo sikuwitakame, bali udumbe! 21Kwa mzoko Mulungu kamba hawonele bazi waja Waisraeli, matambi ga umwaka, na gweye hondayakonele bazi. 22Avo himo ulole bazi na lusango lwa Mulungu; lusango lwakuko kwa waja wagwile, bali kumwako gweye dakuko bazi da Mulungu, uhabasiliza kudikalila; kamba sivivo, na gweye kokanhwa. 23Na waja wogeligwa kabili, kamba hawabasilize kulema nhamanilo, kilumbo Mulungu kodaha kuwagela mumuja kabili. 24Lola gweye kulawa muna umdalanzi, kukanhigwa himo, kugeligwa muna umzungwa, na muja si sina jako; avo waja walawile mumuja, kuna ugaga gani kuwengiza kabili muna umzungwa wawo wenyecho?
25Mowandugu, nolonda muutange goya mzungu uno, giladi sukumwigese wenyego kamba mkalagala; Waisraeli wayagwe wengila ugaga mmiyoyo, kikomo walilingwa wengile kuvikiliza mpeto wa Mulungu. 26Vivo Israeli lose vonda lukombolwe, kamba viyandikigwe,
Muja Sayuni kolawilila Muhonya wanhu;
iyo Yondayawagalule mlelo wa Yakobo waleke uponela.
27Najo lagano dinitenda nawo ijo dino, Nogasegeza matozo gawo.
28Avo vuwaulemile Usenga Unogile, wagalamka wandumu kwa kilumbo chenu; bali kwa vija vuwasagulwe umwaka, na dilelo wonogelwa kwa kilumbo cha tata zawo. 29Kwa mzoko Mulungu hahindula magolelo gake hebu lukemo lwake.
30Viyemela mweye walilingwa, mumlemile Mulungu, avino sambi monelwa bazi kilumbo cha waja Waisraeli walemile. 31Vivija hewo sambi wadilema, kilumbo mweye vumonelwe bazi; kwiza na hewo wokonelwa bazi vivija. 32Kwa mzoko Mulungu kawaduganya wose kamba wafungigwe mmatozo, giladi yawonele bazi wose.
Nghungwe za Mulungu zitogolwe hose hose
33Loleni fiyuko na nghungwe za Mulungu vizibwagale; vitala vyake havidahika kugelegezwa, na nzila zake hazinyalukilagwa. 34Kilumbo
yalihi yatambule viyagesaga Magana,
hebu yalihi yekile mzengwe na Heyo?
35Hebu yalihi yanduse kumwingha kinhu, yalihigwe viyagwe?
36Kilumbo gose galawa kumwake, gatendigwa na Heyo, kabili gobwela kumwake; Heyo yatunizwe digunge kwa digunge, Amina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.