II VA KORINDO 13
13
1Yilo oyo onjanja yatatu njiya kokuene. Ondaka ondaka oku kolapo te luvangi wolombangi vivali pamue vitatu. 2Eci nda kaile lene kepasulo liange liavali ndo sapuili okuti ava va linga ekandu si kala lavo lohenda. Cilo, osimbu sia pitilile kokuene, mopia vali ndeci nda popele ale. Eci njiya vali, vosi va linga akandu si va tetuluila lulelu, 3omo vu yongola ondimbukiso yokuti ame muẽle mopia nda mitakati ya Kristu. Eye ka pekengua okuti o vu tetuluila lulelu, puãi nda o kasi vovitima viene, o kuete oloholo via lua. 4Momo eye wa valeliwa kekulusu loku pekengua, cilo puãi o kasi lomuenyo mekonda liunene wa Suku, Oco, ndaño etu tua pekengua ndeci eye a pekenguele, haimo eci tu vu tetuluila, vu limbuka okuti tu kasi lomuenyo ndeci eye a kasi lomuenyo mekonda liunene wa Suku.
5Liseteki ene muẽle nda hẽ vu kasi ocili vekolelo. Linyiki muẽle. Ka wa limbukili nga okuti Yesu Kristu o kasi vokati kene? Nda hacoko, wa pi koseteko yene. 6Ñasi lelavoko okuti ndomo etu ka tua pile koseteko yaco ci limbukiwa ocili lene. 7Puai tu likutilila ku Suku okuti ene ko lingi cĩvi, haku lekisako okuti etu tua yovoka, te okuti ene vu linga esunga, ndaño ci moleha okuti mbi etu tua ci lembua. 8Momo ka tu tẽla oku yaka leci cocili, te oku yakela eci cocili. 9Momo etu tu sanjukila okupekengua kuetu nda ene vu pama. Eci tu likutilila ceci okuti wamamiko. 10Oco, osimbu ñasi okacivanja lene, olondaka evi ndi vi sonehela okuti, eci ñala lene leci nalavaya lomoko ya nyiha Ñala, si kala lukãlu. Omoko Ñala a nyiha omoko yoku tunga, hayoku papululako.
11Oco, a vamanji, sanjuki. Penguluisi olonjila viene. Yevi kondaka yange. Kuati utima umosi. Kali lombembua, kuenje Suku yocisola lombembua o kala lene. 12Lilami pokati lesipulo li kola. 13Olosandu viosi vio lami.
14Ocali ca Ñala Yesu Kristu, locisola ca Suku, longongela ye Espiritu Sandu, yi kale lene vosi. Amene.
Currently Selected:
II VA KORINDO 13: EMB63
Highlight
Share
Copy
Want to have your highlights saved across all your devices? Sign up or sign in
Umbundu Bible © United Bible Societies, 1963.
