Jona 3
3
Ekadimwelu kʼEtema kʼAsi Niniva
1Diui dia Latuyalaka diakayi le Jona lʼetena ka hendi ati: 2Unela, utshu lʼusumba a wuki uku wa Niniva. Utasambishaka esambishelu keku kakamakudjangela. 3Ku Jona akunela, akatshu la Niniva uku diui dia Latuyalaka. Mete, Niniva aki usumba a wuki waheyama, yediko ya lokendo la nshi shatu. 4Jona akatatela mboto lʼusumba lokendo la lushi otoi, akahangohango, akati ati: Nshi akumi anei tshu mbambutshikala dia Niniva nanyema. 5Asi Niniva waketawo Unyashungu. Vo tshe, wa waki ndu wa tshitshe, wakakili mbu ya nde, wakalote akutu.#3:5 Mat. 12:41; Luk. 11:32.
6Lukumu lako lakakumi le khumʼekanga ka Niniva. Ku ndi akunela uma lu kiti kandi ka diulelu. Ndi akakulula dihondo diandi, akalote dikutu, akadjase lʼutuku. 7Ndi akati diui dia mbidja umbeka la nyanganya lukumu la Niniva, uma lu didjangu dia khumʼekanga la dihangamendi diandi ati: Untu kuyanga nyama, ngombe kuyanga okoko, tawunganelaki nduku yango. Vo tawolekaki ma kuyanga no ashi. 8Keli ndu antu ndu nyama walote akutu, waleleli Unyashungu wulu. Vo tshe, untu lʼuntu akaluli uma lu mbuka kandi ka kolo, ndu uma lu akambu wa ngala weli lʼanya andi. 9Akona eya kana Unyashungu hukadimo, holemba utema ndu humo kele kandi ka wulu, diaha shu mvo?
10Unyashungu akenyi etsha awo uku akawakalula uma lu mbuka kawo ka kolo. Ndi akalembe utema lu kolo kakandati dia mbatshela, ndi kunkitsha.
Currently Selected:
Jona 3: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
