Jeremiya 28
28
Hananiya Ambuta Akambu Wahatayi wa Kashi
1Lu eleku kako, lʼetatelu ka diulelu dia Zedekiya,#28:1 2 Khum. 24:18-20; 2 Ek. 36:11-13. khumʼekanga ka Juda, lʼeleku ka nei lu ngondo ka tanu, Hananiya, onʼa umvutshi Azura, usi Ngibiyona, akamvutela dimi Jeremiya lu luudu la Latuyalaka la ntundu ka elombedi lʼantu tshe ati: 2Latuyalaka Kanga lulimbilimbi, Unyashungu wa Isariyele, kata ati: Dimi lambowela lokoho la khumʼekanga ka Babilona! 3Dimi layukaluya diango diʼulimu tshe dia luudu la Latuyalaka diakose Nebukadineza, khumʼekanga ka Babilona, uma lu lihuli ne, diakandatole utsha la Babilona la ntundu ka deku pendi diatakuki. 4Dimi layukaluya ndu Jekoniya, onʼa Jehoyakima, khumʼekanga ka Juda, kame la asi Juda wakatolama lu fumbi, ne dia dimi lutsha mbokola lokoho la khumʼekanga ka Babilona, mbata Latuyalaka.
5Umvutshi Jeremiya akakaluya umvutshi Hananiya diui la ntundu ka elombedi la antu tshe wakemadi lu luudu la Latuyalaka, 6akati ati: Ayali osoku! Latuyalaka katshi osoku. Ndi katshi uku aui wutshiye dia nkaluya diango diʼulimu dia luudu la Latuyalaka, lʼantu tshe wakatolama lu fumbi utsha la Babilona uya lu dihuli ne. 7Keli ulungi diui ne, diayangami nkutela we lʼantu tshe nti: 8Amvutshi waki la ntundu kami ndu la ntundu kaye lu nshi yʼedjedja, wakataka akambu wahatayi wa ta, wa ndjala ka kasha, ndu wʼelandu lu dikambu dia wedja efula la waulelu a waki. 9Naka umvutshi ambuta akambu wahatayi wa ki, ku aui andi wambushidiyama, keti antu mbeya vati: Unyashungu kakutumi. 10Umvutshi Hananiya akanya lokoho uma lu kingu ka umvutshi Jeremiya, akalokola. 11Hananiya akatela antu tshe ati: Latuyalaka kata ati: Ukuku mbayumokola lokoho la Nebukadineza, khumʼekanga ka Babilona, uma lu kingu ya wedja la ntundu ka deku pendi diatakuki. Ku umvutshi Jeremiya akatshu.
12Lamʼakokola umvutshi Hananiya lokoho laki lu kingu ka umvutshi Jeremiya, diui dia Latuyalaka diakayi le Jeremiya ati: 13Utshu, ututeli Hananiya wati: Latuyalaka kata ati: Lavunyutshela koho ya mbulu lu dihuli dialo. 14Dimi lambudja wedja ene tshe lokoho la lu wulu lu kingu yawo, dia vo ndjala lʼokongo wa Nebukadineza, khumʼekanga ka Babilona, ku vo wayulambulaka elambu. Dimi lambuwusha ndu nyama ya lʼukunda, mbata Latuyalaka Kanga lulimbilimbi, Unyashungu wa Isariyele. 15Ku umvutshi jeremiya akatela umvutshi Hananiya ati: Hananiya, ulungi! Latuyalaka kunkutuma, keli we ambekamia wudja one lu aui wa kashi. 16Diako mbata Latuyalaka ati: Uki, dimi layukunya uma la diku dia kete. We ayuvo lu eleku kene, ne dia we akati aui wa ntombokwelami, dimi Latuyalaka. 17Ku umvutshi Hananiya akavu lu eleku kako lu ngondo kʼesambeli.
Currently Selected:
Jeremiya 28: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
