Isaya 62
62
1Ne dia ngandji ka Siona
mbahamolembohala,
Ne dia ngandji ka Jerusalema,
mbahamumuya,
Edja ndu eyindjelu kandi kambenama
uku usasi,
La panda kandi uku uwa waheta.
2Wedja wayenda eyindjelu kaye,
La khumi ya dikanga tshe wayenda
lutumbu laye,
Ku we ayetama lukumbu lʼuyuyu
layukole Latuyalaka.
3We ayuyala dembo dia kusu lu lunya
la Latuyalaka,
Ee, lufule la diulelu lu lunya la Unyashungu
aye.
4We hayetama osekami ntu,
Ndu wudja aye hawetama elanyelu ntu.
We ayetama ongenongeno ami, la
wudja aye utshukami,
Ne dia Latuyalaka atongenangenaka
dikambu diaye,
Okone wudja aye ayuyala la umi ntu.
5Uku atutshukaka olongo a pami
usekaseka a umuntu,
Osoku mbayukutshuka anʼaye
wʼapami.
Uku atongenangenaka utshuki
dikambu dia utshukami,
Osoku mbayongenangenaka
Unyashungu aye dikambu diaye.
6We Jerusalema, dimi lakakitsha elami
ladiku dia peli diaye.
Vo hawutshikala ki ndu la yanyi ndu
lʼutshu.
Nyu wane watuhulaka Latuyalaka,
tanyumuyaki!
7Tanyuwushaki mumuya,
Edja ndu ndi ambushikike Jerusalema,
Edja ndu ndi ambuyete engo ka nemo.
8Latuyalaka akedia lunya landi la
pami la wulu;
Akatshibi la etambi kandi ka wulu ati:
Dimi handjusha atunyi aye mbu yaye
ya nde ntu,
Asi wedja hawuyono wanu aye
wakayatshi.
9Wane wakakambi mbu ya nde,
wayuyile,
Ku wayandula Latuyalaka.
La wane wakahini elua, wayono ashi
awo
Lu aseke wʼetemwelo kami.
10Nyutumbi la suku, nyutumbi dia
ntolongoswela antu mbuka.
Nyolongosole esese, nyutedia afuku,
nyunya ave.
Nyedia ekuhu ka koi ladiku diʼantu.
11Enda, Latuyalaka ambudianganya
diui pulu ndu la kuma ya kete ati:
Nyuteli ona umuntu Siona nyati:
Enda, panda kaye uyayi kame la
difutu diandi,
La diango diandi dia lukahu
diambuwetela la ntundu.#62:11 Is. 40:10; Eny. 22:12.
12Vo wayuwaeta vati: Wudja wʼekila,
Atshungwami wa Latuyalaka.
Ku vo wayuketa we vati: Uyangemi,
usumba wahasekama.
Currently Selected:
Isaya 62: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
