Isaya 57
57
Isariyele Wambanyema ne Dia Otemwelo wa Dikishi
1Untu ololo avo, ku nduku untu
ladja yimba lu dikambu diako.
Akanga wa ketshi watunyemaka,
ku nduku lakana ati:
Untu ololo ambunyema la ntundu
kʼelanyelu.
2Ndi amboto lu dihuli dia ki.
Antu wʼololo watukundjaka mumuya
lu mbetu yawo.
3Keli nyu, ana wa umuntu kanga doka,
Diuhu dia kanga munanyi ndu dia
unyimba kanga luseka, nyusukani.
4Akona asokanyu? Akona asenyu
enyo? Akona aletwenyu nimi?
Aha ana wa kolo mbenyu la diuhu
diʼakanga a kashi uka?
5Aha nyu mbatuyakimoka lʼotemwelo
wa dikishi,
La tshina dia utamba tshe wʼuyuyu,
Mbatudiakaka ana lʼekidi, lu weuku
wʼave uka?
6Lʼatei ave wa lokolonga wa lukidi keli
esonwelo kanyu,
Ee, vo weli etenyi kanyu ka sangu.
Nyu nyatuwalambulaka elambu,
Nyatuwatelaka elambu wa lutela.
Undi, dimi mbeyaka nembohala lu
dikambu diako?
7Lʼote wʼukungu wʼutali kakanyakitsha
tangi yanyu,
Ndu leko katunyumbelaka la
ntulambula elambu.
8Nyu nyakakitsha euhwelu kanyu
lʼedia lukuki ndu lʼedia dikoho.
Nyu nyakanseke, nyakatuyakimo
lʼotemwelo ukina.
Nyu nyakakokola etema anyu,
Nyakadji la dikishi diako sheki.
Nyakangenangena lʼotemwelo adio.
9Nyu nyakatshu le khumʼekanga
La iso la diango diʼupumu efula,
Nyakatumi akendji anyu etali,
Pulu ndu lʼUdimu a Pengandu.
10Nyu nyakalembe lu lokendo lanyu.
Nyu kumvuta nyati: Tambuheko.
Nyakakundja wulu wʼuyuyu,
mbakinyu kunkita balakata.
11Akanyukia woma dia nyu mvuta
kashi?
Akanyusakia lukumba diaha nyu
mbuhomi
La diaha nkana yimba lu dikambu
diami?
Lamʼakamayakimela edja,
Undi, nyu nyakambuki woma?
12Layutaka dia ololo anyu la etsha
anyu,
Keli akambu aku hawuyala waho le nyu.
13Lamʼalelanyu, dikishi dianyu
mbeyaka nyutshungula uka?
Efufelu ka luwi kayudinya,
Ku lopepe layudiemba dio tshe.
Keli one latuyangaka eshamelu le mi,
Ayuyala kanga wudja, ayukita ndu
ukungu ami wʼekila.
14Diui diayutama ati:
Nyati osese, nyolongosole, nyutedia
afuku,
Nyunya utamba wa ntakanya lu
mbuka ka wudja ami,
15Ne dia KhumʼUlungu, kanga edjaselu
ka pundju
Ndu kanga lukumbu lʼekila, kata ati:
Dimi layudjase ladiku lu dihuli
diʼekila,
Kame la kanga utema wambate ndu
wa ndjakitshakitsha,
Dia mbulula lumu la kanga
ndjakitshakitsha
La nkikitsha kanga utema wambate.
16Dimi hatudjaka lʼuntu tamu pundju,
Kuyanga ntshikala la kele nshi tshe.
Nyumu yatukukita balakata la ntundu
kami,
Ee, etema wakamatungi,
17Ne dia kolo ka okom va andi
mbakamuki kele, mbakamokomola.
Dimi lakawushe elundji, lakumala;
Ku ndi akatetemala ndjela lulangu
lʼutema andi.
18Dimi lakenyi etsha andi, layokonoya.
Dimi layolombola, layusamba ndi la
wane watulelaka la ndi.
19Layukitsha diandu lʼelomo.
Ki, ki, kayali le one leli lasuki
Ndu le one leli etali,#57:19 Ef. 2:17. mbata
Latuyalaka.
Dimi la; akonoya.
20Antu wa kolo weli uku ashi a waki
Wasutshashutshama, waheyi
nembohala,
Ne dia ashi awo watunyiyaka ditshi
la loteke.
21Ki kema le antu wa kolo, mbata
Unyashungu ami.#57:21 Is. 48:22.
Currently Selected:
Isaya 57: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
