Hosea 8
8
Ambuhangwela Isariyele ne Dia Otemwelo Awo wa Dikishi
1Umami dimama lu elomo aye,
Ne dia eki kambuya ladiku dia luudu
la Latuyalaka,
Ne dia antu wakadiaki sheki yami,
Ndu wakahedia elembe ami.
2Vo wayundelela vati:
Unyashungu asu, shu, asi Isariyele,
nkeyaka.
3Isariyele akatuni kene keli ololo;
utunyi ayuyelana la wo.
4Vo wakayadjela khumi ya dikanga,
keli aha uma lu diui diami
Wakayasonwela ewandji, keli aha
uma lu lulangu lami.
Vo wakayatshela dikishi la fesa yawo
la paunyi yawo,
Diako mbayuwushila ushiki.
5Dimi Latuyalaka lakatuni efanelu
kanyu ka ngombe, nyu asi Samariya.
Kele kami kakafulanela le nyu.
Edja ndu etena kakona kayunyediama
lu Isariyele?
6Utshudi kakatshi efanelu ka ngombe;
to kema Unyashungu.
Diako mbayatshatshema efanelu ka
ngombe ka Samariya betshi betshi.
7Vo wakune lopepe, wayuna punganendji.
Epunga hawuyala la washa,
One wayombola, hawudja ashi.
Utuwudja ashi, tshiki angendangenda
mbutole.
8Isariyele ambulanyema;
Kakiane vo wambuyala uku puki
kʼanyanya lʼatei a wedja,
9Ne dia vo wakatshu utsha la Asuriya,
Uku atetolaka mangana amakina.
Efarayima akakimo eshasha dia
nkundja engenyi.
10Kuyanga vo watukimoka eshasha le
wedja,
Kakiane, dimi lutsha mbasanganya.
Ku vo wayutukuyala la lunyangu,
Ne dia wutshu wa khumʼekanga
kʼewandji.
11Efarayima akafudia diakelu dia ntsha
kolo;
Diakelu diako diatasukuyaka dia
ntsha kolo.
12Utumafundela akambu nunu dikumi
wʼelembe ami,
Vo wayutuyala uku engo kʼanyanya
le wo.
13Vo watudiakaka nyama yatuwunambulaka,
Watolekaka emunyi ayo,
Keli dimi, Latuyalaka, hatuyetawoka.
Kakiane dimi Latuyalaka, lamtuho
dia kolo kawo.
Dimi layasuya ne dia kolo yawo.
Vo wayukalula lʼEdjibitu,
14Ne dia Isariyele wakuhela Utungi awo,
Wakayahikela temwelo
Juda akafudia esumba wudingami
kumbu ya wulu,
Keli dimi layutuma dja lʼusumba awo.
Yo yayutshumba mvudu ya khumi ya
dikanga yeli loko.
Currently Selected:
Hosea 8: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
