Hosea 2
2
Ngandji ka Latuyalaka le Wudja Audi Wakoseke
1Nyete onengenyu nyati: Wudja ami;
La kadiyenyu nyati: Ndi ambukama
ketshi.
2Nyamia nyengenyu, nyuwamia.
Ne dia ndi kema wademi, ndu dimi
kema umendi.
Ndi anya tulimbitelu ta munanyi uma
lʼelundji kandi,
La ta luseka uma lu tulu kandi.
3Naka aha osoku dimi layukulula
ahondo,
Layutshika utakataka uku akanduto;
Layuwete uku usui wa shenga,
Layukitsha uku kete ya wumuma,
Ndu layudiaka la pusa kʼashi.
4Dimi haluka anʼandi ketshi,
Ne dia vo weli ana wa kanga luseka.
5Nyengewo akunanaka, one lakawauti
akayasuwula.
Ndi akati ati: Dimi layuyela eseka
ami,
Watumbishaka ma diami la ashi ami,
Ahondo ami wa diosa diʼekoko, ndu
wa linene, iso la dinono.
6Okone dimi lutsha mbudihela mbuka
kandi lʼatende,
La mpika eheli ka lukumbu laawo,
Diaha ndi ntana mbuka yandi ntu.
7Ndi ayuyelana la eseka andi, keli ndi
huwanda.
Ndi ayayanga, keli ndi huwaena.
Lʼokongo diku, ndi ayuta ati: Dimi
layukalula,
Layutsho le umemi la ntundu,
Ne dia etena kakimi la ndi, dimi laki
la ongenongeno uleki kakiane.
8Ndi kumbeya ntu ati:
Dimi kakawusha epunga, ashi wʼelua
la iso.
Dimi lakawusha fesa la paunyi efula,
Yakawatshaka la yo ulimu wa Bala.
9Diako mbayumuhotola epunga ami
lu etena ka dinela
La ashi ami wʼelua lu ononyi awo,
Mbayumohotola ahondo ami wa diosa
diʼekoko ndu wa linene
Wahumbandi ndota, dia nkumba
utakataka andi.
10Kakiane dimi lutsha nkenenadia sonyi
kandi
Lu ashu wʼeseka andi,
Ku nduku layeya mbutshungula uma
lʼanya ami.
11Dimi layukumiya ongenongeno andi
tshe,
Nshi yandi ya waki, talelu tandi ta
ngondo, nshi yandi ya mumuya
La nshi yandi ya waki yakawashikike.
12Dimi layulanya ekodi indi wa vinyo
la etamba andi wa fingu;
Wakandataka ati:
Vo weli tshindu diakantshinde eseka
ami.
Dimi layuwaete ukunda, ku nyama ya
lʼukunda yayelekaka.
13Dimi layûsuya, ne dia nshi yandi ya
waki,
Yakandatshumbela WaBala malashi.
Yakandayalengaka tungunga tʼatui la
adidi andi,
Yakandayelaka eseka andi.
Ndu yakandambuhelaka, mbata
Latuyalaka.
14Okone dimi layonga umuntu Isariyele
lʼosengosengo
Dimi layolombola utsha lʼusui wa
shenga,
Layutoteketa la ndi aui wa ngandji.
15Dimi layutuwusha dikambo diandi dia
vinyo leko,
Ndu ukidi wa Akora#2:15 Jas. 7:24-26. uku suku
diʼelungamelu.
Ndi ayimba esambu leko
Uku akandimbaka lu nshi yandi
yʼusekaseka,
Uku lushi lakandatumbi uma lu kete
ya Edjibitu.
16Lushi loso, we ayumbeta wati: Umemi. We humbeta ntu wati: Bala kami, mbata Latuyalaka. 17Dimi layunya kumbu ya WaBala uma lʼunyo andi, ne dia ndi atukudimula kumbu yawo ntu. 18Lu lushi loso, dimi layudja la nyama ya lʼukunda, fudu ya lʼulungu la diango tua yakutula dia la kete sheki dikambu diaye. Dimi layokola eta la yombo, layunya ta uma lu kete, layuwetamia la lutui tshitshi. 19Dimi layuyala umendi pundju. Dimi layuyala umendi lʼakambu wʼololo, lʼakambu wʼusimbwi, lu ngandji ka shikaa, ndu lu ketshi. 20Dimi layuyala umendi lʼakambu wa kolamelu ku ndi ayunimbitela, dimi Latuyalaka. 21Lʼetena keso kata Latuyalaka ati:
Dimi layuwukela, layukela ulungu,
Ku vo wayukela kete.
22Ku kete yayukela epunga,
Ashi wʼelua la iso, ku vo wayukela
Jezerele.
23Dim layufudia one lakamune la kete,
Layuka one laki kumbukama ketshi
ketshi.
Ndu dimi layeta one laha wudja ami
nti: Wudja ami,#2:23 Rom. 9:25; 1 Pet. 2:10.
Ku vo wayuta vati: We keli
Unyashungu asu.
Currently Selected:
Hosea 2: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
