Hosea 10
10
1Isariyele eli uku okodi wa vinyo
Watotokaka elua efula.
Uku aki efuia kʼe lua awe,
Mbakawafudia diakelu diawo.
Uku aki efula kʼongonyi a kete,
Mbakawete dimeta amena.
2Etema awo wambuyala lu Keke pendi.
Kakiane, vo watsha memba wutshu
wʼunungu awo.
Latuyalaka utsha mpandjula diakelu
diawo,
La nanya dimeta diawo.
3Vo wayuta esadi vati:
Shu kema la khumʼekanga,
Ne dia shu hatutukaka Latuyalaka
woma.
Ku khumʼekanga, kakona kukukindi
ntutshela?
4Vo watutaka aui wʼanyanya;
La atshibelu wa kashi mbatuwudjaka
sheki.
Sui diayutumba uku atomenaka okodi
wa lolengo
Lʼatei wʼemunda wa lʼekambo,
5Asi Samariya wambusaka lukumba
Lu dikambu dia etanelu ka yana ya
Bete-Avena,
Ku wudja ayo wayuyala la okei lu
dikambu diayo.
Elombedi ayo wayusaka lukumba lu
dikambu diayo,
Ne dia lutumbu layo lambumo.
6Wayuyitola utsha la Asuriya,
Dia ntuyisha khumʼekanga ka wuki
ushasha.
Efarayima ayundama la sonyi,
Ndu Isariyele ayuyala la sonyi,
Ne dia esangweyu kawo.
7Khumʼekanga ka Samariya
ayembama,
Uku atembamaka lufulu ladiku
diʼashi.
8Alunga wa la Avena,
Lene akatshaka Isariyele kolo
wayulanyema.
Atende la adungu wayutumba ladiku
dia diakelu diawo.
Vo wayutela ekungu vati:
Nyutukumbi,
La akuna vati: Nyutukungutweli.#10:8 Luk. 23:30; Eny. 6:16.
9Isariyele li, umaka nshi ya la Ngibeya,#10:9 Emb. 19:1-30.
Nyu nyatutshaka kolo! nyatutshikalaka
loko.
Undi, ta hadiukuma le nyu la Ngibeya?
10Dimi layasuya uku ayumulanga.
Asi wedja wayusanganyema dia
mbalosha,
Lamʼayuwusuyama ne dia kolo kawo
tena pendi.
11Efarayima eli uku ngombe ka wadi,
Kakawekiya ntsha ulimu,
Katongenangenaka dia nsusula
epunga.
Keli dimi layusukana lasuki la kingu
kato ka dimena,
Layahe Efarayima lokoho.
Juda ayubundula kete;
Jakoba ayudiudia kete.
12Nyuyauneli ololo,
Ku nyu nyayuna elua wa ngandji ka
shikaa,
Nyukambi dikambo diʼeyuyu.#10:12 Jer. 4:3.
Etena ka nyanga Latuyalaka kambukuka,
Edja ndu lamʼayunduya dia
ndjunyoloshiya akambu wʼololo.
13Nyu nyakune kolo, nyakani uhedia.
Nyu nyakali elua wa kashi,
Ne dia nyu nyakekama etsha anyu,
La efula kanyu kʼandoshi wa ta,
14Okone lufungusu layutumba lʼatei a
wudja anyu,
Ku ngeli yanyu ya ta tshe yayulanyema,
Uku akalanya Shalamana Bete-Arebele
lu lushi la ta,
Lakawatshatsha umbutshi a umuntu
la anʼandi.
15Osoku mbayuwunyutshela, nyu
khumbu ka Isariyele,
Ne dia kolo kanyu ka wuki.
Ku khumʼekanga ka Isariyele
ayudiakema la hyutshihutshi.
Currently Selected:
Hosea 10: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
