Ezekiyele 46

1Khumadiondjo Latuyalaka kata ati: Suku dia seke dia lʼetei dieledi lu leke lʼehutwelu, kadiudihamaki nshi shamalu yʼulimu. Keli kadiudihwamaki lushi la mumuya, kadiudihwamaki ndu lushi la yalelu ya ngondo. 2Uwandji kotoki lu mbalasa ka lu suku k utsha lʼandja, ku ndi ntemala lasuki la ekoho ka la suku. Elombedi kawulambulaki elambu andi wa lutshumba, ndu elambu andi wa ki. Ndi katemolaki lʼukingo wa la suku. Lʼokongo diku, ku ndi ntsho, keli suku tadiudihamaki, tshikima la dikolo. 3Antu wa lu wudja kawotemolaki lʼetemwelo ka suku diako la ntundu ka Latuyalaka lu nshi ya mumuya ndu lu talelu ta ngondo. 4Ulambu wa lutshumba wayulambulaka uwandji le Latuyalaka lushi la mumuya, ayuyala ana wʼekoko asamalu waha la ekomo la okoko wʼumi aha la ekomo. 5Ulambu andi wa shima ayuyala efa otoi ne dia okoko wʼumi, la ulambu wa shima uku weyandi nkimo ne dia ana wʼekoko, ndu hina otoi ka iso lu efa la efa ka shima.

6Lu ushi la yalelu ya ngondo, ndi kalambulaki osongo a ngombe waha la ekomo, ana wʼekoko asamalu la okoko wʼumi; vo kawuyali waha la ekomo. 7Ndi kalambulaki ulambu wa shima yediko ya efa otoi ne dia osongo a ngombe, efa otoi ne dia okoko wʼumi, ndu ne dia ana wʼekoko wuhu weyandi nkimo; ndu hina otoi ka iso lu efa la efa ka shima. 8Lamʼayotoka uwandji, ndi kotoki lu mbuka ka lu mbalasa ka la suku, ndi katumbaki lu mbuka kako.

9Lamʼayuya antu wa lu wudja la ntundu ka Latuyalaka lu nshi ya waki yakawashikike, untu layoto lu suku dia ngelʼa kushi dia ntemola, katumbi lu suku dia lu leke la diku dia kushi. La one layoto lu suku dia lu leke la diku dia kushi, katumbi lu suku dia lu leke la ngelʼa kushi. Untu tatumbaki lu suku diakandotwe, keli ndi katumbi lu suku dielanedi la ne diakandotwe. 10Uwandji kotoki kame la wo lamʼayuwotoka, ndu katumbaki kame la wo lamʼayuwutumbaka.

11Lu nshi ya waki ndu lu nshi ya waki yakawashikike, ulambu wa shima kawuyalaki efa otoi ne dia osongo a ngombe, efa otoi ne dia okoko wʼumi, la wuhu weya untu nkimo ne dia ana wʼekoko; ndu hina otoi ka iso lu efa ka shima. 12Lamʼayulambulaka uwandji ulambu wa lulangu, ulambu wa lutshumba kana elambu wa ki uku ulambu wa lulangu le Latuyalaka, kawudihwelaki lukuki la lu leke lʼehutwelu. Ndi kalambu-laki ulambu andi wa lutshumba la elambu andi wa ki uku atundutshaka lushi la mumuya, ku ndi tumba; lamʼayundutumba, ku vo ndjiha lukuki. 13Kulambulaki osongo wʼokoko wʼeleku otoi, waha la ekomo, ulambu wa lutshumba la lushi la lushi le Latuyalaka; kulambulaki pindju tshe. 14Kulambulaki ulambu wa shima kame la wo pindju tshe: etenyi otoi ka samalu ka efa la etenyi otoi ka satu ka hina ka iso ka ndoya shima, kame la wa pindju tshe. Oso eli ulambu wa shima wa la lushi la lushi le Latuyalaka, ulambu wa lutshumba wa pundju. 15Kawulambulaki onʼo-koko, la ulambu wa shima kame la iso, uku ulambu wa lutshumba wa pundju pindju tshe. 16Khumadiondjo Latuyalaka kata ati: Naka uwandji ambusha onʼandi a pami omotshi ushasha uma lu diango diandi diʼukito, vo wayuyala wa anʼandi. Vo weli etenyi kawo kʼukito. 17Keli naka ndi ambusha ukambi andi omotshi ushasha uma lʼetenyi kandi kʼukito, vo wayuyala wandi, edja ndu lʼeleku kʼetshungwelu#46:17 Lew. 25:10. ku vo wayukalula le uwandji. Paka anʼandi hita mbayuyala akanga a diango diʼukito diandi. 18Uwandji tahotolaki nduku yema uma lu etenyi kʼukito ka wudja, tawanyaki uma lu tenyi diawo diʼekito. Ndi kasha anʼandi wʼapami uma lu etenyi kandi kʼukito, diaha antu ami mangana untu lʼuntu uma lʼetenyi kandi.

19Ndi akambotshiya lu eotwelo kaki lasuki la suku lu tundju tʼekila tʼelombedi utsha lu leke la ngelʼa kushi. Menyi ku dihuli dimotshi diaki la kuma, utsha lu leke lʼedjelu kayo. 20Ndi akamvutela ati: Onʼeli dihuli diayukateka elombedi nyama yʼulambu wʼefutelu kʼunungu, ndu yʼulambu wa kolo; dihuli diayuwukateka ulambu wa shima diaha vo mbetola lu seke dia lʼandja, watukukidia antu.

21Ku ndi akantundja utsha lu seke dia lʼandja, akambetsha lu atshuku anei wa seke. Menyi ku seke ne lu tshuku dia seke dia lʼandja — 22lu atshuku anei wa seke, kaki aseke anei wa tshitshe. Aseke wa tshitshe waki kubita akumi anei lʼutali, la wekeki kubita akumi asatu. Aseke ako anei wa tshitshe waki yediko otoi. 23Eheli kakadingi aseke ako anei tshe, la ahuli wa nkateka diango waki lʼesi eheli lʼutshimba tshe. 24Ndi akamvutela ati: Lanʼeli mvudu yʼekatelu, lene ayukateka ekambi wʼetemwelo nyama yʼelambu wayukimoka wudja.

Currently Selected:

Ezekiyele 46: TLL

Highlight

Copy

Compare