Ezekiyele 19
19
Delu lu Dikambu dia Ewandji wa Isariyele
1Embeli ewandji wa Isariyele limbu
la delu wati:
2Kakona kaki nyengenyu?
Ndi aki tambwe ka wadi,
Kaketamaka lʼatei a tambwe ya waumi,
Kakalomiaka ana ato lʼatei wʼesongo
wa tambwe.
3To kakudia onʼato omotshi,
Ku ona ako akayala osongo a tambwe.
To kakekela munda nyama,
kakandaka ndu antu.
4Wedja wakuki dikambu diato.
To kakandama lu wawu awo.
Ku vo wakakitundja la koho utsha lu
kete ya Edjibitu.
5Lamʼakatenyi ati: Lambukunga edja,
Ndu elungamelu kami kambushisho,
To kakose onʼato ukina, akawete osongo
a tambwe.
6Ku osongo ako a tambwe aketetaka
lʼatei a tambwe kina.
To kakekela lama munda nyama,
kakalekaka antu.
7To kakalanyaka mvudu yawo ya
khumʼekanga,
Kakahandjulaka esumba lʼadikita ato.
8Wedja wa lu beke dia lʼutshimba
wakayalonge dia nkilosha.
Vo wakakidingi otoi, wakakindi lu
wawu awo.
9Vo wakakiotshiya lu lusasa la koho,
Wakakitole le khumʼekanga ka Babilona.
Wakakiotshiya lʼusumba awo wudingami
lukumbu,
Diaha dikita diato mbukama ntu
Lu ekungu wa Isariyele.
10Nyengenyu aki uku okodi wa vinyo
wakawune lʼumamu wʼashi.
Vo wakatundja tonga efula, wakato
elua,
Ne dia ashi waki efula.
11Lotonga lalo luleki wuki,
Lakayala danga dia umbuledi
Lo lakaleki tonga kina utali;
Lo lakenama ladiku dia tonga kina
yʼokodi.
12Keli wakakula okodi ako la kele,
wakôkosha la kete.
Lopepe lʼuma lʼehutwelu ka unya
lakimia elua awo.
Wakakohola elua;
Lotonga lawo la wuki lakahimbwama,
lakalengela,
Ku dja yakalutshumbi.
13Kakiane okodi ako ambunema lʼusui
wa shenga,
Lu kete ya wumu, yaha la ashi.
14Dja yakalalo uma lu lotonga la wuki
utsha lu tonga kina.
Yo yakatshumbi elua ayo,
Edja ndu nduku lotonga lukuki ndjala
danga dia diulelu.
Oso keli limbu la djuwa,
Lo lambuyala limbu la djuwa.
Currently Selected:
Ezekiyele 19: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
