Amose 1
1
Dumbwelu le Asukanyi wa Isariyele
1Onʼeli aui wa Amose, laki lʼatei wʼalami wʼekoko wa la Tekoa, lakenyi waenelo lu dikambu dia Isariyele, lu nshi ya Uziya,#1:1 2 Khum. 15:1-7; 2 Ek. 26:1-23. khumʼekanga ka Juda, ndu lu nshi ya Jeroboama,#1:1 2 Khum. 14:23-29. onʼa Joashi, khumʼekanga ka Isariyele, deku pendi la ntundu kʼedidimelu ka kete. 2Ndi akati ati:
Latuyalaka ambudikita uma la Siona,
Ambukia diui diandi uma la Jerusalema.#1:2 Joe. 3:16.
Adiyu wʼalami wʼekoko weko lʼutanda;
Ote wʼukungu wa Karamele wambuma.
3Okone mbata Latuyalaka ati:
Ne dia ehedia esatu, ee, enei wa
Damaseke,#1:3 Is. 17:1-3; Jer. 49:23-27; Zek. 9:1.
Dimi halukaluya sui uma loko,
Ne dia vo wakakutula mbulu ya
lukutula Ladiku dia Ngiliyade.
4Keli dimi layutuma dja lu luudu la
khumʼekanga Hazaele,
Ku yo yayutshumba mvudu ya
khumʼekanga Bene-Hadada.
5Dimi layokola kengeti ya Damaseke.
Dimi layushila wane wudjashi lʼukidi
wa Avena.
La one lukimedi danga dia diulelu
Diʼuma lu khumbu ka Bete-Edena
ushiki.
Ku wudja wa Suriya wayutsho utsha
lu lohombo la Kire,
Mbata Latuyalaka.
6Okone mbata Latuyalaka ati:
Ne dia ehedia esatu, ee, enei wa Ngaza,
Dimi halukaluya sui uma loko;
Ne dia vo wakatole ului wʼantu lu
fumbi
Dia ntakimo le Edome.
7Dimi layutuma dja lu peli dia Ngaza,
Ku yo yayutshumba mvudu ya
Khumʼekanga yeli loko.
8Dimi layushiia wane wudjashi la
Ashidoda,
Ndu one lukimedi danga dia diulelu
Dia Ashikelona ushiki.
Dimi layukaluya lunya lami dia
ndosha Ekerona;
Ku atshikadi wʼasi Filistiya#1:8 Is. 14:29-31; Jer. 47:1-7; Ezek. 25:15-17; Joe. 3:4-8; Zef. 2:4-7; Zek. 9:5-7.
wayudiakema.
9Okone mnata Latuyalaka ati:
Ne dia eledia esatu, ee, enei wa Tura,#1:9 Is. 23:1-18; Ezek. 26:1—28:19; Joe. 3:4-8; Zek. 9:1-4; Mat. 11:21-22; Luk. 10:13-14.
Dimi halukaluya sui uma loko;
Ne dia vo wakakimo ului wʼantu le
Edome,
Kumbuho sheki yʼuntu la onangu.
10Dimi layutuma dja lu peli dia Tura,
Ku yo yayutshumba mvudu ya
khumʼekanga ya loko.
11Okone mbata Latuyalaka ati:
Ne dia ehedia esatu, ee, enei wa
Edome,#1:11 Is. 34:5-17; 63:1-6; Jer. 49:7-22; Ezek. 25:12-14; 35:1-15; Ob. 1-14; Mai. 1:2-5.
Dimi halukaluya sui uma loko,
Ne dia vo wakayeli anengewo la
tombo, kumbauka ketshi.
Ne dia kele kawo kukawatshatshaka
nshi tshe,
Okone ndi akalami ududu andi
pundju.
12Dimi layutuma dja lu Temana,
Ku yo yayutshumba mvudu ya
khumʼekanga Bozera.
13Okone mbata Latuyalaka ati:
Ne dia ehedia esatu, ee, enei wʼasi
Amona,#1:13 Jer. 49:1-6; Ezek. 21:28-32; 25:1-7; Zef. 2:8-11.
Dimi halukaluya sui uma loko;
Ne dia vo wakati akundju wʼamantu
Akanga a waemi wa la Ngiliyade,
Dia vo nsekola elelu awo.
14Keli dimi layuhetsha dja lu peli dia
Raba.
Yo yayutshumba mvudu ya khumʼekanga
ya loko,
Kame la tukuku tʼalelu lu lushi la ta,
Ndu kame la luhunga lu lushi la
ngimbi.
15Ku khumʼekanga kawo ayotolama
utsha lu fumbi,
Kame la ewandji andi, mbata
Latuyalaka.
Currently Selected:
Amose 1: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
