Rom 2
2
1Popōwo pe kokili sū ko suli nokowo, Ah, kĭk, neteme me mē sī iranda kim ūrian: kĭm ūrian iram sugkū, popōwo kĭk umnūiian ugi siame ĭm kĭk umnumpi sugkū. 2Kō kokĭm lagkili, memagkū ma nūrian eni Nōbū oti nugko ĭm itnesog iranda mori ūmnumpi imo siame: 3Im kĭm magkūwo, Ah kĭk mē sī, kĭm ūrian iranda umnumpi imo siame, ĭm kĭk umnumpi sugkū ma kante wokon melani nūrian eni Nōbū?
4Kū kokesisat nelintugi horog nūsian aremī eni ĭm nefielitugi ĭm nemolsep tantop, metūkili memagkū nelintugi eni Nōbū umentorok worotorileki ūnōwan? 5kō sugkū nugkugko ĭm netū tavnirĭgi nowan kĭm tavenepon naraki nisekom ran dan naraki nagkū anūatumpene nūrian tanepo isen Nōbū; 6mampunora oveteme amwisū sugkū numpūrak enirora: 7punora ūmnatekisah ugi natekisah nemolsep ra numpi isenda memesorugi nilasilaswi ĭm sesie ĭm otū avtar, nomūrep ūvrūni: 8kō nisekonda sendokie metū alekoleki nam ĭtnesog, kō umalekoleki satindi; 9umante nisekonda naraki, norigumpūnū, nesorūves, iranda ūnōwanda ōveteme omwisū ūmnumpi satindi, ra irora lō Yūdia ĭm lō Kris sugkū; 10kō nilasilaswi ĭm sesie ĭm ninparata punora omwisū umnumpi aremī pugi ugi sī neteme Yūdia, ĭm pugi iyi sī neteme Kris sugku: 11ĭt iyi Nōbū otū tampolora oveteme. 12Irora sū mori dumumpi dūtūrigi nam alam wonūrian iranda kō tawi ugi nam alam: mirora sū dūmpi sat dūmūrĭgi sū nam alam wonūrian iranda ugi nam alam; 13tawi irora ōvun tanepo ūnĭpmi eni Nōbū mori ūmandĭgi wokon nam alam, kō irora mori umnumpi sugkū nam alam irora wante tanepo: 14popōwo pol sugkū ōvun nĭlevokevat mori dūtūvī nam umnumpi sugkū nam alam ugi nesepen nokili enirora, iroromo, dūtūvī namalam, irora sī nam alam nisekonda irora pe irora; 15ugi imo ĭt irora ūmesesi numpūrak dūmūtīyi ūnowanda, ĭm imo ūnūwames ūnōwan umnumpūvsok ugi sū, ĭm ōvun tarū ūnowanda tavsimugi umnūrianda kū umesōli iranda; 16ran dan mori polekū Nōbū onesorugi ōvun neseni enirora oveteme, ugi nam navosavos enyaū ra Iesū Krĭsto. 17Nagkū dūmatovninkĭk memagkū neteme Yūdia, ĭm ko tesūwo ra nam alam, mōmenūwi nam horog ugi Nōbū, 18mūkili nam isen, momentarū ves ugi ōvun entiame aremī, dūmūtavsogkĭk marugi nam alam, 19magkili sū ma kĭk sī woretora ōvun nĭmte nilar nisekonda ūmante ra nĭlevokevat, 20woresūli punora ōvun numgĭ, tavsogi nisekonda ōvalalau, ĭm umante tovunok safi ra fan ugi ōvun nokili mugi nam itnesog ra nam alam; 21kĭm tavsogi neteme sī, kotū tavsogkĭk pe kĭk? kĭm tavsogi memokū tawi numprok, komprok kū? 22kĭm magkū etū umpi tempogon, kumpi tempogon kū? kĭk emagesi sat ōvun safi namlī natemas, ĭm kĭmemnumprok siame tumpora? 23kĭk umanuwi nam horog ugi nam alam, mugi nareki nam alam kumpi iran Nōbū kū? 24Popōwo pe ugi kĭmi ōvun nĭlevokevat ūmampīĭndi nin eni Nōbū, sugkū dūmūtĭyi ugi. 25It aremī worumpi namon nagkū kalekoleki nam alam: kō nagkū kareki kō kĭkonareki nam alam, numpi namon enugkĭk tawi ĭtnesog. 26Popōwo pe sugkū nagkū irora mori dūtū umpi namon iranda kō ūmafinte nam alam, wanūwi ugi irora mori dūtū vī namon iranda memagkū irora sugkū dūmumpi namon iranda pe nokowo? 27ĭm nagkū irora mori dūtū vī namon iranda popōwo ugi netevani enirora, nagkū akompeli nam alam ugi pe, onūrian iram, ĭt umante tovonok nam alam ĭm numpi namon kō kĭk emareki nam alam? 28Tawi iyi neteme Yūdia, popōwo iyi sī sugkū ratilat; ĭm tawi numpi namon mori umnumpi ratilat ra nokolisiran: 29kō iyi neteme Yūdia mori oti sugkū ūnōwan eni; ĭm imo numpi namon itnesog mori ūnōwan, ugi naviat, tawi ugi nokolisiran; ĭm narigi ugi imo otū mamne marugi neteme, kō marugi Nōbū.
Currently Selected:
Rom 2: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
