Ovun Apostol 24
24
1Penūri dan sūkrim Ananīas potni sokowar yemeyep dal ōveteme talam ĭm Tertulus sī neteme tasūmperi nam alam; mirora dūmūnūwi pugi kuvnur iran Pol. 2Yem movrugi ĭm Tertulus yimati potni worevriuri, memenūwi memokū, Felĭks numposeti, ka kem lampī ninparata ves ugi kĭk, kemandūn numpi ōvnumpūrak ves nisekon imo lō ugi nointanwi ves sorum; 3Ka kĭm lanroī nempugon sū, ĭm ra nūrū sū ĭm len umpalugi. 4Kō ma ya otū yugūrok ugi nam, ya kum nesinugkĭk worevandagugkam ugi potikon nam, ugi tanepo ves sorum. 5Popōwo kam lokesi imo neteme navoret, memamsi pī en tan lō ra ōveteme Isrēel ra nūrū sū nūrū sū, ĭm sī natemonok isenda umnari neteme Nasaret. 6Miyi yemokū worugkini nimo tumpora, ĭm kam livī iyi, ĭm lokū worūrian iran ugi nam alam soremam, 7Kō Lisias Hĭliark yivelum iramam mempi iyi parugkam ugi nugkugko, 8Mempasewokonda mori dūmūvievri iyi worevelum pugkĭk; ĭm pol sugkū kĭk onūrian kagkili ugi imo sū mori ka kĭm lamperi iran. 9Oveteme Isrēel dūmūteeūī, mūmokū, imo sū sugkū.
10Im Pol nempugon kuvnur yemtenevokeve iyi memokū iyi anūwi, yemtamsi memenūwi memokū, ya kum magkili ma kĭk natemonok nurian isenda imo lō sikat, ya umnavos ugi memesepen arē irag.
11Kemagkili, dan sū twelv wokon marugi nempugon yaū nisah ra Yerūsalem woretivita. 12Mirora dūtokesi yaū mesemsi sī neteme, kū mūsumpūwi lō ūnisog nimo, tumpora, kū ra nimo tavsogi, kū ra sĭti. 13Mirora tawi faneteme woresesūī nam ĭmo sū mori irora ūmampievri ugi yaū. 14Ko ya kum mentesūī imo pug kĭk memagkū, ya kum mentivita iran Nōbū isenda ritemendemi ugi selat mori irora ūmanūwi magkū semsimak sī, mementavnirĭgi siame ra mumpon namalam mōvun profet. 15Im ya kum mentametemetugi ra Nōbū, mirora ūmentevetūī sugkū, mumampelum nivsorasah marugi nemas, mōveteme tanepo, mōvun nareki sat wontūok. 16Im ya kum andūn umpi imo, ya umnavles ugi tarū sū ūnōwag ugi siame sū worefinte sū aremī ūnĭmpi eni Nōbū mōveteme. 17Penūri nevi sikat ya okovelum woruriuki ov numpeleves ĭm ōvun itemas pun ora lō sorug. 18Mugi imo sū nugkon ōveteme Isrēel mori dūmne Esia dokesi yaū setevives ūnisog nimo tumpora, tawi dal sī numpūnlō, ku ugi nesesaū, 19Aremī irora pūvelum ūnimtum mūvievri nagkū dōkū ugi sī se sī irag. 20Kū irora mo igko marima aremī irora ūmanūwi nagkū dokesi sī sat irag nempugon yaū metūrū ūniminda ra naūor. 21Kū en tawi ugi imo nam siteven mori yaū menūwi sah nempugon yaū metūrū dal irora, Kūmnūrian irag ire popōwo ugi nivsorasah marugi nemas.
22Feliks yemorĭgi imo sū ĭm popōwo iyi yemokili ugi selat mori, iyi yememenūwi ugi dan sī memokū, nempugon Lisias Hĭliark iyep, ya agkili sū ugi imo sū ugi kĭmi. 23Miyi yemtelieli sentūrion worefinte Pol, metū ēeti iyi, metūnūali pun ora ravineme isen woretorugat iran, kū woretapmetūives iran.
24Penūri nugkon dan Feliks yivelum ūndū Drusila retepon isen, nasiven Isrēel, iyi yemorigi Pol me morĭgi nam ugi tavniri iran Krĭsto. 25Im nempugon Pol yemasūmperi ugin tanepo, ĭm nilasiven ves, ĭm nūrian umampelum, Feliks yememtetugi, memenūwi memokū, Elakeve, Isūma marima, nempugon sī ya ōmamperug kĭk. 26Miyi yemesepen nakiugi magkū Pol ampugi muni, ma iyi osūli iyi; popōwo imo sugkū iyi yemorun ovrugi, memtampi ūndū. 27Penūri nevi endūrū Porsius-Festus yemtamnemug Feliks; ĭm popōwo Feliks yemokū iyi onumpi navos nisekonda ōveteme Isrēel iyi yemowi Pol nēeti.
Currently Selected:
Ovun Apostol 24: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
