Ovun Apostol 22
22
1Ravūgsĭeme, movateme, Urĭgi nam worare irag. 2Im pol sugkū irora dūmūrigi ma iyi yemenūwi pun ora ugi nam Hibrū, dūmūteteven mōmū, miyi yemenūwi memokū,
3Itnesog yaū neteme Isrēel, meti numprokomol ra Tarsus ra Silisia, kō yaū malam ra imo sĭti ūnowon eni Kamaliel, dūmamperavsoko yaū ugi siame sū ra nam alam isenda ritemendeme memnarakara popōwo ugi Nōbū, sugkū kĭmi sū ire. 4Im yaū ĭmpī e se sat ōvun nūrie mori, memtalokonda, yaū meīti ōveteme movasiven, memtor ora mo mov ki sep ūnisog ovnimo nugkugko. 5Potni sokowar umnumpūvsok irag ugi imo, ōveteme talam omwisū, mori dūmovo yaū ōvun netiyi pun ora raventsīeme ra Damaskus, yaū ĭmpe memokū ampe yūi woretor ora dūtĭn nēetora yūi ra Yerūsalem, woretipe nelileki iranda. 6Mō metepu nempugon yaū mavan, mumpotipot ra Damaskus, sugkū poakas poakas, marimago nilara horog mori yimne ūnpokop yemelingesigi ngkaū woko yaū. 7Im yaū momol ra nemap me morigi sī navian mori yemenūwi po yaū memokū, Sol, Sol, kemampīese sat ya irasie? 8Im yaū memenūwi memokū, Kĭk e me, Novsūromon? Miyi yomenūwi po yaū memokū, Yaū Iesū neteme Nasaret, mori kemumpi e se sat yaū. 9Mirora dal yaū dūmokesi nilara, mumumetemet; kō irora dūtūrĭgi navian eni iyi mori yemenūwi po yaū. 10Im yaū magkeli memokū, Ah! Novsūromon, sie ya onumpi? Miyi Novsūromon yemenūwi po yaū memokū, Etūok, ĭmpe ra Damaskus; anūwi punok yūi ugi siame yemetipe tovūnok worumpi. 11Im pol sugkū yaū metokesi popōwo ugi nīenaū ra nilara mori, irora dal yaū dūmūtori yaū ugi nokovug ĭm yaū ĭmtorĭmpe sugkū ra Damaskus. 12Im sī neteme yemetĭndōwi nin isen Ananīas, neteme nufwaki ugi nam alam, ōveteme Isrēel omwisū dūmumpūvsok ugi. 13Iyi yeme velum po yaū me metfirū me menūwi po yaū memokū Avugsi Sol elasah Marimago yaū melasah iran. 14Miyi yemenūwi, memokū, Nōbū isenda ritemeneme soret yepemtampoli kĭk worokili tarū isen mo mokesi Iyi mori Tanepoves, memorigi navian marugi navian. 15Kĭk anti numpūvsok isen pun ora ōveteme sū popōwo ugi siame sū kĭm mokesi mo mo rĭgi. 16Im marima kĭk emandūnevelak kō? Etūok, ĭmpī baptisma iram orowugi marug kĭk sat sū sorum, movrugi nin esen Novsūromon. 17Mo metepū nempugon yaū ĭmtorileki ra Yerūsalem, pol sugkū ya mufwaki ūnisog tempel, yaū meti nilasrevrevora. 18Mo mokesi Iyi (Iesū) yemenūwi po yaū memokū, Ovugovag, Eveve marugi Yersalem, ĭt irora ūtū wandigi numpūvsok sorum ugi yaū: 19Im yaū menūwi memokū, Novsūromon irora ūmgkili ma yaū mesumpat ūnisog nimo nugkugko, memetipe toris iranda ūnisog ovun nimo tavsogi irora mori dūtavnirĭgi iram. 20Im nempugon dumwosiligi de isen Stifan numpūvsok sorum, yaū memetūrū potipot, memokū aremī wontalugi, mafinte ovnemas isenda mori dūtalugi iyi. 21Miyi yemenūwi po yaū memokū, Eve, ya kontamūlok pun ora lōsū nĭlebokevat isūt.
22Mirora dūniūvendagui mafeli imo nam, mirora dūmasora sah mūmūnūwi mūmokū, Vīpelah neteme mori marugi nemap; tawi aremī sī sugkū iyi amūrep. 23Mirora dūmovrugi sah, mūmūtūvwi nemas marokonda, mo mūtafugi navian yimugon sah, 24Hĭliark yemteliel ora woretori ūnisog nimo nugkugko memenūwi memokū wonūrian iran ugi toris ma sugkū wagkili irantie dūmovrugi sah sugkū iran. 25Im pol sugkū irora dūmūreveni ugi ītyēn, Pol yemtagkeli sentūrion mori yemetūrī botipot memokū, sī neteme Rōm mori yetū iran umpi nworepatevi, kūmagkū tanepo kwantipe toris iran kū? 26Sentūrion yemorigi nempe pugi Hĭliark memenūwi memokū, Efinte ugi imo kĭm magkū konumpi popōwo iyi neteme Rōm mori. 27Hĭliark yivelum memenūwi pugi memokū, Enūwi po vaū, kĭk neteme Rōm kū? Miyi yemenūwi memokū, Monokowo. 28Hĭliark yemenūwi memokū, yaū impasi imo nin ugi nĭpmi tamas. Pol yemenūwi memokū, Yaū mumprokomol sugkū. 29Marimago irora mori dūmokū wonūrian iran dūmūwi mūmuve pelah; Hĭliark yemtetugi sugkū nempugon yemokili iyi neteme Rōm, ĭm popōwo iyi yemēeti iyi.
30Im rat mran popōwo iyi yemakiugi worokili irantie ōveteme Isrēel dūmūtesūwĭ iran, iyi yemsūli mo mū teliel ora ōvun potni sokowar mōveteme talam woresemsimokonda, mimtori Pol, ĭm yepmetipe iyi ūniminda.
Currently Selected:
Ovun Apostol 22: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
