Zacarías 3

Josuépa llatapanta llushtitsiqta revelacionchö rikanqan

1Tsaypitam Dios Yaya rikätsimarqan mandakuq sacerdöti Josuéta.#Esd. 5.2. Paymi Dios Yayapa angelnin puntanchö ichiraykarqan. Josuépa derëcha kaq lädunchömi Josuéta acusarnin Satanás kaykarqan.#1Crón. 21.1; Job 1.6; Apoc. 12.10. 2Acusaptinmi Dios Yayapa angelnin nirqan: <<¡Dios Yayam upälla kanaykipaq nishunki, Satanás!#1Juan 2.1; Jud. 9. ¡Jerusalénta akraq Dios Yayam upälla kanaykipaq nishunki! Kay runaqa ¿manaku rupaykaq ninapita jipishqa shanshaykaq carbonnö kaykan?>>

3Josuéqa alläpa taqra llatapan shukushqam angelpa puntanchö ichiraykarqan. 4Tsaymi yanapaqninkunata ángel nirqan: <<Shukuranqan taqra llatapanta llushtitsiyay>>.#3.4 Kay textuchö taqra llatapanqa jutsankunam kaykan. Llushtitsinqanqa perdonanqanmi kaykan.

Tsaypitam Josuéta nirqan: <<Tukuyläya jutsaykipitam perdonashkaq. Kananqa shumaq kuyaypaq llatapata shukutsiyäshunaykipaqmi nishaq>>.#Apoc. 19.8.

5Tsaypitanam nirqan: <<Mandakuq sacerdöti shukukunan limpiu görrata Josuéta shukutsiyay>>.

Tsaymi limpiu görrata shukutsiyarqan. Tsaynöllam kuyaypaq llatapatapis shukutsiyarqan. Tsaynö shukutsiyaptinmi Dios Yayapa angelnin puntanchö ichiraykarqan.

6Shukurkatsiyaptinnam Josuéta Dios Yayapa angelnin nirqan: 7<<Llapanta mandaq Dios Yayam nin: <Llapan mandakunqäta cäsuptikiqa templüta y patiunta cuidanaykipaqmi churashayki. Tsaynöllam servimaq angelnïkunanö paqtä kanaykipaq churashayki.

8<< <Mandakuq sacerdöti Josué, qamwan sacerdöti majikikunapis shumaq cäsuyämay. Qamkunam señalnö kayanki.#3.8 Qamkunam señalnö kayanki ninanqa qamkuna serviyämaptikim runakuna tantiyayanqa yanapayanqaqta ninanmi. Tsaymi servimaptiki Renuevo ninqan servimaqnï runata#Jer. 23.5-6; 33.15-16; Zac. 6.12. kachamushaq.

9<< <Puntaykiman churanqä rumita rikay. Tsay rumim qanchis ñawiyuq kaykan. Tsay rumimanmi kikï qellqashaq. Tsaymi juk junaqllachö runakunapa jutsankunata perdonashaq. Noqa llapanta mandaq Dios Yayam tsaynö nï. 10Tsay junaqmi cada ünuykikuna üva jachaykikuna chakinchö y hïgus jachaykikuna chakinchö vecïnuykikunawan kushishqa jamakuyanki.#Miq. 4.4. Noqa llapanta mandaq Dios Yayam tsaynö nï> >>.

Currently Selected:

Zacarías 3: qxn

Highlight

Copy

Compare