Romanos 3

1Tsaynö kaykaptinqa Israel runa kanqan y señalashqa kanqan ¿allipaqtsuraq? 2Aw, allipaqmi. Tsaynö alli kaykan puntata Israel runakunata Dios Yaya willakuyninta musyatsishqa kaptinmi.#Sal. 147.19.

3Peru tsaynö musyaykarpis manam llapantsu Dios Yaya ninqanta cumpliyarqan. ¿Paykuna mana cumpliyaptintsuraq Dios Yayapis prometinqankunata cumplinqatsu? 4Payqa cumplinmi. Runakuna llullakuyaptinpis Dios Yayaqa llapan prometinqankunatam cumplin. Dios Yayapa palabranmi nin: <<Ninqaykita cumplirmi rasun kaqta juzgamanki. Juzgamaptikim ni imanö defendikuytapis puëdïtsu>>.#3.4 Kay textuchömi nin juzgarpis prometinqankunata Dios Yaya cumplinqanta.#Sal. 51.4.

5Tsaynö kaptinpis wakin runakuna mana tantiyarmi niyan: <<Jutsäpita Dios Yaya perdonamar allitam ruran. Peru castigamarmi sïqa mana allita ruran>>.

6Tsaynö runakuna niyaptinpis manam tsaynötsu. Runakunata juzgananpaq kanqanta musyaykarqa ¿imanirtan tantiyayankitsu castigarpis allita ruranqanta?

7Peru wakin runakunam mana allita yarpar niyan: <<Dios Yayata prometinqäta mana cumpliptïpis perdonamaptinmi runakuna tantiyayan llakipäkuq kanqanta. Tsaynö kaykaptinqa ¿imanirtan jutsäpita Dios Yaya juzganman?>>

8Tsay runakuna yarpäyanqannö kaykaptinqa jutsata rurashun Dios Yaya llakipäkuq kanqanta tantiyayänanpaq. Tsay yarpayqa manam allitsu. Tsaynö yachatsikur purinqäta wakin kaqkuna parlayaptinpis manam tsaynötsu yachatsikü. Tsaynö parlaqkunatam Dios Yaya juzgarnin mana llakipaypa castiganqa.

Llapan runakuna jutsayuq kayanqan

9¿Wakin kaq runakunapita mas jutsannaqtsuraq Israel runakuna kaykäyan? Manam. Kay cartachö ninqänöpis Israel y mana Israel kaqpis jutsayuqmi kaykäyan. 10Dios Yayapa palabranmi nin:

<<Manam ni jukllayllapis jutsannaqqa kantsu.

11Pipis manam tantiyantsu.

Pipis manam Dios Yayata ashintsu.

12Llapanmi jutsata rurayan.

Llapanmi mana allikunata rurayan.

Manam pipis alli ruraqqa kantsu.#Sal. 14.1-3; 53.1-3.

Manam ni jukllayllapis kantsu.

13Shiminkunapis kicharaykaq sepultüranömi.

Llullakuyllam shiminkunachö kaykan.#Sal. 5.9.

Parlayninkunapis culebrapa venënunnömi.#Sal. 140.3.

14Runa majinkunatam maldicionar ashayan.#Sal. 10.7.

15Runa majinkunata wañutsiyänanpaqmi cörrilla aywayan.

16Maypa aywarpis mana allikunata rurarmi runa majinkunata llakikatsiyan.

17Alli kaway imanö kanqanta manam musyayantsu.#Isa. 59.7-8.

18Dios Yayapita mantsakuyänanpaq manam ichikllatapis yarpäyantsu>>.#Sal. 36.1.

19Dios Yayapa palabranchö tsaynö niptinmi musyantsik leyninkunata musyaq runakunapis jutsayuq kayanqanta. Tsaymi runakunata Dios Yaya juzgaptin ni pipis defendikuyta puëdinqatsu. 20Dios Yayapa leyninkunata cumplinqanwanqa manam pipis jutsankunapita perdonashqatsu kanqa. Dios Yayapa leyninkunaqa manam salvamänapaqtsu, sinöqa jutsayuq kanqantsikta tantiyatsimänapaqmi.#Gál. 2.16.

Jesucristuman creyikushqa Dios Yaya salvamanqantsik

21Peru kananmi sïqa Dios Yaya musyatsimashkantsik leyninkunata cumpliyta mana puëdishqapis imanöpa salvamänapaq kanqanta. Tsaytam Moisés y profëtakuna qellqayanqankunachöpis musyatsimantsik. 22Jesucristuman creyikushqam Dios Yaya perdonamarnintsik pï kashqapis salvamantsik.#Gál. 2.16.

23Llapan runakuna jutsayuq karmi Dios Yayapa puntanman chayta puëdiyantsu. 24Peru tsaynö kaykashqapis Jesucristo rantimashqam Dios Yaya llakipäkuq kayninwan perdonamantsik. 25Tsaynö perdonamantsik Jesucristo noqantsik rayku sacrificiu kar yawarninta jichaptin payman confiakushqam. Tsaynöpam musyatsimantsik alli juzgakuq juez kanqanta#3.25 Alli juzgaq juez karqa jutsayuq runata karpis o paypa rantinta karpis castiganmi. Tsaymi jutsata ruranqantsikpita Jesucristuta rantintsik castigarqa alli juzgaq juez Dios Yaya kaykan. Mana alli juzgaq juez karqa runatapis ni rantintapis manam castiganmantsu.. Unaypitanam jutsayuq runakuna kayaptinpis Dios Yaya castigarqantsu. 26Tsaynö castigarqantsu runakunapa rantin Jesucristuta cruzchö castigananpaq karmi. Tsaynöpam tantiyatsimantsik alli juzgakuq juez kanqanta y Jesucristuman creyikuqkunata perdonanqanta.

27Tsaynö kaykaptinqa ama aläbakur nishuntsu: <<Allikunata ruraptïmi Dios Yaya salvamashqa>>.

Manam allikunata ruranqantsikpitatsu Dios Yaya salvamashkantsik, sinöqa payman creyikunqantsikpitam. 28Tsaymi nï: Manam leyninkunata cumplinqantsikpitatsu Dios Yaya salvamashkantsik, sinöqa Jesucristuman creyikunqantsikpitam.

29¿Dios Yayaqa Israel runakunallapatsuraq Diosnin? ¿Manatsuraq mana Israel runakunapapis Diosnin? Payqa llapan mana Israel runakunapapis Diosninmi. 30Dios Yayaqa jukllayllam.#Deut. 6.4. Tsaymi Israel y mana Israel kaqtapis Jesucristuman creyikuq kaqtaqa salvan.

31Jesucristuman creyikur salvakashqana kaykarqa ¿Diospa leyninkunata manakaqmantsuraq churashwan? Manam. Masbienmi Jesucristuman creyikushqa tsay leykunata cumpliqtanö Dios Yaya chaskimantsik.

Currently Selected:

Romanos 3: qxn

Highlight

Compare

Copy