Salmo 94
94
Salmo 94 (93)
Mana alli runakunata Dios Yaya juzgananpaq kanqan
1 Dios Yaya, contraykikunata castigaq karqa yanapaykallämay.
2Kay patsachö llapan runakunata juzgaq juezmi kanki.
Orgullösukunata juzgar castigaykullay.
3 Dios Yaya, ¡imayyaqraq mana alli runakuna kushipäyämanqa!
4¡Imayyaqraq jutsa rurayanqanpita aläbakur puriyanqa!
¡Imayyaqraq allish tukuyanqa!
5 Dios Yaya, paykunaqa kuyanqayki runakunatam allqutsakuyan.
Herenciaykipaq akranqayki runakunatam sufritsiyan.
6Viüdakunata, jukläpita kaqkunata y mamannaq y taytannaqkunatam wañutsiyan.
7Paykunam burlakur niyan:
<<Dios Yayaqa manam rikantsu.
Jacob confiakunqan Diosqa manam tantiyantsu>>.
8Mana tantiyakuq upa runakuna, ¿imanirtan tantiyakuyankitsu?
¡Imayraq tantiyayanki Dios Yaya poderösu kanqanta!
9Rinritapis ruraykarqa ¿manatsuraq wiyamäshun?
Ñawitapis ruraykarqa ¿manatsuraq rikämäshun?
10Wakin kaq nacionkunachö täkuqkunatapis castigaykarqa ¿manatsuraq qamkunatapis castigayäshunki?
Runakunata yachatsinanpaq llapanta musyaykarqa ¿manatsuraq rurayanqaykitapis musyan?
11Dios Yaya musyanmi runakuna mana allikunallaman umankuna churashqa kayanqanta.#1Cor. 3.20.
12 Dios Yaya, corriginqayki runam kushishqa kawakunqa.
Leynikikunata yachatsinqayki runam kushishqa kawakunqa.
13Tsay runam desgracia päsaptinpis tranquïlu kawakunqa.
Peru mana alli runakunam sïqa kikillankuna wañuytapis ashiyanqa.
14Kuyanqan runankunataqa Dios Yaya manam ni imaypis dëjanqatsu.
Payman confiakuq runakunatam imaypis yanapanqa.
15Juezkunapis shumaqnam justiciata rurayanqa.
Tsaynö juzgayaptinmi alli ruraq runakunapis kushikuyanqa.
16Mana alli runakuna conträ shäriyaptin ¿piraq janä shärinqa?
Mana alli ruraq runakuna conträ shäriyaptin ¿piraq yanapamanqa?
17 Dios Yaya mana yanapamaptinqa unaynam ushakaskïman karqan.
18 Dios Yaya, ni imanakayta mana puëdirmi yanapamänaykipaq mañakushkaq.
Llakipäkuq kaynikiwanmi yanapamashkanki.
19Alläpa llakishqa kaykaptïmi imaypis animatsimashkanki.
20¿Mana alli juezkunapa amïguntsuraq kankiman?
Paykunam leykunata mana cäsur runakunata sufritsiyan.
21Paykunam jutsannaq runakunapa contran shäriyänanpaq willanakuyan.
Tsaynöllam acuerdu kayan alli ruraq runakunata wañutsiyänanpaq.
22Peru tsaynö kayaptinpis Dios Yayam noqata tsapäman.
Tsinkakunä rumim payqa.
23Mana alli ruraq runakunatam castiganqa.
Diosnintsikmi paykunata ushakätsinqa.
Currently Selected:
Salmo 94: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
