Salmo 86
86
Salmo 86 (85)
Llakipänanpaq Dios Yayata mañakunqan
1a (1a) Kay salmum Dios Yayata David mañakunqan.
1 1 (1b) Dios Yaya, rugakamunqaqta wiyaykallämay.
Alläpa llakikurmi ni imanakayta puëdïtsu.
2Munanqaykinö kawakurmi wañuypita salvaykamänaykipaq mañakamuq.
Serviqniki karmi imaykapitapis tsapaykamänaykipaq rugakamuq.
Diosnï kaptikim qamman confiakamü.
3Dios Yaya, llakipaykallämay.
Imay hörapis rugakurnikim mañakamuq.
4Serviqniki karmi valoraykatsimänaykipaq mañakamuq.
Qamllamanmi imay hörapis confiakamü.
5Qamqa allillata ruraq y perdonakuqmi kanki.
Llapan confiakamuqkunatam llakipanki.
6 Dios Yaya, mañakamunqäta wiyaykallämay.
Rugakamunqaqta chaskiykallämay.
7Imaypis wiyamanqaykita musyarmi llakikunqä höra rugakurniki mañakuq.
8Dios Yaya, manam qamnöqa ima diospis kantsu.
Qam ruranqaykitanöqa manam ni pipis rurantsu.
9Qammi llapan nacionkunata kamashkanki.
Llapan nación runakunam adoraqniki shayämunqa.
Puntaykiman qonqurikamurmi adorayäshunki.#Apoc. 15.4.
10Qam japallaykim Dios kanki.
Poderösu karmi mantsakaypaq milagrukunatapis ruranki.
11 Dios Yaya, alli kawakunäpaq nänikita reqiykatsillämay.#86.11 Nänikita reqiykatsillämay ninanqa munanqaykinö kawanäpaq tantiyaykatsillämay ninanmi.
Tsay nänikipam imaypis purishaq.
Llapan shonqüwan qampita mantsakunäpaq yanapaykallämay.
12 Dios Yaya, llapan shonqüwanmi alabashayki.
Qamtam imaypis adorashayki.
13Noqatam alläpa kuyamanki.
Wañuypitam salvamashkanki.
14Dios Yaya, yaqa runakunam conträ shärir wañutsimayta munayan.
Tsay runakunaqa manakaqmanmi churayäshunki.
15Dios Yaya, qamqa alli shonqu llakipäkuqmi kanki.
Sas manam rabyakunkitsu.
Llakipäkuq y rasun kaqllata parlaqmi kanki.
16Mañakamunqäta wiyamar llakipaykallämay.
Serviqniki kaykaptïqa valorta qaraykallämay.
Servishuqniki warmipa wawan kaykaptïqa salvaykallämay.
17Conträkuna penqakuyänanpaq rikänankunachö yanapaykallämay.
Dios Yaya, qamllam yanapamanki y kushikatsimanki.
Currently Selected:
Salmo 86: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
