Salmo 85
85
Salmo 85 (84)
Israel runakunata yanapananpaq mañakunqan
1 (1) Cantaqkunapa mandakuqninpaqmi. Corépita miraqkuna qellqayanqan salmu.
1 1 (2) Dios Yaya, qammi nacionnikita llakipashkanki.
Jacobpita miraq runakunata yapaymi yanapashkanki.
2 2 (3) Kuyanqayki runakunatam llapan jutsankunapita perdonashkanki. Selah
3 3 (4) Alläpa rabyaynikipis ashwanmi päsashqana.
4 4 (5) Salvamaqnï Dios Yaya, kananpis yapay salvaykayällämay.
Amana rabyashqalla kaykullaytsu.
5 5 (6) ¿Tsaynöllatsuraq imayyaqpis noqakunawan rabyashqa kanki?
6 6 (7) ¿Manatsuraq alli kawakuyänäpaq yanapaykayämankiman?
Tsaynöpam yapay kushikuyäshaq.
7 7 (8) Dios Yaya, kuyayämanqaykita tantiyaykatsiyällämay.
¡Yapay salvaykayällämay!
8 8 (9) Noqaqa Dios Yaya ninqantam cäsushaq.
Paymi kuyanqan kaqkunata yanapanqa jutsata mana rurar pïmaywanpis alli kawakuyänanpaq.
9 9 (10) Paypita mantsakushqam noqantsikwan kaykan salvamänapaq.
Kikinmi nacionnintsikchö imayyaqpis täkunqa.
10 10 (11) Dios Yayapa kuyakuynin y yanapakuyninmi paqta shamunqa.
Alli kawakuyninwan salvacionninmi abrazanakushqa chäyämunqa.
11 11 (12) Yanapakuyninmi muru jeqamuqnö patsapita jeqamunqa.
Salvacionninmi ciëlupita rikakämunqa.
12 12 (13) Dios Yayam yanapamäshun alli kawakunapaq.
Chakrantsikkunachöpis mikuykuna allim wayunqa.
13 13 (14) Salvacionninmi willakuqnö puntanta aywanqa.
Willakuyninmi alli nänipa pushamäshun.
Currently Selected:
Salmo 85: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
