Salmo 62
62
Salmo 62 (61)
Dios Yayaman confiakunqan
1 (1) Cantaqkunapa mandakuqninpaqmi. Jedutúnpaqmi. David qellqanqan salmu.
1 1 (2) Dios Yayallam tranquïlu kawakunäpaq yanapaman.
Paypitam salvacionnï.
2 2 (3) Payllam imaykapita tsapämar salvaman.
Tsinkakunä rumi kaptinmi mana alliman ishkishaqtsu.#Sal. 46.
3 3 (4) Qamkuna ¡imayyaqraq atacayämanki!
¡Imayyaqraq wañutsimayta munayanki!
Juchunaykaq perqatanömi tanqayämanki.
Qotukaykaq qenchatanömi kunjayämanki.
4 4 (5) Qamkunam wañutsiyämänaykillapaq yarparaykäyanki.
Llullakurmi alläpa kushikuyanki.
Janan shonqullam alli tupäkuyanki.
Peru shonquykikunachöqa chikiyämankim. Selah
5 5 (6) Dios Yayam tranquïlu kawakunäpaq yanapäman.
Payllamanmi imaypis confiakü.
6 6 (7) Paymi imaykapitapis tsapämar salvaman.
Tsinkakunä rumi kaptinmi mana alliman ishkishaqtsu.
7 7 (8) Dios Yayam salvamaqnï.
Pay yanapamaptinmi kushishqa kawakü.
Paymi cuidamar tsapäman.
8 8 (9) Marka majikuna, imaypis Dios Yayaman confiakushun.
Llapan shonquntsikwan payta mañakushun.
Dios Yayam tsapämaqnintsik. Selah
9 9 (10) Runakunaqa waktsa o rïcu karpis jamaynöllam kayan.
Llapan runakunata qoriskir balanzachö pësaptinpis manam pësunkuna kantsu.
10 10 (11) Tsaymi suwakuyman ama churakäyaytsu.
Jukpa imantapis suwayanqaykiwan ama allish tukuyaytsu.
Rïcuyarpis kayäpushunqaykiman ama confiakuyaytsu.
11 11 (12) Dios Yaya, atska kutim wiyashkä poderösu
12 12 (13) y llakipäkuq kanqaykita.
Qammi pitapis imanö kawanqanpita juzganki.#Job 34.11; Prov. 24.12; Jer. 17.10; Eze. 18.30; 33.20; Mat. 16.27; Rom. 2.6; Apoc. 2.23.
Currently Selected:
Salmo 62: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
