Salmo 49
49
Salmo 49 (48)
Riquëzakunaman mana confiakunapaq kanqan
1 (1) Cantaqkunapa mandakuqninpaqmi. Corépita miraqkuna qellqayanqan salmu.
1 1 (2) Maytsaychö täkuq runakuna, kay mandakunqäta shumaq wiyayay.
2 2 (3) Rïcukuna, waktsakuna, mandakuqkuna y wakikipis, kay mandakunqäta tantiyayay.
3 3 (4) Alli yachaynïwanmi parlapäyäshayki.
Shonqüchö imata yarpanqätam niyäshayki.
4 4 (5) Shumaq yachatsikuytam willayäshayki.
Arpata töcarmi ima yarpanqätapis tantiyatsiyäshayki.
5 5 (6) Ama mantsakäshuntsu ima desgraciakuna päsamashqapis.
Ama mantsakäshuntsu chikimaqnintsikkuna contrantsik shäriyaptinpis.
6 6 (7) Paykunaqa riquëzankunallamanmi confiakuyan.
Imaykankuna kanqantam aläbakuyan.
7 7 (8) Tsaynö kaykarpis wañuypita manam salvakäyanqatsu.
Manam ni pipis Dios Yayata pägantsu wañuypita salvananpaq.
8 8 (9) Mayjina rïcu kaptinpis qellaynin manam paqtantsu vïdanta rantinanpaq.
9 9 (10) Manam ni pipis mana wañuqqa kantsu.
Llapan runakunam ushakaqlla kayan.
10 10 (11) Yachayyuq y mana yachayyuq runakunapis wañuqllam kayan.
Qorinqan riquëzanpis jukpaqmi quëdan.
11 11 (12) Atska chakran kaptinpis sepultüram wajin kanqa.
Tsaypita mana yarqamurmi imayyaqpis pamparanqa.
12 12 (13) Runaqa mayjina rïcu karpis manam asïpaqtsu kawan.
Wätakunanö ushakaqllam kaykan.
13 13 (14) Tsaynömi kallpankunallaman confiakuqkunaqa ushakäyanqa.
Orgullösukunapis llapanmi ushakäyanqa. Selah
14 14 (15) Pishtayänanpaq üshata qatiraqnömi tsay runakunatapis wañuy qatiran.
Wañushqakunamanmi apaykan tsaychö ushakäyänanpaq.
Paykunapa wajinkunaqa sepultürallam kanqa.
Wañuskiyaptinmi alli ruraq runakuna kushikuyanqa.
15 15 (16) Peru noqam sïqa pamparanqällachöqa ushakäshaqtsu.
Dios Yayam puntanman pushamanqa. Selah
16 16 (17) Pipis rïcuyaptin y wajinchö imaykanpis kaptin ama codiciayaytsu.
17 17 (18) Wañurqa manam ni imantapis apanqatsu.#Job 1.21; Ecl. 5.15; 1Tim. 6.7.
Jinallanmi aywakunqa.
18 18 (19) Kushishqa kawashqa karpis y rïcu kanqanpita runakuna aläbayaptinpis 19 19 (20) wañunanpaq höran chämunqam.
Wañuskirqa manam ni imaypis atsikyay patsata rikanqanatsu.
20 20 (21) Runaqa mayjina rïcu karpis manam asïpaqtsu kawan.
Wätakunanö ushakaqllam kaykan.
Currently Selected:
Salmo 49: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
