Salmo 149
149
Salmo 149
Dios Yayata alabanqan
1¡Aleluya!
Mushuq alabanzata cantar Dios Yayata alabayay.
Pay munanqannö kawaq runakuna qorikanqanchö alabayay.
2Israel runakuna, kamashuqniki Dios Yayata alabayay.
Sión runakuna, Dios Yaya mandashuqniki rey kanqanpita kushikuyay.
3Paypa shutinchö tushuyay.
Arpakunatawan panderëtakunata töcar alabayay.
4Kuyanqan runankunata rikarmi Dios Yaya kushikun.
Alli kawayänanpaqmi qollmi shonqukunata yanapan.
5Dios Yayaman confiakuqkuna, llapayki kushikuyay.
Yanapayäshunqaykipita puñunaykikunachöpis cantayay.
6Ishkanläpa alli afilashqa espädata aptarkur#Efe. 6.12, 17; Heb. 4.12. llapan shonquykikunawan Dios Yayata alabayay.
7Tsay espädawanmi mana cäsuq nación runakunata Dios Yaya vencinqa.
8Mandakuqnin reykunatawan mandäsiqninkunatam prësu achkuskir fiërru cadenawan watanqa.
9Tsaynöpam paykunapaq qellqashqa kaykaqta Dios Yaya cumplinqa.
Cumpliptinmi Dios Yayata serviqkuna alläpa kushikuyanqa.
¡Aleluya!
Currently Selected:
Salmo 149: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
