Salmo 148
148
Salmo 148
Dios Yayata alabanqan
1¡Aleluya!
Ciëluchö kaqkuna, Dios Yayata alabayay.
2 Angelkunapis, llapayki alabayay.
Guërrachö pelyaq angelkunapis, llapayki alabayay.
3Rupaywan killapis, alabayay.
Atsikyaq qoyllurkunapis, llapayki alabayay.
4Mas altuchö kaq ciëlupis, payta alabay.
Ciëlu jananchö kaq yakupis, payta alabay.
5 Dios Yaya alabashqa kaykullätsun.
Pay mandaptillanmi llapan rurakarqan.
6Dios Yaya kamanqanqa manam ushakanqatsu.
Pay ninqankunata manam ni pipis cambianqatsu.
7Kay patsachö kaqkuna, Dios Yayata alabayay.
Lamarchö mantsaypaq jatunkaray wätakuna y tsaychö llapan kaqkunapis, alabayay.
8Maqakuypis, runtu tamyapis, rashtapis y pukutaypis alabayay.
Dios Yaya munanqanta ruraq apäkuy wayrapis, alabay.
9Jirkakuna, lömakuna, frütayuq jachakuna y cedrukunapis, alabayay.
10Manshu y chucaru wätakuna, lätaypa puriqkuna y pishqukuna, alabayay.
11Kay patsachö reykuna, llapan nacionchö täkuq runakuna, poderyuq runakuna y autoridäkunapis, alabayay.
12Jövinkuna, jipashkuna, awkinkuna, wamrakuna, 13Dios Yayata alabayay.
Paymanqa manam ni pipis iwalantsu.
Paymi kay patsachö kaqkunapita y ciëluchö kaqkunapitapis mas poderösu.
14Paymi kuyanqan runankunata imaypis yanapan.
Pay munanqannö kawaq Israel runakuna, llapayki alabaykuyällay.
¡Aleluya!
Currently Selected:
Salmo 148: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
