Salmo 132
132
Salmo 132 (131)
Davidta prometinqanta cumplinanpaq Dios Yayata mañakunqan
Kay salmum Jerusalénman aywaqkuna cantayänanpaq.
1 Dios Yaya, David imanö sufrinqanta yarpaykullay.
2Jacob creyikunqan Dios Yaya, David änishunqaykita yarpaykullay.
3Änirmi nishurqayki:
<<Wajïchöpis manam täkushaqtsu,
puñuytapis manam tarishaqtsu,
4manam yanqallatapis puñushaqtsu,
manam ichikllatapis qepilläshaqtsu
5poderyuq Dios Yayapaq sitiuta manaraq tarirqa
y pay täkunanpaq wajita manaraq rurarqa>>.
6Efratachö kaykarmi Pactu Babulpaq parlaqta wiyayarqä.
Jaar pampachömi tariyarqä.
7Willanakurmi niyarqä:
<<¡Dios Yayapa wajinman aywashun!
¡Puntanman qonqurikushun!>>
8 Dios Yaya, täkunaykipaq kaqman shamuykullay
Poderösu babulniki kanqanchö täkullay.
9Servishuqniki sacerdötikunapis llapan voluntäninkunawan serviykuyälläshuy.
Munanqaykinö kawaqkunapis kushishqa alabaykuyäshuy.
10Servishuqniki David rayku akranqayki reyta yanapaykullay.#1Sam. 7.1-2; 2Crón. 1.4; 6.41-42.
11Davidta äninqaykitam imaypis cumplinki.
Änirmi nirqayki:
<<Qampita miraqkunallam imaypis trönuykichö rey kayanqa.#2Sam. 7.12-16; 1Crón. 17.11-14; Sal. 89.3-4; Hech. 2.30.
12Tsaynö kayanqa willakuynïta y pactu ruranqäta cumpliyaptinmi.
Tsaynöpam qampita miraqkuna trönuykichö imaypis rey kayanqa>>.
13 Dios Yayam Sión lömata akrashqa.
Tsaychö täkunanpaqmi akrashqa.
14Tsaymi nirqan:
<<Kaychömi imaypis täkushaq.
Kaychö trönü kananpaqmi akrashkä.
15Kaychö mikuy atska kananpaqmi bendicionnïta churashaq.
Waktsakunapis pacha juntam mikuyanqa.
16Sacerdötikunapis respitashqam kayanqa.
Cäsumaqkunam kushishqa alabayämanqa.
17Kaychömi Davidpita miraqkunata rey kayänanpaq churashaq.
Akranqä kayaptinmi poderyuq kayänanpaq yanapashaq.
18Chikiqninkunatam penqakuyman churashaq.
Peru mandakuq reymi sïqa chipakyaq corönan shukushqa kanqa>>.
Currently Selected:
Salmo 132: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
