Salmo 130
130
Salmo 130 (129)
Dios Yayaman confiakunqan
Kay salmum Jerusalénman aywaqkuna cantayänanpaq.
1 Dios Yayallä, alläpa llakikurmi ni imanakayta mana puëdir mañakallämü.
2Mañakamunqäta wiyaykallämay.
Rugakamunqäta äniykallämay.
3 Dios Yaya, jutsa ruraqkunata sas castigaptikiqa ¿piraq kawanman?
4Peru tsaynö kayaptinpis qampita mantsakuyänanpaqmi jutsankunata perdonanki.
5Llapan shonqüwanmi Dios Yayaman confiakü.
Änimanqankunatam shuyaraykä.
6Dios Yayatam rikaq rikaqlla shuyaraykä.
Täpakuqkuna patsa waränanta shuyaräyanqanpitapis masraqmi yanapamänanpaq shuyaraykä.
7Israel runakuna, Dios Yayata shuyaräshun.
Paymi llakipämäshun y imapitapis salvamäshun.
8Dios Yayam tukuyläya jutsa ruraypita perdonamäshun.#Mat. 1.21; Tito 2.14.
Currently Selected:
Salmo 130: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
