Salmo 127
127
Salmo 127 (126)
Dios Yaya yanapamanqantsik
Kay salmuqa Jerusalénman aywaqkuna cantayänanpaqmi. Salomón qellqanqan.
1 1 (1b) Wajita Dios Yaya mana shäritsiptinqa albañilkunapis manakaqllapaqmi wajikunata shäritsiyan.
Markata Dios Yaya mana cuidaptinqa cuidaqkunapis manakaqllapaqmi täpayan.
2Patsa waranqanpita patsa tsakanqanyaq sufrir aruyanqaykipis manakaqllapaqmi kanqa.
Dios Yayam kuyanqan runakuna puñuyanqanyaq wanayanqankunata alistapan.
3Tsurintsikkunam Dios Yaya qaramanqantsik herencia.
Wamrantsikkunam bendición kayan.
4Jövinllaparaq tsurintsikkunam soldädupa makinchö flëchakunanö kayan.
5Atska tsuriyuq karqa kushishqam kantsik.
Chikimaqnintsikkuna juezman apamashqapis tsurintsikkunaman confiakurmi mantsakuntsiktsu.
Currently Selected:
Salmo 127: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
