Salmo 126
126
Salmo 126 (125)
Yanapananpaq Dios Yayata mañakunqan
Kay salmum Jerusalénman aywaqkuna cantayänanpaq.
1Karu nacionchö kanqantsikpita Siónman Dios Yaya kutitsimashqam sueñuykanqantsikta yarparqantsik.
2Tsaymi alläpa kushikur Dios Yayata alabarqantsik.
Juk nacionchö täkuq runakunapis niyarqan:
<<¡Alläpa mantsakaypaq kaqkunata rurarmi paykunata Dios Yaya yanapashqa!>>
3Awmi, Dios Yayam imaykachöpis yanapamashkantsik.
Tsaypitam alläpa kushishqa kaykantsik.
4 Dios Yaya, ñawpata yanapayämanqaykinölla kananpis yanapaykayällämay.
Desiertuman tamyatsimuptiki raqrakunapa yaku aywaqnö bendicionniki kaykullätsun.
5Waqaykur waqaykur murukushqa karpis alläpa kushishqam cosëchata qoriyanqa.
6Waqar waqar murukurpis cosëchachöqa gavïllakunata marqashqa kushishqam kutiyämunqa.
Currently Selected:
Salmo 126: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
