Salmo 111
111
Salmo 111 (110)
Dios Yayata alabanqan
1¡Aleluya!
Llapan shonqüwanmi Dios Yayata alabashaq.
Pay munanqannö kawaq runakunawan qorikaykurmi alabashaq.
2 Dios Yaya ruranqankunam mantsakaypaq.
Ruranqankunata musyarmi yachayyuq runakuna alläpa kushikuyan.
3Llapan kamanqankunam alläpa kuyakuypaq.
Payqa imaypis allillatam ruran.
4Mantsakaypaq ruranqankunatam imaypis yarparäshun.
Dios Yayaqa alli shonqu y llakipäkuqmi.
5Paypita mantsakuqkunapaqmi mikuyninkunapis alistapan.
Pactu ruranqantaqa manam ni imay qonqanqatsu.
6Juk nación runakunata qarquskirmi kuyanqan runakunata posesionninkuna entregarqan.
Tsaynöpam poderyuq kanqanta tantiyatsirqan.
7Dios Yaya ruranqankunaqa llapanmi alli.
Paypa mandamientunkunaqa llapanpis cäsunapaqmi.
8Tsaykunaqa manam ni imaypis ushakanqatsu.
Tsaymi allikunata rurar kawakunapaq tantiyatsimantsik.
9Kuyanqan runankuna libri kayänanpaqmi Dios Yaya jorqamurqan.
Paykunawanmi pactuta rurarqan imayyaqpis yanapananpaq.
Paypa shutinmi santu y mantsaypaq.
10Yachayyuq kaytaqa qallaykuntsik Dios Yayapita mantsakurmi.
Mandamientunta cumpliqkunam alli yarpayyuq kayan.
¡Paymi imayyaqpis alabashqa kanqa!#Job 28.28; Prov. 1.7; 9.10.
Currently Selected:
Salmo 111: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
