Salmo 110
110
Salmo 110 (109)
Mandakuq reyta Dios Yaya yanapanqan
1a (1a) David qellqanqan salmu.
1 1 (1b) Mandamaqnïtam Dios Yaya nirqan:
<<Derëcha kaq lädüman jamakamuy llapan chikishuqnikikunata podernikiman churamunqäyaq>>.#Mat. 22.44; Mar. 12.36; Luc. 20.42-43; Hech. 2.34-35; Efe. 1.20-22; Col. 3.1; Heb. 1.13; 8.1; 10.12-13.
2 Siónpita mandakuq kanaykipaqmi Dios Yaya yanapaykäshunki.
Mandakuq kaykarqa chikishuqnikikunata podernikichö kaykatsillay.
3Guërraman aywanaykipaq willakatsiptikim soldäduykikuna saslla qorikäyämunqa.
Jirkakunachö shushall waran waran yurinqannömi qampis waran waran mas jöven tikranki.
4 Dios Yayam jurarnin änishurqayki:
<<Qammi imayyaqpis Melquisedecnö sacerdöti kanki>>.
Tsay änishunqaykitam imaypis cumplinqa.#Gén. 14.18-20; Heb. 5.6; 6.20; 7.17, 21.
5Dios Yayam derëcha kaq läduykichö imaypis yanapashunaykipaq kaykan.
Rabyanqan junaqchömi contrayki shäriq reykunatapis wañutsinqa.
6Contrayki shäriq nacionkunatam maytsaychöpis wañutsinqa.
Reykunata y autoridäkunatam ushakätsinqa.
7Qampam sïqa näni kuchunchö yakuta upyarkuptiki kallpayki yurinqa.
Currently Selected:
Salmo 110: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
