Proverbios 19
19
1Mas allim kanman tumpakuq y mana tantiyakuq runapita waktsa karpis respitashqa kanqan.#Prov. 28.6.
2Mana tantiyakur llutalla imatapis ruraptikiqa manam välintsu.
Imatapis apurädu rurarmi allitatsu ruranki.
3Mana tantiyakuq runaqa llutallam imaykatapis ruran.
Tsaynö ruraskirmi nin: <<Dios Yayam ruratsimashqa>>.
4Rïcu runaqa atska amïguyuqmi tikran.
Peru waktsa runatam sïqa amïgunpis dëjaskin.
5Llullakuq testïguqa castigashqam kanqa.
Llullakuq runaqa manam castïgupita qeshpinqatsu.#Prov. 19.9.
6Yanapakuq runatam pïmaypis mañakun.
Paywanmi pïmaypis amïgu kayta munan.
7Waktsa runata wawqinkunapis ajayaykäyaptinqa masraqchi amïgunkunaqa dëjaskiyan.
Manam pipis kantsu parlakurkunanpaq.
8Yachakunqannö kawaq runam kushishqa kawakun.
Tsay runapaqmi bendición kanqa.
9Llullakuq testïgum castigashqa kanqa.
Llullakuq runam imay höra karpis wañunqa.#Prov. 19.5.
10Mana tantiyakuq runa imaykayuq kanqanmi penqakuypaq.
Tsaynöllam servikuq runa mayor runakunapa mandakuqnin kanqan penqakuypaq.
11Tantiyakuq runaqa imapitapis manam rabyakuntsu.
Achäquita ashipaptinpis upällam kakun.
12León mantsaypaq qayaraykachanqannömi rey rabyanqanpis mantsaypaq.
Peru llakipäkuyninmi sïqa shushall qewakunaman shikwamuqnö kushikuypaq.
13Mana tantiyakuq jövinmi taytanta llakikatsin.
Ollqunta rabyatsiq warmim shutuq wajinö.#Prov. 27.15.
14Pipis taytanpitam wajita y ima herenciatapis chaskin.
Peru alli yarpayyuq warmitam sïqa Dios Yayapitaraq tarin.
15Qela runaqa puñukuyllachömi päran.
Tsaynö karqa mallaqayllachömi kawanqa.
16Dios Yayapa mandamientunkunata cäsuq runam alli kawakun.
Peru Dios Yaya niyanqanta mana cäsuq runam sïqa wañunqa.
17Waktsakunata yanaparqa Dios Yayata prestaqnöllam kaykan.
Tsaynö yanapanqanpitam Dios Yaya kutitsinqa.
18Wamra kanqanyaqlla tsurikita shumaq corriginki.
Mana corriginqaykipita mana allikunata rurar wañuptinmi qam jutsayuq kanki.
19Alläpa rabyakuq runam castigashqa kanqa.
Mana castigayaptinqa mas peormi mana allikunata ruranqa.
20Consejashunqaykita cäsukuy.
Corrigishunqaykita chaskikuy.
Chaskikurmi yachayyuq kanki.
21Runaqa alli kawakuyta munarmi imaykata rurananpaq yarpan.
Peru Dios Yaya permïtiptinraqmi imatapis ruran.#Prov. 16.1, 9; Ecl. 9.1.
22Cumplïdu runamanmi pipis confiakun.
Mas allim kanman llullakunqanpa rantin waktsa karpis rasun kaqllata parlanqan.
23 Dios Yayapita mantsakuq runam alli kawakun.
Tsay runam tranquïlu kawakur ima problëmamanpis mëtikuntsu.
24Qela runaqa plätun churapukushqa kaykarpis cucharallatapis manam shiminman apantsu.#Prov. 26.15.
25Mana tantiyakuq runam llutalla parlaq runata maqayanqanta rikarraq tantiyakun.
Peru yachayyuq runam sïqa consejayaptinlla tantiyakun.#Prov. 21.11.
26Taytanta suwapuq runapam penqakuyninpis kantsu.
Mamanta wajinpita qarquq runapam penqakuyninpis kantsu.
27Hïju, consejayäshunqaykita mana chaskikurqa mana tantiyakuqmi kanki.
28Llullakuq testïgum juezpitapis mana mantsakur llullakun.
Mana alli runam shimin kamakanqanta imaykatapis parlan.#Prov. 15.28.
29Lluta parlaq runatam garutir castigayan.
Mana cäsukuq runatam astar castigayan.
Currently Selected:
Proverbios 19: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Proverbios 19
19
1Mas allim kanman tumpakuq y mana tantiyakuq runapita waktsa karpis respitashqa kanqan.#Prov. 28.6.
2Mana tantiyakur llutalla imatapis ruraptikiqa manam välintsu.
Imatapis apurädu rurarmi allitatsu ruranki.
3Mana tantiyakuq runaqa llutallam imaykatapis ruran.
Tsaynö ruraskirmi nin: <<Dios Yayam ruratsimashqa>>.
4Rïcu runaqa atska amïguyuqmi tikran.
Peru waktsa runatam sïqa amïgunpis dëjaskin.
5Llullakuq testïguqa castigashqam kanqa.
Llullakuq runaqa manam castïgupita qeshpinqatsu.#Prov. 19.9.
6Yanapakuq runatam pïmaypis mañakun.
Paywanmi pïmaypis amïgu kayta munan.
7Waktsa runata wawqinkunapis ajayaykäyaptinqa masraqchi amïgunkunaqa dëjaskiyan.
Manam pipis kantsu parlakurkunanpaq.
8Yachakunqannö kawaq runam kushishqa kawakun.
Tsay runapaqmi bendición kanqa.
9Llullakuq testïgum castigashqa kanqa.
Llullakuq runam imay höra karpis wañunqa.#Prov. 19.5.
10Mana tantiyakuq runa imaykayuq kanqanmi penqakuypaq.
Tsaynöllam servikuq runa mayor runakunapa mandakuqnin kanqan penqakuypaq.
11Tantiyakuq runaqa imapitapis manam rabyakuntsu.
Achäquita ashipaptinpis upällam kakun.
12León mantsaypaq qayaraykachanqannömi rey rabyanqanpis mantsaypaq.
Peru llakipäkuyninmi sïqa shushall qewakunaman shikwamuqnö kushikuypaq.
13Mana tantiyakuq jövinmi taytanta llakikatsin.
Ollqunta rabyatsiq warmim shutuq wajinö.#Prov. 27.15.
14Pipis taytanpitam wajita y ima herenciatapis chaskin.
Peru alli yarpayyuq warmitam sïqa Dios Yayapitaraq tarin.
15Qela runaqa puñukuyllachömi päran.
Tsaynö karqa mallaqayllachömi kawanqa.
16Dios Yayapa mandamientunkunata cäsuq runam alli kawakun.
Peru Dios Yaya niyanqanta mana cäsuq runam sïqa wañunqa.
17Waktsakunata yanaparqa Dios Yayata prestaqnöllam kaykan.
Tsaynö yanapanqanpitam Dios Yaya kutitsinqa.
18Wamra kanqanyaqlla tsurikita shumaq corriginki.
Mana corriginqaykipita mana allikunata rurar wañuptinmi qam jutsayuq kanki.
19Alläpa rabyakuq runam castigashqa kanqa.
Mana castigayaptinqa mas peormi mana allikunata ruranqa.
20Consejashunqaykita cäsukuy.
Corrigishunqaykita chaskikuy.
Chaskikurmi yachayyuq kanki.
21Runaqa alli kawakuyta munarmi imaykata rurananpaq yarpan.
Peru Dios Yaya permïtiptinraqmi imatapis ruran.#Prov. 16.1, 9; Ecl. 9.1.
22Cumplïdu runamanmi pipis confiakun.
Mas allim kanman llullakunqanpa rantin waktsa karpis rasun kaqllata parlanqan.
23 Dios Yayapita mantsakuq runam alli kawakun.
Tsay runam tranquïlu kawakur ima problëmamanpis mëtikuntsu.
24Qela runaqa plätun churapukushqa kaykarpis cucharallatapis manam shiminman apantsu.#Prov. 26.15.
25Mana tantiyakuq runam llutalla parlaq runata maqayanqanta rikarraq tantiyakun.
Peru yachayyuq runam sïqa consejayaptinlla tantiyakun.#Prov. 21.11.
26Taytanta suwapuq runapam penqakuyninpis kantsu.
Mamanta wajinpita qarquq runapam penqakuyninpis kantsu.
27Hïju, consejayäshunqaykita mana chaskikurqa mana tantiyakuqmi kanki.
28Llullakuq testïgum juezpitapis mana mantsakur llullakun.
Mana alli runam shimin kamakanqanta imaykatapis parlan.#Prov. 15.28.
29Lluta parlaq runatam garutir castigayan.
Mana cäsukuq runatam astar castigayan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.